HOT(i)
8 לא על זבחיך אוכיחך ועולתיך לנגדי תמיד׃ 9 לא אקח מביתך פר ממכלאתיך עתודים׃ 10 כי לי כל חיתו יער בהמות בהררי אלף׃ 11 ידעתי כל עוף הרים וזיז שׂדי עמדי׃ 12 אם ארעב לא אמר לך כי לי תבל ומלאה׃ 13 האוכל בשׂר אבירים ודם עתודים אשׁתה׃ 14 זבח לאלהים תודה ושׁלם לעליון נדריך׃ 15 וקראני ביום צרה אחלצך ותכבדני׃ 16 ולרשׁע אמר אלהים מה לך לספר חקי ותשׂא בריתי עלי פיך׃ 17 ואתה שׂנאת מוסר ותשׁלך דברי אחריך׃ 18 אם ראית גנב ותרץ עמו ועם מנאפים חלקך׃