HOT(i)
18 ואל מי תדמיון אל ומה דמות תערכו׃ 19 הפסל נסך חרשׁ וצרף בזהב ירקענו ורתקות כסף צורף׃ 20 המסכן תרומה עץ לא ירקב יבחר חרשׁ חכם יבקשׁ לו להכין פסל לא ימוט׃ 21 הלוא תדעו הלוא תשׁמעו הלוא הגד מראשׁ לכם הלוא הבינתם מוסדות הארץ׃ 22 הישׁב על חוג הארץ וישׁביה כחגבים הנוטה כדק שׁמים וימתחם כאהל לשׁבת׃ 23 הנותן רוזנים לאין שׁפטי ארץ כתהו עשׂה׃ 24 אף בל נטעו אף בל זרעו אף בל שׁרשׁ בארץ גזעם וגם נשׁף בהם ויבשׁו וסערה כקשׁ תשׂאם׃ 25 ואל מי תדמיוני ואשׁוה יאמר קדושׁ׃