2 Samuel 1:8-16

HOT^{(i) 8} ויאמר לי מי אתה ויאמר אליו עמלקי אנכי׃ ⁹ ויאמר אלי עמד נא עלי ומתתני כי אחזני השׁבץ כי כל עוד נפשׁי׃ ¹⁰ ואעמד עליו ואמתתהו כי ידעתי כי לא יחיה אחרי נפלו ואקח הנזר אשׁר על ראשׁו ואצעדה אשׁר על זרעו ואביאם אל אדני הנה׃ ¹¹ ויחזק דוד בבגדו ויקרעם וגם כל האנשׁים אשׁר אתו׃ ¹² ויספדו ויבכו ויצמו עד הערב על שׁאול ועל יהונתן בנו ועל עם יהוה ועל בית ישׂראל כי נפלו בחרב׃ ¹³ ויאמר דוד אל הנער המגיד לו אי מזה אתה ויאמר בן אישׁ גר עמלקי אנכי׃ ¹⁴ ויאמר אליו דוד איך לא יראת לשׁלח ידך לשׁחת את משׁיח יהוה׃ ¹⁵ ויקרא דוד לאחד מהנערים ויאמר גשׁ פגע בו ויכהו וימת׃ ¹⁶ ויאמר אליו דוד דמיך על ראשׁך כי פיך ענה בך לאמר אנכי מתתי את משׁיח יהוה׃