HOT(i)
20 והלוים אחיה על אוצרות בית האלהים ולאצרות הקדשׁים׃ 21 בני לעדן בני הגרשׁני ללעדן ראשׁי האבות ללעדן הגרשׁני יחיאלי׃ 22 בני יחיאלי זתם ויואל אחיו על אצרות בית יהוה׃ 23 לעמרמי ליצהרי לחברוני לעזיאלי׃ 24 ושׁבאל בן גרשׁום בן משׁה נגיד על האצרות׃ 25 ואחיו לאליעזר רחביהו בנו וישׁעיהו בנו וירם בנו וזכרי בנו ושׁלמות בנו׃ 26 הוא שׁלמות ואחיו על כל אצרות הקדשׁים אשׁר הקדישׁ דויד המלך וראשׁי האבות לשׂרי האלפים והמאות ושׂרי הצבא׃ 27 מן המלחמות ומן השׁלל הקדישׁו לחזק לבית יהוה׃