1 Chronicles 2 אלה בני ישׂראל ראובן שׁמעון לוי ויהודה ישׂשכר וזבלון׃

HOT⁽ⁱ⁾ ¹ אלה בני ישׂראל ראובן שׁמעון לוי ויהודה ישׂשכר וזבלון׃ ² דן יוסף ובנימן נפתלי גד ואשׁר׃ ³ בני יהודה ער ואונן ושׁלה שׁלושׁה נולד לו מבת שׁוע הכנענית ויהי ער בכור יהודה רע בעיני יהוה וימיתהו׃ ⁴ ותמר כלתו ילדה לו את פרץ ואת זרח כל בני יהודה חמשׁה׃ ⁵ בני פרץ חצרון וחמול׃ ⁶ ובני זרח זמרי ואיתן והימן וכלכל ודרע כלם חמשׁה׃ ⁷ ובני כרמי עכר עוכר ישׂראל אשׁר מעל בחרם׃ ⁸ ובני איתן עזריה׃ ⁹ ובני חצרון אשׁר נולד לו את ירחמאל ואת רם ואת כלובי׃ ¹⁰ ורם הוליד את עמינדב ועמינדב הוליד את נחשׁון נשׂיא בני יהודה׃ ¹¹ ונחשׁון הוליד את שׂלמא ושׂלמא הוליד את בעז׃ ¹² ובעז הוליד את עובד ועובד הוליד את ישׁי׃ ¹³ ואישׁי הוליד את בכרו את אליאב ואבינדב השׁני ושׁמעא השׁלישׁי׃ ¹⁴ נתנאל הרביעי רדי החמישׁי׃ ¹⁵ אצם השׁשׁי דויד השׁבעי׃ ¹⁶ ואחיתיהם צרויה ואביגיל ובני צרויה אבשׁי ויואב ועשׂה אל שׁלשׁה׃ ¹⁷ ואביגיל ילדה את עמשׂא ואבי עמשׂא יתר הישׁמעאלי׃ ¹⁸ וכלב בן חצרון הוליד את עזובה אשׁה ואת יריעות ואלה בניה ישׁר ושׁובב וארדון׃ ¹⁹ ותמת עזובה ויקח לו כלב את אפרת ותלד לו את חור׃ ²⁰ וחור הוליד את אורי ואורי הוליד את בצלאל׃ ²¹ ואחר בא חצרון אל בת מכיר אבי גלעד והוא לקחה והוא בן שׁשׁים שׁנה ותלד לו את שׂגוב׃ ²² ושׂגוב הוליד את יאיר ויהי לו עשׂרים ושׁלושׁ ערים בארץ הגלעד׃ ²³ ויקח גשׁור וארם את חות יאיר מאתם את קנת ואת בנתיה שׁשׁים עיר כל אלה בני מכיר אבי גלעד׃ ²⁴ ואחר מות חצרון בכלב אפרתה ואשׁת חצרון אביה ותלד לו את אשׁחור אבי תקוע׃ ²⁵ ויהיו בני ירחמאל בכור חצרון הבכור רם ובונה וארן ואצם אחיה׃ ²⁶ ותהי אשׁה אחרת לירחמאל ושׁמה עטרה היא אם אונם׃ ²⁷ ויהיו בני רם בכור ירחמאל מעץ וימין ועקר׃ ²⁸ ויהיו בני אונם שׁמי וידע ובני שׁמי נדב ואבישׁור׃ ²⁹ ושׁם אשׁת אבישׁור אביהיל ותלד לו את אחבן ואת מוליד׃ ³⁰ ובני נדב סלד ואפים וימת סלד לא בנים׃ ³¹ ובני אפים ישׁעי ובני ישׁעי שׁשׁן ובני שׁשׁן אחלי׃ ³² ובני ידע אחי שׁמי יתר ויונתן וימת יתר לא בנים׃ ³³ ובני יונתן פלת וזזא אלה היו בני ירחמאל׃ ³⁴ ולא היה לשׁשׁן בנים כי אם בנות ולשׁשׁן עבד מצרי ושׁמו ירחע׃ ³⁵ ויתן שׁשׁן את בתו לירחע עבדו לאשׁה ותלד לו את עתי׃ ³⁶ ועתי הליד את נתן ונתן הוליד את זבד׃ ³⁷ וזבד הוליד את אפלל ואפלל הוליד את עובד׃ ³⁸ ועובד הוליד את יהוא ויהוא הוליד את עזריה׃ ³⁹ ועזריה הליד את חלץ וחלץ הליד את אלעשׂה׃ ⁴⁰ ואלעשׂה הליד את ססמי וססמי הליד את שׁלום׃ ⁴¹ ושׁלום הוליד את יקמיה ויקמיה הליד את אלישׁמע׃ ⁴² ובני כלב אחי ירחמאל מישׁע בכרו הוא אבי זיף ובני מרשׁה אבי חברון׃ ⁴³ ובני חברון קרח ותפח ורקם ושׁמע׃ ⁴⁴ ושׁמע הוליד את רחם אבי ירקעם ורקם הוליד את שׁמי׃ ⁴⁵ ובן שׁמי מעון ומעון אבי בית צור׃ ⁴⁶ ועיפה פילגשׁ כלב ילדה את חרן ואת מוצא ואת גזז וחרן הליד את גזז׃ ⁴⁷ ובני יהדי רגם ויותם וגישׁן ופלט ועיפה ושׁעף׃ ⁴⁸ פלגשׁ כלב מעכה ילד שׁבר ואת תרחנה׃ ⁴⁹ ותלד שׁעף אבי מדמנה את שׁוא אבי מכבנה ואבי גבעא ובת כלב עכסה׃ ⁵⁰ אלה היו בני כלב בן חור בכור אפרתה שׁובל אבי קרית יערים׃ ⁵¹ שׂלמא אבי בית לחם חרף אבי בית גדר׃ ⁵² ויהיו בנים לשׁובל אבי קרית יערים הראה חצי המנחות׃ ⁵³ ומשׁפחות קרית יערים היתרי והפותי והשׁמתי והמשׁרעי מאלה יצאו הצרעתי והאשׁתאלי׃ ⁵⁴ בני שׂלמא בית לחם ונטופתי עטרות בית יואב וחצי המנחתי הצרעי׃ ⁵⁵ ומשׁפחות ספרים ישׁבו יעבץ תרעתים שׁמעתים שׂוכתים המה הקינים הבאים מחמת אבי בית רכב׃