Psalms 105:1-119:176 Gloru la Eternulon, voku Lian nomon; Sciigu inter la popoloj Liajn farojn.

Esperanto⁽ⁱ⁾ ¹ Gloru la Eternulon, voku Lian nomon; Sciigu inter la popoloj Liajn farojn. ² Kantu al Li, muziku al Li; Parolu pri cxiuj Liaj mirakloj. ³ Lauxdu Lian sanktan nomon; GXoju la koro de tiuj, kiuj sercxas la Eternulon. ⁴ Turnu vin al la Eternulo kaj al Lia potenco; Sercxu cxiam Lian vizagxon. ⁵ Memoru Liajn miraklojn, kiujn Li faris, Liajn signomiraklojn kaj la jugxojn de Lia busxo; ⁶ Vi, semo de Abraham, Lia sklavo, Filoj de Jakob, Liaj elektitoj. ⁷ Li estas la Eternulo, nia Dio; Sur la tuta tero estas Liaj jugxoj. ⁸ Li memoras eterne Sian interligon, La vorton, kiun Li testamentis por mil generacioj, ⁹ Kiun Li interkonsentis kun Abraham Kaj jxuris al Isaak. ¹⁰ Li metis gxin por Jakob kiel legxon, Por Izrael kiel eternan interligon, ¹¹ Dirante:Al vi Mi donos la landon Kanaanan Kiel vian parton heredan. ¹² Kiam ili estis malgrandnombraj, Malmultaj, kaj fremduloj en gxi, ¹³ Kaj ili iradis de popolo al popolo, El unu regno al alia gento, ¹⁴ Tiam Li al neniu permesis premi ilin, Kaj Li punis pro ili regxojn, dirante: ¹⁵ Ne tusxu Miajn sanktoleitojn, Kaj al Miaj profetoj ne faru malbonon. ¹⁶ Kaj Li sendis malsaton en la landon, Rompis cxion, kio portis panon. ¹⁷ Li sendis antaux ili homon: Jozef estis vendita kiel sklavo. ¹⁸ Oni enpremis liajn piedojn en katenojn, Fero sxargxis lian korpon, ¹⁹ GXis la tempo, kiam venis Lia vorto; La parolo de la Eternulo lin elprovis. ²⁰ Regxo sendis kaj malligis lin, Reganto super popoloj liberigis lin; ²¹ Li faris lin sinjoro super lia domo Kaj reganto super lia tuta havo, ²² Ke li submetu al si liajn eminentulojn Kaj sagxigu liajn maljunulojn. ²³ Kaj Izrael venis en Egiptujon, Kaj Jakob enmigris en la landon de HXam. ²⁴ Kaj Li tre kreskigis Sian popolon, Kaj faris gxin pli forta ol gxiaj malamikoj. ²⁵ Li malgxustigis ilian koron, Ke ili ekmalamis Lian popolon, ekruzis kontraux Liaj sklavoj. ²⁶ Li sendis Moseon, Sian sklavon, Kaj Aaronon, kiun Li elektis. ²⁷ Ili faris inter ili Liajn pruvosignojn Kaj miraklojn en la lando de HXam. ²⁸ Li sendis mallumon kaj mallumigis; Kaj ili ne atentis Liajn vortojn. ²⁹ Li sxangxis ilian akvon en sangon, Kaj senvivigis iliajn fisxojn. ³⁰ Ilia tero eksvarmigis ranojn, En la cxambroj de iliaj regxoj. ³¹ Li diris, kaj venis fiinsektoj, Pedikoj en cxiuj iliaj regionoj. ³² Antataux pluvo Li donis al ili hajlon, Flamantan fajron en ilia lando. ³³ Li batis iliajn vinbertrunkojn kaj iliajn figarbojn, Kaj rompis la arbojn en iliaj limoj. ³⁴ Li diris, kaj venis akridoj kaj skaraboj sennombraj ³⁵ Kaj formangxis la tutan herbon en ilia lando Kaj formangxis la produktojn de ilia tero. ³⁶ Kaj Li mortigis cxiujn unuenaskitojn en ilia lando, La komencajxojn de cxiuj iliaj fortoj. ³⁷ Sed ilin Li elkondukis kun argxento kaj oro, Kaj en iliaj triboj estis neniu kadukulo. ³⁸ GXojis Egiptujo, kiam ili eliris, CXar atakis gxin timo antaux ili. ³⁹ Li etendis nubon, kiel kovron; Kaj fajron, por ke gxi lumu en la nokto. ⁴⁰ Ili petis, kaj Li sendis koturnojn, Kaj per pano cxiela Li ilin satigis. ⁴¹ Li malfermis rokon, Kaj ekfluis akvo kaj ekiris kiel rivero en la dezerto. ⁴² CXar Li memoris Sian sanktan vorton Al Abraham, Sia sklavo. ⁴³ Kaj Li elkondukis Sian popolon en gxojo, Siajn elektitojn kun kantado. ⁴⁴ Kaj Li donis al ili la landojn de popoloj, Kaj la laboron de gentoj ili heredis; ⁴⁵ Por ke ili plenumu Liajn legxojn Kaj konservu Liajn instruojn. Haleluja! ¹⁰⁶ ¹ Haleluja! Gloru la Eternulon, cxar Li estas bona; CXar eterna estas Lia boneco. ² Kiu eldiros la potencon de la Eternulo, Auxdigos Lian tutan gloron? ³ Bone estas al tiuj, kiuj observas justecon, Kiuj agas bone en cxiu tempo. ⁴ Memoru min, ho Eternulo, pro favoro al Via popolo; Sendu al mi Vian savon, ⁵ Por ke mi vidu la bonstaton de Viaj elektitoj, Por ke mi gxoju kun la gxojo de Via popolo, Por ke mi triumfu kun Via heredo. ⁶ Ni pekis kune kun niaj patroj, Ni malbonagis, ni malvirtis. ⁷ Niaj patroj en Egiptujo ne komprenis Viajn miraklojn, Ne memoris Vian grandan bonecon; Kaj ili ribelis apud la maro, apud la Rugxa Maro. ⁸ Sed Li savis ilin pro Sia nomo, Por montri Sian potencon. ⁹ Kaj Li ekkriis al la Rugxa Maro, kaj gxi elsekigxis; Kaj Li kondukis ilin tra la abismoj, kiel tra la dezerto. ¹⁰ Kaj Li savis ilin el la mano de la malamanto, Kaj Li liberigis ilin en la mano de la malamiko. ¹¹ Kaj la akvo kovris iliajn kontrauxulojn; Ecx unu el ili ne restis. ¹² Tiam ili ekkredis al Liaj vortoj, Ili ekkantis Lian gloron. ¹³ Sed baldaux ili forgesis Liajn farojn, Ili ne fidis Lian konsilon. ¹⁴ Ili fordonis sin al siaj kapricoj en la dezerto, Kaj ili incitis Dion en la stepo. ¹⁵ Kaj Li plenumis ilian deziron, Sed Li sendis pereon al iliaj animoj. ¹⁶ Ili enviis Moseon en la tendaro, Aaronon, sanktulon de la Eternulo. ¹⁷ Malfermigxis la tero kaj englutis Datanon, Kaj kovris la anaron de Abiram. ¹⁸ Kaj ekbrulis fajro en ilia anaro, Flamo forbruligis la malvirtulojn. ¹⁹ Ili faris bovidon cxe HXoreb, Kaj adorklinigxis antaux fandajxo. ²⁰ Ili sxangxis sian honoron En bildon de bovo, kiu mangxas herbon. ²¹ Ili forgesis Dion, sian savanton, Kiu faris grandajn farojn en Egiptujo, ²² Miraklojn en la lando de HXam, Timindajxojn apud la Rugxa Maro. ²³ Kaj Li decidis ekstermi ilin; Sed Moseo, Lia elektito, starigxis antaux Li cxe la fendo, Por forklini Lian koleregon, ke Li ilin ne ekstermu. ²⁴ Kaj ili malsxatis la dezirindan landon, Ili ne kredis al Lia vorto. ²⁵ Ili murmuris en siaj tendoj, Kaj ne auxskultis la vocxon de la Eternulo. ²⁶ Tial Li jxuris al ili per levo de Sia mano, Por faligi ilin en la dezerto, ²⁷ Kaj por disfaligi ilian semon inter la popoloj, Kaj disjxeti ilin en la landojn. ²⁸ Kaj ili aligxis al Baal-Peor, Kaj mangxis oferricevojn de malvivuloj. ²⁹ Kaj ili kolerigis Lin per siaj faroj; Kaj disvastigxis inter ili epidemio. ³⁰ Kaj starigxis Pinehxas kaj arangxis jugxon; Kaj la epidemio haltis. ³¹ Kaj tio estas kalkulita al li kiel bonfaro, Por cxiuj generacioj kaj eterne. ³² Kaj ili kolerigis Lin cxe la akvo de Meriba, Kaj pro ili farigxis malbono al Moseo; ³³ CXar ili maldolcxigis lian spiriton, Kaj li eldiris ion nepripensitan per sia busxo. ³⁴ Ili ne ekstermis la popolojn, Pri kiuj diris al ili la Eternulo; ³⁵ Sed ili miksigxis kun la popoloj Kaj lernis iliajn farojn; ³⁶ Ili servis al iliaj idoloj, Kaj cxi tiuj farigxis reto por ili. ³⁷ Kaj ili oferdonis siajn filojn kaj filinojn al demonoj; ³⁸ Kaj ili versxis senkulpan sangon, la sangon de siaj filoj kaj filinoj, Kiujn ili oferportis al la Kanaanaj idoloj; Kaj la tero malpurigxis de sango. ³⁹ Kaj ili malpurigxis per siaj faroj, Kaj malcxastigxis per siaj agoj. ⁴⁰ Kaj ekflamis la kolero de la Eternulo kontraux Lia popolo, Kaj Li abomenis Sian heredon; ⁴¹ Kaj Li donis ilin en la manojn de idolanoj, Kaj iliaj malamantoj ekregis super ili. ⁴² Kaj premis ilin iliaj malamikoj, Kaj sub la manoj de cxi tiuj ili humiligxis. ⁴³ Multajn fojojn Li ilin savis; Sed ili ribeladis per siaj entreprenoj, Kaj ili senfortigxis pro sia krimeco. ⁴⁴ Sed Li ekrigardis ilian suferon, Kiam Li auxdis ilian kriadon; ⁴⁵ Kaj Li rememoris Sian interligon kun ili, Kaj Li ekbedauxris laux Sia granda favorkoreco; ⁴⁶ Kaj Li aperigis kompaton por ili CXe cxiuj iliaj malliberigintoj. ⁴⁷ Savu nin, ho Eternulo, nia Dio, Kaj kolektu nin el inter la popoloj, Por glori Vian sanktan nomon, Por triumfi pro Via gloro. ⁴⁸ Glorata estu la Eternulo, Dio de Izrael, de eterne gxis eterne. Kaj la tuta popolo diru:Amen. Haleluja! ¹⁰⁷ ¹ Gloru la Eternulon, cxar Li estas bona; CXar eterna estas Lia boneco: ² Diru la liberigitoj de la Eternulo, Kiujn Li liberigis el la mano de malamiko, ³ Kiujn Li kolektis el la landoj, De oriento kaj okcidento, De nordo kaj de la maro. ⁴ Ili vagis en la dezerto, laux vojo senviva, Urbon logxatan ili ne trovis; ⁵ Ili malsatis kaj soifis, Ilia animo en ili senfortigxis. ⁶ Sed ili ekkriis al la Eternulo en sia sufero, Kaj Li liberigis ilin el ilia mizero. ⁷ Kaj Li kondukis ilin laux gxusta vojo, Ke ili venu al urbo logxata. ⁸ Ili gloru la Eternulon por Lia boneco, Kaj por Liaj mirakloj antaux la homidoj. ⁹ CXar Li satigis animon soifantan, Kaj animon malsatan Li plenigis per bonajxo. ¹⁰ Ili sidis en mallumo kaj en ombro de morto, Katenitaj de mizero kaj fero; ¹¹ CXar ili malobeis la vortojn de Dio Kaj malsxatis la decidon de la Plejaltulo. ¹² Kaj Li frapis ilian koron per sufero; Ili falis, kaj neniu helpis. ¹³ Sed ili ekkriis al la Eternulo en sia sufero, Kaj Li liberigis ilin el ilia mizero. ¹⁴ Li eligis ilin el mallumo kaj ombro de morto, Kaj iliajn ligilojn Li dissxiris. ¹⁵ Ili gloru la Eternulon por Lia boneco, Kaj por Liaj mirakloj antaux la homidoj. ¹⁶ CXar Li rompis kuprajn pordojn, Kaj disbatis ferajn riglilojn. ¹⁷ La malsagxuloj suferis pro siaj pekaj vojoj Kaj pro siaj krimoj; ¹⁸ CXiujn mangxojn abomenis ilia animo, Kaj ili atingis la pordegon de la morto. ¹⁹ Sed ili ekkriis al la Eternulo en sia sufero, Kaj Li liberigis ilin el ilia mizero. ²⁰ Li sendis Sian vorton, Kaj Li sanigis ilin kaj savis ilin de la tombo. ²¹ Ili gloru la Eternulon por Lia boneco, Kaj por Liaj mirakloj antaux la homidoj. ²² Kaj ili oferdonu dankajn oferojn, Kaj rakontu Liajn farojn kun kantado. ²³ Kiuj veturas per sxipoj sur la maro, Kiuj komercas sur grandaj akvoj, ²⁴ Tiuj vidis la farojn de la Eternulo Kaj Liajn miraklojn en la profundo. ²⁵ Li diris, kaj aperis granda ventego Kaj alte levis gxiajn ondojn: ²⁶ Ili levigxas gxis la cxielo, mallevigxas en la abismojn; Ilia animo konsumigxas de sufero; ²⁷ Ili iras cxirkauxe kaj sxanceligxas kiel ebriulo, Kaj ilia tuta sagxeco malaperas. ²⁸ Sed ili ekkriis al la Eternulo en sia sufero, Kaj Li eligis ilin el ilia mizero. ²⁹ Li kvietigis la ventegon, Kaj gxiaj ondoj silentigxis. ³⁰ Kaj ili ekgxojis, kiam farigxis silente; Kaj Li alkondukis ilin al la dezirata haveno. ³¹ Ili gloru la Eternulon por Lia boneco, Kaj por Liaj mirakloj antaux la homidoj. ³² Kaj ili altigu Lin en popola kunveno, Kaj en kunsido de plejagxuloj ili Lin lauxdu. ³³ Li sxangxas riverojn en dezerton, Kaj fontojn de akvo en sekajxon; ³⁴ Fruktoportan teron en salan dezerton, Pro la malboneco de gxiaj logxantoj. ³⁵ Li sxangxas dezerton en lagon, Kaj sekan teron en fontojn de akvo; ³⁶ Kaj Li logxigas tie malsatulojn, Kaj ili konstruas urbon logxatan. ³⁷ Kaj ili prisemas kampojn, Plantas vinberujojn, kaj ricevas fruktojn. ³⁸ Kaj Li ilin benas, kaj ili tre multigxas, Kaj brutoj ne mankas al ili. ³⁹ Kaj kiam ili estas tre malmultaj kaj malfortaj Pro la premanta malbono kaj mizero, ⁴⁰ Li versxas honton sur eminentulojn, Kaj erarvagigas ilin en dezerto senvoja. ⁴¹ Malricxulon Li altigas el mizero, Kaj kreas familiojn kiel sxafojn. ⁴² La virtuloj tion vidas, kaj gxojas; Kaj cxia malboneco fermas sian busxon. ⁴³ Kiu estas sagxa, tiu tion observu, Kaj oni komprenu la favorajxojn de la Eternulo. ¹⁰⁸ ¹ Kanto. Psalmo de David. Fortika estas mia koro, ho Dio; Mi kantos kaj gloros kun mia honoro. ² Vekigxu, psaltero kaj harpo; Mi vekos la matenan cxielrugxon. ³ Mi gloros Vin, ho Eternulo, inter la popoloj; Kaj mi prikantos Vin inter la gentoj. ⁴ CXar granda gxis super la cxielo estas Via boneco, Kaj gxis la nuboj estas Via vero. ⁵ Altigxu super la cxielo, ho Dio; Kaj Via gloro estu super la tuta tero. ⁶ Por ke liberigxu viaj amatoj, Helpu per Via dekstra mano, kaj auxskultu min. ⁷ Dio diris en Sia sanktejo:Mi triumfos; Mi dividos SXehxemon, kaj la valon Sukot Mi mezuros. ⁸ Al Mi apartenas Gilead, al Mi apartenas Manase; Efraim estas la forto de Mia kapo, Jehuda estas Mia sceptro. ⁹ Moab estas Mia lavopelvo; Sur Edomon Mi jxetos Mian sxuon; Super Filisxtujo Mi triumfe krios. ¹⁰ Kiu enkondukos min en fortikigitan urbon? Kiu alkondukos min gxis Edom? ¹¹ CXu ne Vi, ho Dio, forlasis nin? Vi ne eliras, ho Dio, kun niaj militistaroj. ¹² Donu al ni helpon kontraux la malamiko; Vanta estas helpo de homo. ¹³ Kun Dio ni faros heroajxojn; Kaj Li dispremos niajn malamikojn. ¹⁰⁹ ¹ Al la hxorestro. Psalmo de David. Ho Dio, mia gloro, ne silentu. ² CXar busxon malvirtan kaj busxon malican ili malfermis kontraux mi, Ili parolas kun mi per mensogema lango. ³ Per vortoj de malamo ili min cxirkauxis, Kaj ili militas kontraux mi sen mia kulpo. ⁴ Por mia amo ili min malamas; Sed mi pregxas. ⁵ Ili pagas al mi malbonon por bono Kaj malamon por mia amo. ⁶ Metu malvirtulon super lin; Kaj kontrauxulo starigxu cxe lia dekstra mano. ⁷ Kiam li estos jugxata, li eliru kulpa; Kaj lia pregxo estu peko. ⁸ Liaj tagoj estu malmultaj; Lian oficon ricevu alia. ⁹ Liaj infanoj estu orfoj, Kaj lia edzino estu vidvino. ¹⁰ Liaj infanoj vagadu, Kaj ili petu kaj sercxu apud siaj ruinoj. ¹¹ Kreditoro forprenu cxion, kion li havas; Kaj fremduloj disrabu lian laboron. ¹² Neniu faru al li ion bonan; Kaj ne trovigxu kompatanto por liaj orfoj. ¹³ Lia idaro estu kondamnita al ekstermo; En la dua generacio elvisxigxu ilia nomo. ¹⁴ La malbonago de liaj patroj rememorigxu al la Eternulo, Kaj la peko de lia patrino ne elvisxigxu. ¹⁵ Ili estu cxiam antaux la Eternulo, Kaj Li ekstermu la memoron pri ili de sur la tero. ¹⁶ Pro tio, ke li ne memoris fari bonfarojn, Kaj ke li persekutis mizerulon kaj malricxulon kaj korsuferanton, Por lin mortigi. ¹⁷ Li amis malbenon, kaj gxi venis sur lin; Li ne volis benon, kaj gxi malproksimigxis de li. ¹⁸ Li metis sur sin malbenon, kiel veston; Kaj gxi penetris en lian internon, kiel akvo, Kaj en liajn ostojn, kiel oleo. ¹⁹ GXi estu por li kiel vesto, per kiu li sin kovras, Kaj kiel zono, kiun li cxiam portas cxirkaux si. ²⁰ Tia estas de la Eternulo la agado kontraux miaj kontrauxuloj, Kaj kontraux tiuj, kiuj parolas malbonon kontraux mia animo. ²¹ Kaj Vi, ho Eternulo, mia Sinjoro, agu kun mi pro Via nomo; CXar bona estas Via favorkoreco, savu min. ²² CXar mi estas malricxulo kaj mizerulo, Kaj mia koro estas rompita en mia interno. ²³ Kiel ombro longigxanta mi malaperas; Oni forskuas min kiel akridon. ²⁴ Miaj genuoj senfortigxis de fastado, Kaj mia karno perdis la grason. ²⁵ Kaj mi farigxis mokatajxo por ili; Kiam ili vidas min, ili balancas sian kapon. ²⁶ Helpu min, ho Eternulo, mia Dio; Savu min laux Via boneco. ²⁷ Kaj oni sciu, ke tio estas Via mano; Ke Vi, ho Eternulo, tion faris. ²⁸ Ili malbenas, sed Vi benu; Ili levigxis, sed ili estos hontigitaj, kaj Via sklavo gxojos. ²⁹ Miaj kontrauxuloj kovrigxu per malhonoro, Kaj ili envolvigxu en sian honton kiel en veston. ³⁰ Mi forte gloros la Eternulon per mia busxo, Kaj meze de multaj homoj mi Lin lauxdos. ³¹ CXar Li staras cxe la dekstra flanko de malricxulo, Por savi lin de tiuj, kiuj jugxas lian animon. ¹¹⁰ ¹ Psalmo de David. La Eternulo diris al mia sinjoro:Sidu dekstre de Mi, GXis Mi faros viajn malamikojn benketo por viaj piedoj. ² La sceptron de via potenco la Eternulo sendos el Cion: Regu inter viaj malamikoj. ³ En la tago de via potenco via popolo volonte sin donas al vi en sankta ornamo. De la komenco de matenrugxo aligxas al vi la roso de via junularo. ⁴ La Eternulo jxuris, kaj ne pentos; Vi estas pastro por cxiam, Laux la maniero de Melkicedek. ⁵ La Sinjoro cxe via dekstra flanko Frapas regxojn en la tago de Sia kolero. ⁶ Li jugxos inter la popoloj, inter plene da kadavroj; Li frakasos la cxefon de granda lando. ⁷ Li trinkos el rivero sur la vojo; Tial li levos la kapon. ¹¹¹ ¹ Haleluja! Mi gloras la Eternulon per mia tuta koro, En rondo de piuloj kaj en kunveno. ² Grandaj estas la faroj de la Eternulo, Sercxataj de cxiuj, kiuj ilin amas. ³ Bela kaj majesta estas Lia verko, Kaj Lia justeco restas eterne. ⁴ Memorindaj Li faris Siajn miraklojn; Kompatema kaj favorkora estas la Eternulo. ⁵ Li donas mangxon al tiuj, kiuj Lin timas; Li memoras eterne Sian interligon. ⁶ La potencon de Siaj fortoj Li aperigis al Sia popolo, Doninte al ili la heredon de gentoj. ⁷ La faroj de Liaj manoj estas vero kaj justeco; Perfektaj estas cxiuj Liaj ordonoj; ⁸ Ili estas fortikaj por eterne, Faritaj per vero kaj honesto. ⁹ Liberigon Li sendis al Sia popolo; Li arangxis por cxiam Sian interligon. Sankta kaj respektinda estas Lia nomo. ¹⁰ Komenco de sagxeco estas timo antaux la Eternulo; Bonan prudenton havas cxiuj plenumantoj. Lia gloro restas eterne. ¹¹² ¹ Haleluja! Bone estas al la homo, kiu timas la Eternulon Kaj tre amas Liajn ordonojn. ² Forta sur la tero estos lia semo; La gento de virtuloj estos benita. ³ Bonstato kaj ricxeco estas en lia domo; Kaj lia justeco restas eterne. ⁴ En mallumo levigxas lumo por la virtulo. Li estas kompatema, favorkora, kaj justa. ⁵ Bone estas al la homo, kiu kompatas kaj pruntedonas, Kiu pesas siajn farojn per justeco. ⁶ CXar neniam li falos; Virtulo estos memorata eterne. ⁷ Malbonan famon li ne timos; Fortika estas lia koro, gxi fidas la Eternulon. ⁸ Sensxanceligxa estas lia koro; Li ne timas, gxis li vidas la pereon de siaj malamikoj. ⁹ Li sxutas kaj donas al la malricxuloj; Lia justeco restas eterne, Lia korno altigxos en honoro. ¹⁰ La malvirtulo vidas kaj cxagrenigxas, Kunfrapas la dentojn kaj konsumigxas. La deziro de malvirtuloj pereos. ¹¹³ ¹ Haleluja! Gloru, sklavoj de la Eternulo, Gloru la nomon de la Eternulo. ² La nomo de la Eternulo estu benata De nun kaj eterne. ³ De la levigxejo de la suno gxis gxia mallevigxejo Estas glorata la nomo de la Eternulo. ⁴ Alte super cxiuj popoloj estas la Eternulo; Super la cxielo estas Lia gloro. ⁵ Kiu estas kiel la Eternulo, nia Dio, Kiu sidas alte, ⁶ Kiu klinigxas por rigardi La cxielon kaj la teron, ⁷ Kiu el la polvo restarigas mizerulon, El la koto levas malricxulon, ⁸ Por sidigi lin kun eminentuloj, Kun la eminentuloj de lia popolo? ⁹ Li donas familion al senfruktulino, Kaj faras sxin gxoja patrino de infanoj. Haleluja! ¹¹⁴ ¹ Kiam Izrael eliris el Egiptujo, La domo de Jakob el fremda popolo, ² Tiam Jehuda farigxis Lia sanktajxo, Izrael Lia regno. ³ La maro vidis kaj forkuris, Jordan turnigxis malantauxen; ⁴ La montoj saltis kiel sxafoj, La montetoj kiel sxafidoj. ⁵ Kio estas al vi, ho maro, ke vi forkuris? Jordan, kial vi turnigxis malantauxen? ⁶ Montoj, kial vi saltas kiel sxafoj, Montetoj, kiel sxafidoj? ⁷ Antaux la Sinjoro tremu, ho tero, Antaux la Dio de Jakob, ⁸ Kiu sxangxas rokon en lagon da akvo, Graniton en akvodonan fonton. ¹¹⁵ ¹ Ne al ni, ho Eternulo, ne al ni, Sed al Via nomo donu honoron, Pro Via favorkoreco, pro Via vereco. ² Kial devas diri la popoloj: Kie do estas ilia Dio? ³ Sed nia Dio estas en la cxielo; CXion, kion Li deziras, Li faras. ⁴ Iliaj idoloj estas argxento kaj oro, Faritajxo de homaj manoj. ⁵ Busxon ili havas, sed ne parolas; Okulojn ili havas, sed ne vidas; ⁶ Orelojn ili havas, sed ne auxdas; Nazon ili havas, sed ne flaras; ⁷ Manojn ili havas, sed ne palpas; Piedojn ili havas, sed ne iras; Ili ne donas sonon per sia gorgxo. ⁸ Kiel ili, tiel estos iliaj farantoj, CXiuj, kiuj ilin fidas. ⁹ Ho Izrael, fidu la Eternulon; Li estas ilia helpo kaj sxildo. ¹⁰ Ho domo de Aaron, fidu la Eternulon; Li estas ilia helpo kaj sxildo. ¹¹ Ho timantoj de la Eternulo, fidu la Eternulon; Li estas ilia helpo kaj sxildo. ¹² La Eternulo nin memoras, Li benas, Li benas la domon de Izrael, Li benas la domon de Aaron; ¹³ Li benas la timantojn de la Eternulo, La malgrandajn kaj la grandajn. ¹⁴ La Eternulo vin multigu, Vin kaj viajn infanojn. ¹⁵ Vi estas benitaj de la Eternulo, Kiu faris la cxielon kaj la teron. ¹⁶ La cxielo estas cxielo de la Eternulo, Sed la teron Li donis al la homidoj. ¹⁷ Ne la mortintoj gloros la Eternulon, Kaj ne tiuj, kiuj foriris en la silentejon. ¹⁸ Sed ni benos la Eternulon De nun kaj eterne. Haleluja! ¹¹⁶ ¹ Mi amas, ke la Eternulo auxdas mian vocxon Kaj mian petegon, ² Ke Li klinis Sian orelon al mi; Kaj en miaj tagoj mi Lin vokos. ³ CXirkauxis min la ondoj de la morto, Kaj turmentoj de SXeol min trafis; Suferon kaj cxagrenon mi trovis. ⁴ Sed la nomon de la Eternulo mi vokis: Ho Eternulo, savu mian animon. ⁵ Favorkora estas la Eternulo kaj justa, Kaj nia Dio estas kompatema. ⁶ La Eternulo gardas la simplanimulojn; Mi estis en mizero, kaj Li min savis. ⁷ Revenu, ho mia animo, al via trankvileco, CXar la Eternulo faris al vi bonon. ⁸ CXar Vi savis mian animon de la morto, Miajn okulojn de larmoj, Miajn piedojn de falpusxigxo. ⁹ Mi irados antaux la Eternulo En la lando de la vivo. ¹⁰ Kun kredo mi diris: Mi estas tre afliktita. ¹¹ Mi diris en mia konfuzigxo: CXu homo mensogas. ¹² Kion mi redonu al la Eternulo Por cxiuj Liaj bonfaroj al mi? ¹³ Mi levos la pokalon de savo, Kaj mi vokos la nomon de la Eternulo. ¹⁴ Miajn promesojn al la Eternulo mi plenumos Antaux Lia tuta popolo. ¹⁵ Grandvalora en la okuloj de la Eternulo Estas la morto de Liaj fideluloj. ¹⁶ Ho Eternulo, mi ja estas Via sklavo, Mi estas Via sklavo, filo de Via sklavino; Vi disigis miajn ligilojn. ¹⁷ Al Vi mi oferdonos dankan oferon, Kaj la nomon de la Eternulo mi vokos. ¹⁸ Miajn promesojn al la Eternulo mi plenumos Antaux Lia tuta popolo, ¹⁹ En la kortoj de la domo de la Eternulo, Interne de vi, ho Jerusalem. ¹¹⁷ ¹ Haleluja! Gloru la Eternulon cxiuj popoloj, Lauxdu Lin cxiuj gentoj; ² CXar granda estas Lia boneco al ni, Kaj la vero de la Eternulo restas eterne. ¹¹⁸ ¹ Haleluja! Gloru la Eternulon, cxar Li estas bona; CXar eterna estas Lia boneco. ² Izrael diru, Ke eterna estas Lia boneco. ³ La domo de Aaron diru, Ke eterna estas Lia boneco. ⁴ La timantoj de la Eternulo diru, Ke eterna estas Lia boneco. ⁵ El premateco mi vokis al la Eternulo, Kaj per liberigo respondis al mi la Eternulo. ⁶ La Eternulo estas kun mi, mi ne timas; Kion faros al mi homo? ⁷ La Eternulo estas kun mi, kiel mia helpanto; Kaj mi triumfos super miaj malamikoj. ⁸ Pli bone estas fidi la Eternulon, Ol fidi homon. ⁹ Pli bone estas fidi la Eternulon, Ol fidi eminentulojn. ¹⁰ CXiuj popoloj min cxirkauxis, Sed per la nomo de la Eternulo mi ilin disbatos. ¹¹ Ili cxirkauxis min de cxiuj flankoj, Sed per la nomo de la Eternulo mi ilin disbatos. ¹² Ili cxirkauxis min kiel abeloj, Sed ili estingigxas, kiel fajro en dornoj; Per la nomo de la Eternulo mi ilin disbatos. ¹³ Oni min pusxis, ke mi falu; Sed la Eternulo min helpis. ¹⁴ La Eternulo estas mia forto kaj mia kanto, Kaj Li farigxis mia savo. ¹⁵ La vocxo de triumfo kaj de savigxo sonas en la tendoj de la virtuloj: La dekstra mano de la Eternulo faras heroajxojn; ¹⁶ La dekstra mano de la Eternulo estas alte, La dekstra mano de la Eternulo faras heroajxojn. ¹⁷ Mi ne mortos, sed mi vivos, Kaj mi rakontos la farojn de la Eternulo. ¹⁸ Per forta puno punadis min la Eternulo, Sed al la morto Li min ne donis. ¹⁹ Malfermu al mi la pordegojn de la vero; Mi iros tra ili, mi gloros la Eternulon. ²⁰ Jen estas la pordego de la Eternulo; Virtuloj iras tra gxi. ²¹ Mi dankas Vin, CXar Vi auxskultis min kaj farigxis mia savo. ²² SXtono, kiun malsxatis la konstruantoj, Farigxis sxtono bazangula. ²³ De la Eternulo cxi tio farigxis, GXi estas miraklo en niaj okuloj. ²⁴ CXi tiun tagon faris la Eternulo; Ni gxoju kaj gajigxu en gxi. ²⁵ Ho Eternulo, helpu! Ho Eternulo, sukcesigu! ²⁶ Estu benata tiu, kiu venas en la nomo de la Eternulo! Ni benas vin el la domo de la Eternulo. ²⁷ La Eternulo estas Dio, kaj Li lumas al ni. Arangxu la festan procesion kun brancxoj gxis la kornoj de la altaro. ²⁸ Vi estas mia Dio, kaj mi Vin gloras; Mia Dio, Vin mi altigas. ²⁹ Gloru la Eternulon, cxar Li estas bona; CXar eterna estas Lia boneco. ¹¹⁹ ¹ ALEF. Bone estas al tiuj, kies vojo estas senmakula, Kiuj iras laux la legxo de la Eternulo. ² Bone estas al tiuj, kiuj plenumas Liajn decidojn, Kiuj sercxas Lin per la tuta koro; ³ Ili ne faras malbonagon, Ili iras laux Liaj vojoj. ⁴ Vi ordonis al ni, Forte observi Viajn legxojn. ⁵ Ho, estu fortikaj miaj vojoj, Ke mi observu Viajn legxojn! ⁶ Tiam mi ne bezonos honti, Kiam mi atentos cxiujn Viajn ordonojn. ⁷ Mi gloros Vin el pura koro, Lernante la jugxojn de Via justeco. ⁸ Viajn legxojn mi observos; Ne forlasu min tute. ⁹ BET. Per kio junulo povas purigi sian vojon? Per plenumado laux Viaj vortoj. ¹⁰ Per mia tuta koro mi Vin sercxas; Ne lasu min deflankigxi de Viaj ordonoj. ¹¹ En mia koro mi konservas Vian diron, Por ke mi ne peku antaux Vi. ¹² Benata Vi estas, ho Eternulo; Instruu al mi Viajn legxojn. ¹³ Per miaj lipoj mi rakontas CXiujn decidojn de Via busxo. ¹⁴ Pri la vojo de Viaj legxoj mi gxojas, Kiel pri granda ricxeco. ¹⁵ Pri Viaj ordonoj mi meditas, Kaj mi rigardas Viajn vojojn. ¹⁶ Mi havas plezuron de Viaj legxoj, Mi ne forgesas Vian vorton. ¹⁷ GIMEL. Bonfaru al Via sklavo, Ke mi vivu kaj plenumu Vian vorton. ¹⁸ Malfermu miajn okulojn, Ke mi vidu miraklojn de Via instruo. ¹⁹ Migranto mi estas sur la tero; Ne kasxu antaux mi Viajn ordonojn. ²⁰ Elturmentigxis mia animo De sencxesa sintirado al Viaj jugxoj. ²¹ Vi humiligas la malbenitajn fierulojn, Kiuj deklinigxas de Viaj ordonoj. ²² Forigu de mi honton kaj malhonoron, CXar mi observas Viajn decidojn. ²³ Ecx kiam sidas eminentuloj kaj parolas kontraux mi, Via sklavo meditas pri Viaj legxoj. ²⁴ Viaj decidoj estas mia plezuro, Miaj konsilantoj. ²⁵ DALET. Mia animo algluigxis al la polvo; Vivigu min laux Via vorto. ²⁶ Mi raportis pri miaj vojoj, kaj Vi auxskultis min; Instruu al mi Viajn legxojn. ²⁷ Komprenigu al mi la vojon de Viaj ordonoj; Kaj mi meditos pri Viaj mirakloj. ²⁸ Konsumigxis mia animo pro malgxojo; Restarigu min laux Via vorto. ²⁹ La vojon de malvero deturnu de mi, Kaj donacu al mi Vian instruon. ³⁰ La vojon de la vero mi elektis, Mi sopiris al Viaj legxoj. ³¹ Mi alkrocxigxis al Viaj ordonoj; Ho Eternulo, ne hontigu min. ³² Mi kuras laux la vojo de Viaj legxoj, CXar Vi largxigas mian koron. ³³ HE. Montru al mi, ho Eternulo, la vojon de Viaj legxoj, Kaj mi gxin sekvos gxis la fino. ³⁴ Komprenigu al mi, kaj mi sekvos Vian instruon, Kaj mi konservos gxin per la tuta koro. ³⁵ Irigu min sur la vojeto de Viaj ordonoj, CXar en gxi mi havas plezuron. ³⁶ Klinu mian koron al Viaj legxoj, Sed ne al profito. ³⁷ Deturnu miajn okulojn, ke ili ne rigardu falsajxon; Vivigu min per Viaj vojoj. ³⁸ Plenumu al Via sklavo Vian diron, Kiu koncernas respekton por Vi. ³⁹ Forigu mian malhonoron, kiun mi timas; CXar Viaj jugxoj estas bonaj. ⁴⁰ Jen mi deziregas Viajn ordonojn; Per Via justeco vivigu min. ⁴¹ VAV. Kaj venu al mi Viaj favoroj, ho Eternulo, Via helpo, konforme al Via vorto, ⁴² Ke mi povu doni respondon al mia insultanto; CXar mi fidas Vian vorton. ⁴³ Ne forprenu tute de mia busxo la vorton de vero, CXar mi esperas al Viaj jugxoj. ⁴⁴ Kaj mi konservos Vian instruon CXiam kaj eterne. ⁴⁵ Kaj mi iros en libereco, CXar mi sercxas Viajn ordonojn. ⁴⁶ Kaj mi parolos pri Viaj legxoj antaux regxoj, Kaj mi ne hontos. ⁴⁷ Kaj mi havos plezuron de Viaj ordonoj, Kiujn mi amas. ⁴⁸ Kaj mi etendos miajn manojn al Viaj ordonoj, kiujn mi amas, Kaj mi meditos pri Viaj legxoj. ⁴⁹ ZAIN. Rememoru la vorton al Via sklavo, Pri kio Vi min esperigis. ⁵⁰ CXi tio estas mia konsolo en mia mizero, Ke Via vorto min revivigas. ⁵¹ Fieruloj tre forte min mokas, Sed de Via instruo mi ne deklinigxis. ⁵² Mi rememoras Viajn jugxojn de tempoj tre antikvaj, ho Eternulo, Kaj mi konsoligxas. ⁵³ Flama furiozo min kaptas pro la malvirtuloj, Kiuj forlasas Vian legxon. ⁵⁴ Viaj legxoj estas por mi kantoj En la domo de mia migrado. ⁵⁵ Mi rememoras en la nokto Vian nomon, ho Eternulo, Kaj mi plenumas Vian instruon. ⁵⁶ Tio farigxis al mi, CXar mi observas Viajn ordonojn. ⁵⁷ HXET. Mi diris:Mia sortajxo estas, ho Eternulo, Plenumi Viajn vortojn. ⁵⁸ Mi petegas antaux Vi per la tuta koro: Korfavoru min, konforme al Via vorto. ⁵⁹ Mi esploris miajn vojojn Kaj direktis miajn pasxojn al Viaj legxoj. ⁶⁰ Mi rapidas kaj ne prokrastas, Por plenumi Viajn ordonojn. ⁶¹ Retoj de malvirtuloj min cxirkauxis; Sed Vian instruon mi ne forgesis. ⁶² En la mezo de la nokto mi levigxas, Por glori Vin por Viaj justaj jugxoj. ⁶³ Mi estas kamarado por cxiuj, Kiuj Vin timas kaj kiuj observas Viajn ordonojn. ⁶⁴ De Via boneco, ho Eternulo, la tero estas plena; Instruu al mi Viajn legxojn. ⁶⁵ TET. Bonon Vi faris al Via sklavo, ho Eternulo, Konforme al Via vorto. ⁶⁶ Bonajn morojn kaj scion instruu al mi, CXar al Viaj ordonoj mi kredas. ⁶⁷ Antaux ol mi suferis, mi erarvagis, Sed nun mi observas Vian vorton. ⁶⁸ Vi estas bona kaj bonfara; Instruu al mi Viajn legxojn. ⁶⁹ Fieruloj plektis mensogon pri mi; Sed mi per la tuta koro konservas Viajn ordonojn. ⁷⁰ Grasigxis kiel sebo ilia koro; Sed mi havas plezuron de Via instruo. ⁷¹ Bone estas al mi, ke mi suferis, Por ke mi lernu Viajn legxojn. ⁷² Pli bona estas por mi la instruo de Via busxo, Ol miloj da oreroj kaj argxenteroj. ⁷³ JOD. Viaj manoj min kreis kaj fortikigis; Prudentigu min, kaj mi lernu Viajn ordonojn. ⁷⁴ Viaj timantoj min vidos kaj gxojos, CXar mi fidis Vian vorton. ⁷⁵ Mi scias, ho Eternulo, ke Viaj jugxoj estas justaj, Kaj ke Vi juste min suferigis. ⁷⁶ Via boneco estu do mia konsolo, Konforme al Via vorto al Via sklavo. ⁷⁷ Venu sur min Via favorkoreco, ke mi vivu; CXar Via instruo estas mia plezuro. ⁷⁸ Hontigxu la fieruloj, cxar maljuste ili min premis; Mi meditos pri Viaj ordonoj. ⁷⁹ Turnigxu al mi Viaj timantoj Kaj la konantoj de Viaj legxoj. ⁸⁰ Mia koro estu gxusta, laux Viaj legxoj, Por ke mi ne hontigxu. ⁸¹ KAF. Mia animo avidas Vian savon; Vian vorton mi fidas. ⁸² Miaj okuloj avidas Vian vorton, dirante: Kiam Vi min konsolos? ⁸³ CXar mi farigxis kiel felsako en fumo; Sed Viajn legxojn mi ne forgesas. ⁸⁴ Kiom estos la tagoj de Via sklavo? Kiam Vi faros jugxon super miaj persekutantoj? ⁸⁵ Fosojn fosis al mi la fieruloj, Kontrauxe al Viaj legxoj. ⁸⁶ CXiuj Viaj ordonoj estas vero; Maljuste oni min persekutas; helpu min. ⁸⁷ Oni preskaux pereigis min de sur la tero, Sed mi ne forlasis Viajn ordonojn. ⁸⁸ Laux Via boneco vivigu min, Kaj mi observos la ordonojn de Via busxo. ⁸⁹ LAMED. Por eterne, ho Eternulo, Via vorto staras forte en la cxielo. ⁹⁰ Por cxiuj generacioj restas Via vero; Vi fortikigis la teron, kaj gxi staras. ⁹¹ Laux Viaj legxoj cxio nun staras, CXar cxio estas Viaj sklavoj. ⁹² Se Via instruo ne estus mia konsolo, Mi pereus en mia mizero. ⁹³ Neniam mi forgesos Viajn ordonojn, CXar per ili Vi min vivigas. ⁹⁴ Al Vi mi apartenas; Helpu min, cxar mi sercxas Viajn ordonojn. ⁹⁵ Pri mi embuskis malvirtuloj, por min pereigi; Sed mi studas Viajn legxojn. ⁹⁶ CXe cxiu afero mi vidis finon; Sed Via ordono estas tre vasta. ⁹⁷ MEM. Kiel mi amas Vian instruon! La tutan tagon mi meditas pri gxi. ⁹⁸ Via ordono faras min pli sagxa ol miaj malamikoj, CXar gxi restas al mi por cxiam. ⁹⁹ Mi farigxis pli sagxa, ol cxiuj miaj instruantoj, CXar Viaj legxoj estas mia tuta meditado. ¹⁰⁰ Mi estas pli scianta ol maljunuloj, CXar Viajn ordonojn mi konservas. ¹⁰¹ De cxiu malbona vojo mi detenas mian piedon, Por plenumi Vian vorton. ¹⁰² De Viaj decidoj mi ne deklinigxas, CXar Vi min gvidas. ¹⁰³ Kiel dolcxa estas por mia palato Via vorto! Pli ol mielo por mia busxo! ¹⁰⁴ De Viaj ordonoj mi prudentigxas; Tial mi malamas cxiun vojon de malvero. ¹⁰⁵ NUN. Via vorto estas lumilo por miaj piedoj, Kaj lumo por mia vojo. ¹⁰⁶ Mi jxuris, kaj mi plenumos: Observi Viajn justajn decidojn. ¹⁰⁷ Mi estas tre senfortigita, ho Eternulo; Vivigu min, konforme al Via vorto. ¹⁰⁸ La oferdono de mia busxo placxu al Vi, ho Eternulo, Kaj pri Viaj decidoj instruu min. ¹⁰⁹ Mia animo estas cxiam en mia mano, Sed Vian instruon mi ne forgesas. ¹¹⁰ La malvirtuloj metis reton por mi; Sed de Viaj ordonoj mi ne deklinigxis. ¹¹¹ Mi heredigis al mi Viajn ordonojn por cxiam, CXar ili estas la gxojo de mia koro. ¹¹² Mi klinis mian koron, Por plenumi Viajn legxojn eterne gxis la fino. ¹¹³ SAMEHX. Skeptikulojn mi malamas, Sed Vian instruon mi amas. ¹¹⁴ Vi estas mia sxirmo kaj sxildo; Vian vorton mi fidas. ¹¹⁵ Forigxu de mi, malbonagantoj; Mi observos la ordonojn de mia Dio. ¹¹⁶ Subtenu min laux Via diro, ke mi vivu; Kaj ne hontigu min pri mia espero. ¹¹⁷ Fortikigu min, ke mi savigxu, Kaj mi cxiam havos plezuron de Viaj legxoj. ¹¹⁸ Vi forpusxas cxiujn, kiuj deklinigxas de Viaj legxoj, CXar ilia falsajxo estas mensoga. ¹¹⁹ Kiel skorion Vi forjxetas cxiujn malvirtulojn sur la tero; Tial mi amas Viajn decidojn. ¹²⁰ De Via teruro tremas mia karno, Kaj Viajn jugxojn mi timas. ¹²¹ AIN. Mi faris jugxon kaj justecon; Ne transdonu min al miaj premantoj. ¹²² Garantie liberigu Vian sklavon por bono, Por ke fieruloj min ne premu. ¹²³ Miaj okuloj sopiras Vian helpon Kaj Vian justan vorton. ¹²⁴ Agu kun Via sklavo laux Via boneco, Kaj Viajn legxojn instruu al mi. ¹²⁵ Mi estas Via sklavo; Klerigu min, ke mi sciu Viajn decidojn. ¹²⁶ Estas tempo, ke la Eternulo agu: Ili rompis Vian legxon. ¹²⁷ Tial mi amas Viajn ordonojn Pli ol oron, ecx ol puran oron. ¹²⁸ Tial mi estimas cxiujn Viajn ordonojn, CXiun vojon de malvero mi malamas. ¹²⁹ PE. Mirindaj estas Viaj decidoj; Tial mia animo ilin konservas. ¹³⁰ Malkasxo de Via vorto klerigas, GXi prudentigas simplanimulojn. ¹³¹ Mi malfermas mian busxon kaj enspiras, CXar mi deziregas Viajn ordonojn. ¹³² Turnu Vin al mi kaj korfavoru min, Kiel Vi agas kun la amantoj de Via nomo. ¹³³ Direktu miajn pasxojn laux Via promeso; Kaj nenia malhonesteco ekregu super mi. ¹³⁴ Liberigu min de homa premado; Kaj mi observos Viajn ordonojn. ¹³⁵ Lumu per Via vizagxo sur Vian sklavon, Kaj instruu al mi Viajn legxojn. ¹³⁶ Torentojn da akvo elversxas miaj okuloj, Pro tio, ke oni ne plenumas Vian instruon. ¹³⁷ CADI. Justulo Vi estas, ho Eternulo, Kaj justaj estas Viaj jugxoj. ¹³⁸ Vi aperigis Viajn decidojn Kun justeco kaj plena vero. ¹³⁹ Elturmentis min mia fervoro, CXar miaj malamikoj forgesis Viajn vortojn. ¹⁴⁰ Tre pura estas Via vorto, Kaj Via sklavo gxin amas. ¹⁴¹ Mi estas malgranda kaj malestimata; Sed Viajn ordonojn mi ne forgesas. ¹⁴² Via justeco estas justeco eterna, Kaj Via instruo estas vero. ¹⁴³ Sufero kaj mizero min trafis; Sed Viaj ordonoj estas mia plezuro. ¹⁴⁴ La justeco de Viaj decidoj estas eterna; Klerigu min, por ke mi vivu. ¹⁴⁵ KOF. Mi vokas el la tuta koro; auxskultu min, ho Eternulo; Mi plenumos Viajn legxojn. ¹⁴⁶ Mi vokas al Vi; savu min, Kaj mi konservos Viajn decidojn. ¹⁴⁷ Antaux la matenrugxo mi vokas; Vian vorton mi fidas. ¹⁴⁸ Antaux la noktaj gardopartoj miaj okuloj vekigxas, Por ke mi meditu pri Via vorto. ¹⁴⁹ Mian vocxon auxskultu, laux Via boneco, ho Eternulo; Laux Via justeco lasu min vivi. ¹⁵⁰ Alproksimigxas malicaj persekutantoj; Malproksimaj ili estas de Via legxo. ¹⁵¹ Proksima Vi estas, ho Eternulo; Kaj cxiuj Viaj ordonoj estas vero. ¹⁵² De longe mi scias pri Viaj decidoj, Ke Vi fiksis ilin por cxiam. ¹⁵³ RESX. Rigardu mian mizeron, kaj liberigu min, CXar Vian instruon mi ne forgesis. ¹⁵⁴ Defendu mian aferon, kaj liberigu min; Laux Via vorto lasu min vivi. ¹⁵⁵ Malproksima de malvirtuloj estas savo, CXar ili ne sxatas Viajn legxojn. ¹⁵⁶ Via favorkoreco estas granda, ho Eternulo; Laux Via justeco lasu min vivi. ¹⁵⁷ Multaj estas miaj persekutantoj kaj premantoj, Sed de Viaj decidoj mi ne deklinigxis. ¹⁵⁸ Mi vidis perfidulojn, kaj mi ilin abomenis, CXar Vian vorton ili ne observis. ¹⁵⁹ Rigardu, mi amas Viajn ordonojn; Ho Eternulo, laux Via boneco lasu min vivi. ¹⁶⁰ La esenco de Via vorto estas vero, Kaj eterna estas cxiu jugxo de Via justeco. ¹⁶¹ SXIN. Princoj persekutas min senkauxze; Sed Vian vorton timas mia koro. ¹⁶² Mi gxojas pri Via vorto, Kiel ricevinto de granda akiro. ¹⁶³ Malveron mi malamas kaj abomenas; Vian instruon mi amas. ¹⁶⁴ Sepfoje cxiutage mi Vin gloras Por Viaj justaj jugxoj. ¹⁶⁵ Grandan pacon havas la amantoj de Via instruo; Kaj ili ne falpusxigxas. ¹⁶⁶ Mi atendas Vian savon, ho Eternulo, Viajn ordonojn mi plenumas. ¹⁶⁷ Mia animo observas Viajn decidojn, Kaj mi ilin forte amas. ¹⁶⁸ Mi observas Viajn ordonojn kaj decidojn, CXar cxiuj miaj vojoj estas antaux Vi. ¹⁶⁹ TAV. Mia krio venu al Vi, ho Eternulo; Laux Via vorto klerigu min. ¹⁷⁰ Mia petego venu al Vi; Laux Via diro savu min. ¹⁷¹ Miaj lipoj eldiru gloradon, CXar Vi instruas al mi Viajn legxojn. ¹⁷² Mia lango predikos pri Via vorto, CXar cxiuj Viaj ordonoj estas justaj. ¹⁷³ Via mano estu al mi helpo, CXar Viajn ordonojn mi elektis. ¹⁷⁴ Mi deziregas Vian savon, ho Eternulo, Kaj Via instruo estas mia plezuro. ¹⁷⁵ Mia animo vivu kaj gloru Vin, Kaj Viaj jugxoj min helpu. ¹⁷⁶ Mi erarvagis kiel perdita sxafo; Elsercxu Vian sklavon, cxar Viajn ordonojn mi ne forgesis.