John 4

Esperanto^{(i) 1} Kiam do la Sinjoro sciis, ke la Fariseoj auxdis, ke Jesuo faras kaj baptas pli multe da discxiploj, ol Johano ² (kvankam baptadis ne Jesuo mem, sed liaj discxiploj), ³ li foriris el Judujo kaj reiris al Galileo. ⁴ Kaj li devis trairi tra Samario. ⁵ Li alvenis do al unu urbo Samaria, nomata Sihxar, apud la terpeco, kiun Jakob donis al sia filo Jozef; ⁶ kaj la fonto de Jakob estis tie. Jesuo do, lacigita de sia vojirado, sidigxis tiamaniere apud la fonto. Estis cxirkaux la sesa horo. ⁷ Venis virino Samaria, por cxerpi akvon; Jesuo diris al sxi:Donu al mi trinki. ⁸ CXar liaj discxiploj jam foriris en la urbon, por acxeti nutrajxojn. ⁹ La Samarianino do diris al li:Kiel vi, estante Judo, petas trinki de mi, kiu estas Samarianino? (CXar la Judoj ne interrilatas kun la Samarianoj.) ¹⁰ Jesuo respondis kaj diris al sxi:Se vi scius la donacon de Dio, kaj kiu estas tiu, kiu diras al vi:Donu al mi trinki, vi petus lin, kaj li donus al vi vivan akvon. ¹¹ La virino diris al li:Sinjoro, vi nenian cxerpilon havas, kaj la puto estas profunda; de kie do vi havas tiun vivan akvon? ¹² CXu vi estas pli granda ol nia patro Jakob, kiu donis al ni la puton, kaj trinkis mem el gxi, kiel ankaux liaj filoj kaj liaj brutoj? ¹³ Jesuo respondis kaj diris al sxi:CXiu, kiu trinkas el cxi tiu akvo, denove soifos; ¹⁴ sed kiu trinkos el la akvo, kiun mi donos al li, tiu neniam soifos; sed la akvo, kiun mi donos al li, farigxos en li fonto de akvo, sxprucanta supren por eterna vivo. ¹⁵ La virino diris al li:Sinjoro, donu al mi cxi tiun akvon, por ke mi ne plu soifu, kaj ne devu traveni cxi tien, por cxerpi. ¹⁶ Jesuo diris al sxi:Foriru, voku vian edzon, kaj revenu cxi tien. ¹⁷ La virino respondis kaj diris al li:Mi ne havas edzon. Jesuo diris al sxi:Vi prave diris:Mi ne havas edzon; ¹⁸ cxar vi havis kvin edzojn; kaj tiu, kiun vi nun havas, ne estas via edzo; cxi tion vi diris vere. ¹⁹ La virino diris al li:Sinjoro, mi ekvidas, ke vi estas profeto. ²⁰ Niaj patroj adoradis sur cxi tiu monto; kaj vi diras, ke en Jerusalem estas la loko, kie oni devas adori. ²¹ Jesuo diris al sxi:Kredu al mi, virino; venas la horo, kiam nek sur cxi tiu monto, nek en Jerusalem, vi adoros la Patron. ²² Vi adoras tion, kion vi ne konas; ni adoras tion, kion ni konas; cxar el la Judoj estas la savo. ²³ Sed venas la horo, kaj jam estas, kiam la veraj adorantoj adoros la Patron laux spirito kaj vero; cxar la Patro sercxas tiajn por esti Liaj adorantoj. ²⁴ Dio estas Spirito:kaj Liaj adorantoj devas adori Lin laux spirito kaj vero. ²⁵ La virino diris al li:Mi scias, ke venas la Mesio (kiu estas nomata Kristo); kiam tiu alestos, li anoncos al ni cxion. ²⁶ Jesuo diris al sxi:Tiu estas mi, kiu parolas kun vi. ²⁷ Kaj cxe tio venis liaj discxiploj, kaj ili miris, ke li parolas kun virino; tamen neniu diris:Kion vi volas? aux:Kial vi parolas kun sxi? ²⁸ La virino do lasis sian akvokrucxon, kaj foriris en la urbon, kaj diris al la homoj: ²⁹ Venu, vidu homon, kiu rakontis al mi cxion, kion mi faris; cxu eble cxi tiu estas la Kristo? ³⁰ Ili eliris el la urbo, kaj venis al li. ³¹ Dume la discxiploj petis lin, dirante:Rabeno, mangxu. ³² Sed li diris al ili:Por mangxi mi havas nutrajxon, pri kiu vi ne scias. ³³ La discxiploj do diris inter si:CXu iu alportis al li ion por mangxi? ³⁴ Jesuo diris al ili:Mia nutrajxo estas plenumi la volon de Tiu, kiu min sendis, kaj fini Lian laboron. ³⁵ CXu vi ne diras:Estas ankoraux kvar monatoj, kaj venas la rikolto? jen mi diras al vi:Levu viajn okulojn kaj rigardu la kampojn, ke ili jam estas blankaj por la rikolto. ³⁶ La rikoltanto ricevas salajron, kaj kolektas frukton por eterna vivo, por ke gxoju kune la semanto kaj la rikoltanto. ³⁷ CXar en cxi tio estas vera la proverbo:Unu semas, alia rikoltas. ³⁸ Mi vin sendis, por rikolti tion, kion vi ne prilaboris; aliaj laboris, kaj vi eniris en ilian laboron. ³⁹ Kaj el tiu urbo multaj el la Samarianoj kredis al li pro la diro de la virino, kiu atestis:Li rakontis al mi cxion, kion mi faris. ⁴⁰ Kiam do la Samarianoj venis al li, ili petis, ke li restu cxe ili; kaj li restis tie du tagojn. ⁴¹ Kaj multe pli multaj kredis pro lia vorto, ⁴² kaj diris al la virino:Jam ne pro via diro ni kredas, cxar ni mem auxdis lin; kaj ni scias, ke cxi tiu estas vere la Savanto de la mondo. ⁴³ Kaj post la du tagoj li foriris de tie en Galileon. ⁴⁴ CXar Jesuo mem atestis, ke profeto ne havas honoron en sia propra lando. ⁴⁵ Kiam do li venis en Galileon, la Galileanoj akceptis lin, cxar ili jam vidis cxion, kion li faris en Jerusalem dum la festo; cxar ili ankaux iris al la festo. ⁴⁶ Li revenis en Kanan Galilean, kie li faris la akvon vino. Kaj estis unu kortegano, kies filo estis malsana en Kapernaum. ⁴⁷ Kiam li auxdis, ke Jesuo alvenis el Judujo en Galileon, li iris al li, kaj petis lin malsupreniri kaj resanigi lian filon; cxar li preskaux mortis. ⁴⁸ Jesuo do diris al li:Se vi ne vidas signojn kaj mirindajxojn, vi tute ne kredos. ⁴⁹ La kortegano diris al li:Sinjoro, malsupreniru, antaux ol mia fileto mortos. ⁵⁰ Jesuo diris al li:Foriru, via filo vivas. La viro kredis la vorton, kiun Jesuo parolis al li, kaj li foriris. ⁵¹ Dum li ankoraux malsupreniris, liaj sklavoj lin renkontis, dirante:Via filo vivas. ⁵² Li demandis al ili pri la horo, kiam li ekresanigxis. Ili respondis al li:Hieraux je la sepa horo la febro lin forlasis. ⁵³ Tial la patro sciis, ke tio estis en tiu sama horo, en kiu Jesuo diris al li:Via filo vivas; kaj kredis li mem kaj lia tuta domo. ⁵⁴ CXi tiun jam la duan signon faris Jesuo, veninte el Judujo en Galileon.