Bible verses about "success" | Wycliffe

¹⁸ But thenke thou on thi Lord God, that he yaf strengthis to thee, that he schulde fille his couenaunt, of whiche he swoor to thi fadris, as present dai schewith.

⁸ The book of this lawe departe not fro thi mouth, but thou schalt thenke therynne in daies and nyytis, that thou kepe and do alle thingis that ben writun therynne; thanne thou schalt dresse thi weie, and schalt vndirstonde it.

¹ Blessid is the man, that yede not in the councel of wickid men; and stood not in the weie of synneris, and sat not in the chaier of pestilence. ² But his wille is in the lawe of the Lord; and he schal bithenke in the lawe of hym dai and nyyt. ³ And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite. ⁴ Not so wickid men, not so; but thei ben as dust, which the wynd castith awei fro the face of erthe. ⁵ Therfor wickid men risen not ayen in doom; nethir synneres in the councel of iust men. ⁶ For the Lord knowith the weie of iust men; and the weie of wickid men schal perische.

³ Merci and treuthe forsake thee not; bynde thou tho to thi throte, and write in the tablis of thin herte. ⁴ And thou schalt fynde grace, and good teching bifore God and men.

²⁶ For what profitith it to a man, if he wynne al the world, and suffre peiryng of his soule? or what chaunging schal a man yyue for his soule?

¹⁰ He that is trewe in the leeste thing, is trewe also in the more; and he that is wickid in a litil thing, is wickid also in the more. ¹¹ Therfor if ye weren not trewe in the wickid thing of ritchesse, who schal bitake to you that that is verry?

⁶ Be ye nothing bisi, but in al preyer and biseching, with doyng of thankyngis, be youre axyngis knowun at God.

⁵ Noon schal mow ayenstonde you in alle the daies of thi lijf; as Y was with Moises, so Y schal be with thee; Y schal not leeue, nether Y schal forsake thee. ⁶ Be thou coumfortid, and be thou strong; for thou schalt departe bi lot to this puple the lond, for which Y swoor to thi fadris, that Y schulde yyue it to hem. ⁷ Therfor be thou coumfortid, and be thou ful strong, that thou kepe and do al the lawe, which Moyses, my seruaunt, comaundide to thee; bowe thou not fro it to the riyt side, ether to the left side, that thou vndirstonde alle thingis whiche thou doist. ⁸ The book of this lawe departe not fro thi mouth, but thou schalt thenke therynne in daies and nyytis, that thou kepe and do alle thingis that ben writun therynne; thanne thou schalt dresse thi weie, and schalt vndirstonde it. ⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.

³ And kepe thou the kepyngis and heestis of thi Lord God, that thou go in hise weies, and kepe hise cerymonyes, and hise heestis, and hise domes, and witnessyngis, as it is writun in the lawe of Moises; that thou vndurstonde alle thingis whiche thou doist, and whidur euer thou schalt turne thee.

⁵ Haue thou trist in the Lord, of al thin herte; and triste thou not to thi prudence.

¹⁰ Drede thou not, for Y am with thee; boowe thou not awei, for Y am thi God. Y coumfortide thee, and helpide thee; and the riythond of my iust man vp took thee.

¹¹ For Y knowe the thouytis whiche Y thenke on you, seith the Lord, the thouytis of pees, and not of turment, that Y yyue to you an ende and pacience.

² And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

²⁵ Therfor I seie to you, that ye be not bisi to youre lijf, what ye schulen ete; nether to youre bodi, with what ye schulen be clothid. Whether lijf is not more than meete, and the bodie more than cloth? ²⁶ Biholde ye the foulis of the eire, for thei sowen not, nethir repen, nethir gaderen in to bernes; and youre fadir of heuene fedith hem. Whether ye ben not more worthi than thei? ²⁷ But who of you thenkynge mai putte to his stature o cubit? ²⁸ And of clothing what ben ye bisye? Biholde ye the lilies of the feeld, how thei wexen. Thei trauelen not, nether spynnen; ²⁹ and Y seie to you, Salomon in al his glorie was not keuered as oon of these. ³⁰ And if God clothith thus the hei of the feeld, that to day is, and to morewe is cast in to an ouen, hou myche more you of litel feith? ³¹ Therfor nyle ye be bisi, seiynge, What schulen we ete? or, What schulen we drinke? or, With what thing schulen we be keuered? ³² For hethene men seken alle these thingis; and youre fadir woot, that ye han nede to alle these thingis. ³³ Therfor seke ye first the kyngdom of God, and his riytfulnesse, and alle these thingis shulen be cast to you.

¹⁰ Be ye mekid in the siyt of the Lord, and he schal enhaunse you.

¹ Mi sone, foryete thou not my lawe; and thyn herte kepe my comaundementis. ² For tho schulen sette to thee the lengthe of daies, and the yeeris of lijf, and pees. ³ Merci and treuthe forsake thee not; bynde thou tho to thi throte, and write in the tablis of thin herte. ⁴ And thou schalt fynde grace, and good teching bifore God and men.

⁴ Noon helthe is in my fleisch fro the face of thin ire; no pees is to my boonys fro the face of my synnes.

³ Schewe thi werkys to the Lord; and thi thouytis schulen be dressid.

¹³ Y may alle thingis in hym that coumfortith me.