Bible verses about "satisfaction" | Wycliffe

¹⁵ And he sente hise arowis, and distriede tho men; he multipliede leytis, and disturblide tho men.

⁴ God, al the erthe worschipe thee, and synge to thee; seie it salm to thi name.

¹⁶ Y herde, and my wombe is troblid togidere; my lippis trembliden togidere of the vois. Rot entre in my boonys, and sprenge vndur me; that Y reste ayen in the dai of tribulacioun, and Y schal stie vp to oure puple gird togidere. ¹⁷ For the fige tre schal not floure, and buriownyng schal not be in vynyerdis; the werk of olyue tre schal lie, and feeldis schulen not brynge mete; a scheep schal be kit awei fro the fold, and droue schal not be in cratchis. ¹⁸ Forsothe Y schal haue ioye in the Lord, and Y schal make ioie with outforth in God my Jhesu.

¹³ Jhesus answerde, and seide to hir, Eche man that drynkith of this watir, schal thirste efte soone; but he that drynkith of the watir that Y schal yyue hym, schal not thirste with outen ende; but the watir that Y schal yyue hym, ¹⁴ schal be maad in hym a welle `of watir, spryngynge vp in to euerlastynge lijf.

¹⁰ A nyyt theef cometh not, but that he stele, sle, and leese; and Y cam, that thei han lijf, and haue more plenteousli.

¹³ And God of hope fulfille you in al ioye and pees in bileuynge, that ye encrees in hope and vertu of the Hooli Goost.

⁴ Noon helthe is in my fleisch fro the face of thin ire; no pees is to my boonys fro the face of my synnes.

¹ The hundrid and thridde salm. Mi soule, blesse thou the Lord; my Lord God, thou art magnyfied greetli. Thou hast clothid knouleching and fairnesse; and thou art clothid with liyt, ² as with a cloth. And thou stretchist forth heuene as a skyn; ³ and thou hilist with watris the hiyer partis therof. Which settist a cloude thi stiyng; which goest on the fetheris of wyndis. ⁴ Which makist spiritis thin aungels; and thi mynystris brennynge fier. ⁵ Which hast foundid the erthe on his stablenesse; it schal not be bowid in to the world of world.

²³ The drede of the Lord ledith to lijf `of blis; and he `that dredith God schal dwelle in plentee, with outen visityng `of the worste.

⁹ Galaad is myn, and Manasses is myn; and Effraym is the vptaking of myn heed. Juda is my king; Moab is the caudron of myn hope.

³⁵ And Jhesus seide to hem, Y am breed of lijf; he that cometh to me, schal not hungur; he that bileueth in me, schal neuere thirste.

¹¹ And the Lord thi God schal yyue euere reste to thee, and schal fille thi soule with schynyngis, and schal delyuere thi boonys; and thou schalt be as a watri gardyn, and as a welle of watris, whose waters schulen not faile.