Bible verses about "sarcasm" | Wycliffe

¹¹ and seiden to Moises, In hap sepulcris weren not in Egipt, therfor thou hast take vs awei, that we schulen die in wildirnesse? what woldist thou do this, that thou leddist vs out of Egipt?

⁹ And the Lord seide to Cayn, Where is Abel thi brother? Which answerde, Y woot not; whether Y am the kepere of my brothir?

¹⁶ A slow man semeth wysere to hym silf, than seuene men spekynge sentensis.

¹ Mi britheren, nyle ye be maad many maistris, witynge that ye taken the more doom. ² For alle we offenden in many thingis. If ony man offendith not in word, this is a perfit man; for also he may lede aboute al the bodi with a bridil. ³ For if we putten bridlis `in to horsis mouthis, for to consente to vs, and we leden aboute al the bodi of hem. ⁴ And lo! schippis, whanne thei ben grete, and ben dryuun of stronge wyndis, yit thei ben borun about of a litil gouernaile, where the meuyng of the gouernour wole. ⁵ So also the tunge is but a litil membre, and reisith grete thingis. Lo! hou litil fier brenneth a ful greet wode. ⁶ And oure tunge is fier, the vniuersite of wickidnesse. The tunge is ordeyned in oure membris, which defoulith al the bodi; and it is enflawmed of helle, and enflawmeth the wheel of oure birthe. ⁷ And al the kynde of beestis, and of foulis, and of serpentis, and of othere is chastisid, and tho ben maad tame of mannus kinde; but no man mai chastise the tunge, ⁸ for it is an vnpesible yuel, and ful of deedli venym. ⁹ In it we blessen God, the fadir, and in it we cursen men, that ben maad to the licnesse of God. ¹⁰ Of the same mouth passith forth blessing and cursing. My britheren, it bihoueth not that these thingis be don so. ¹¹ Whether a welle of the same hoole bringith forth swete and salt watir? ¹² My britheren, whether a fige tre may make grapis, ethir a vyne figus? So nethir salt watir mai make swete watir. ¹³ Who is wijs, and tauyt among you? schewe he of good lyuyng his worching, in myldenesse of his wisdom. ¹⁴ That if ye han bitter enuye, and stryuyngis ben in youre hertis, nyle ye haue glorye, and be lyeris ayens the treuthe. ¹⁵ For this wisdom is not fro aboue comynge doun, but ertheli, and beestli, and feendli. ¹⁶ For where is enuye and strijf, there is vnstidfastnesse and al schrewid werk. ¹⁷ But wisdom that is from aboue, first it is chast, aftirward pesible, mylde, able to be counseilid, consentinge to goode thingis, ful of merci and of goode fruytis, demynge with out feynyng. ¹⁸ And the fruyt of riytwisnesse is sowun in pees, to men that maken pees.

⁷ But eschewe thou vncouenable fablis, and elde wymmenus fablis; haunte thi silf to pitee.

²⁷ And whanne it was thanne myddai, Elie scornede hem, and seide, Crie ye with gretter vois, for Baal is youre god, and in hap he spekith with an other, ethir he is in a herborgerie, ether in weie, ether certis he slepith, that he be reisid.

¹⁸ A man is that bihetith, and he is prickid as with the swerd of conscience; but the tunge of wise men is helthe.

²¹ Deth and lijf ben in the werkis of tunge; thei that louen it, schulen ete the fruytis therof.

³⁷ but be youre word, Yhe, yhe; Nay, nay; and that that is more than these, is of yuel.

⁴ ethir filthe, or foli speche, or harlatrye, that perteyneth not to profit, but more doyng of thankyngis.

¹⁸ As he is gilti, that sendith speris and arowis in to deth; ¹⁹ so a man that anoieth gilefuli his frend, and whanne he is takun, he schal seie, Y dide pleiynge.

²⁹ Ech yuel word go not of youre mouth; but if ony is good to the edificacioun of feith, that it yyue grace to men that heren.