Bible verses about "rejection" | Wycliffe

²² Do thou awei `fro me schenschipe and dispising; for Y souyte thi witnessingis.

¹³ I haue knowe, that the Lord schal make dom of a nedi man; and the veniaunce of pore men. ¹⁴ Netheles iust men schulen knouleche to thi name; and riytful men schulen dwelle with thi cheer.

¹⁵ Whether a womman may foryete hir yonge child, that sche haue not merci on the sone of hir wombe? thouy sche foryetith, netheles Y schal not foryete thee.

³¹ What thanne schulen we seie to these thingis? If God for vs, who is ayens vs?

¹ Therfor now no thing of dampnacioun is to hem that ben in Crist Jhesu, whiche wandren not after the flesch.

¹⁹ And my God fil alle youre desire, by hise richessis in glorie in Crist Jhesu.

⁸ Be ye sobre, and wake ye, for youre aduersarie, the deuel, as a rorynge lioun goith aboute, sechinge whom he schal deuoure.

³ and we desiriden hym, dispisid, and the laste of men, a man of sorewis, and knowynge sikenesse. And his cheer was as hid and dispisid; wherfor and we arettiden not hym.

¹⁶ He that herith you, herith me; and he that dispisith you, dispisith me; and he that dispisith me, dispisith hym that sente me.

¹¹ He cam in to his owne thingis, and hise resseyueden hym not.

⁷ and caste ye al youre bisynesse in to hym, for to hym is cure of you.

⁹ And he seide to me, My grace suffisith to thee; for vertu is parfitli maad in infirmyte. Therfor gladli Y schal glorie in myn infirmytees, that the vertu of Crist dwelle in me.

⁴ And neiye ye to hym, that is a lyuyng stoon, and repreuyd of men, but chosun of God, and onourid;

¹⁷ Lord, whanne thou schalt biholde, restore thou my soule fro the wickidnesse of hem; `restore thou myn oon aloone fro liouns. ¹⁸ I schal knowleche to thee in a greet chirche; Y schal herie thee in a sad puple. ¹⁹ Thei that ben aduersaries wickidli to me, haue not ioye on me; that haten me with out cause, and bikenen with iyen. ²⁰ For sotheli thei spaken pesibli to me; and thei spekynge in wrathfulnesse of erthe thouyten giles.

¹⁸ If the world hatith you, wite ye, that it hadde me in hate rather than you.