Bible verses about "preaching" | Wycliffe

²¹ For the world in wisdom of God knewe not God bi wisdom, it pleside to God, bi foli of prechyng, `to maken hem saaf that bileueden.

¹³ Whiche thingis we speken also, not in wise wordis of mannus wisdom, but in the doctryn of the spirit, and maken a liknesse of spiritual thingis to goostli men.

¹ Mi britheren, nyle ye be maad many maistris, witynge that ye taken the more doom.

¹⁶ For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk.

¹⁶ But eschewe thou vnhooli and veyn spechis, for whi tho profiten myche to vnfeithfulnesse,

¹³ Tyl Y come, take tent to redyng, to exortacioun and teching.

¹⁰ Moises seide, Lord, Y biseche, Y am `not eloquent fro yistirdai and the thridde dai ago; and sithen thou hast spokun to thi seruaunt, Y am of more lettid and slowere tunge. <sup>11</sup> The Lord seide to hym, Who made the mouth of man, ether who made a doumb man and `deef, seynge and blynd? whether not Y? ¹² Therfor go thou, and Y schal be in thi mouth, and Y schal teche thee what thou schalt speke.

¹⁵ Bisili kepe to yyue thi silf a preued preisable werkman to God, with oute schame, riytli tretinge the word of treuthe.

¹⁵ And he seide to hem, Go ye in to al the world, and preche the gospel to eche creature.