Bible verses about "optimism" | Wycliffe

²⁴ For whi and thi witnessyngis is my thenkyng; and my counsel is thi iustifiyngis.

¹⁶ For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

¹¹ But these weren the worthier of hem that ben at Thessolonik, whiche resseyueden the word with al desire, eche dai sekinge scripturis, if these thingis hadden hem so.

¹² And Y can also be lowid, Y can also haue plentee. Euery where and in alle thingis Y am tauyt to be fillid, and to hungur, and to abounde, and to suffre myseiste.

¹¹ Clothe you with the armere of God, that ye moun stonde ayens aspiynges of the deuel.

⁶ Therfor slepe we not as othere; but wake we, and be we sobre.

¹ But wite thou this thing, that in the laste daies perelouse tymes schulen neiye, and men schulen be louynge hem silf, ² coueitouse, hiy of bering, proude, blasfemeris, not obedient to fadir and modir, vnkynde, ³ cursid, with outen affeccioun, with out pees, false blameris, vncontynent, vnmylde, ⁴ with out benygnyte, traitouris, ouerthwert, bollun with proude thouytis, blynde, loueris of lustis more than of God, ⁵ hauynge the licknesse of pitee, but denyynge the vertu of it. And eschewe thou these men.

⁷ it suffrith alle thingis, it bileueth alle thingis, it hopith alle thingis, it susteyneth alle thingis.

²⁹ Ech yuel word go not of youre mouth; but if ony is good to the edificacioun of feith, that it yyue grace to men that heren.

²³ With al keping kepe thin herte, for lijf cometh forth of it.

¹³ Y may alle thingis in hym that coumfortith me.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis.

⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.