Bible verses about "offence" | Wycliffe

¹¹ The teching of a man is knowun bi pacience; and his glorie is to passe ouere wickid thingis.

¹⁷ But, britheren, Y preye you, that ye aspie hem that maken discenciouns and hirtyngis, bisidis the doctryne that ye han lerned, and bowe ye awei fro hem. ¹⁸ For suche men seruen not to the Lord Crist, but to her wombe, and bi swete wordis and blessyngis disseyuen the hertis of innocent men.

⁶ But, britheren, we denouncen to you in the name of oure Lord Jhesu Crist, that ye withdrawe you from ech brother that wandrith out of ordre, and not aftir the techyng, that thei resseyueden of vs.

³² Be ye with outen sclaundre to Jewis, and to hethene men, and to the chirche of God;

¹ If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge. ² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt. ³ And if Y departe alle my goodis in to the metis of pore men, and yf Y bitake my bodi, so that Y brenne, and if Y haue not charite, it profitith to me no thing. ⁴ Charite is pacient, it is benygne; charite enuyeth not, it doith not wickidli, it is not blowun, ⁵ it is not coueytouse, it sekith not tho thingis that ben hise owne, it is not stirid to wraththe, it thenkith not yuel, ⁶ it ioyeth not on wickidnesse, but it ioieth togidere to treuthe; ⁷ it suffrith alle thingis, it bileueth alle thingis, it hopith alle thingis, it susteyneth alle thingis. ⁸ Charite fallith neuere doun, whether prophecies schulen be voidid, ethir langagis schulen ceesse, ethir science schal be distried. ⁹ For a parti we knowun, and a parti we prophecien; ¹⁰ but whanne that schal come that is parfit, that thing that is of parti schal be auoidid. ¹¹ Whanne Y was a litil child, Y spak as a litil child, Y vndurstood as a litil child, Y thouyte as a litil child; but whanne Y was maad a man, Y auoidide tho thingis that weren of a litil child. ¹² And we seen now bi a myrour in derknesse, but thanne face to face; now Y knowe of parti, but thanne Y schal knowe, as Y am knowun. ¹³ And now dwellen feith, hope, and charite, these thre; but the most of these is charite.

¹⁰ If ony man cometh to you, and bryngith not this teching, nyle ye resseyue hym in to hous, nether seie ye to hym, Heil. ¹¹ For he that seith to hym, Heil, comyneth with hise yuel werkis. Lo! Y biforseide to you, that ye be not confoundid in the dai of oure Lord Jhesu Crist.

¹⁶ Sixe thingis ben, whyche the Lord hatith; and hise soule cursith the seuenthe thing. ¹⁷ Hiye iyen, a tunge liere, hondis schedinge out innocent blood, ¹⁸ an herte ymagynynge worste thouytis, feet swifte to renne in to yuel, ¹⁹ a man bringynge forth lesingis, a fals witnesse; and him that sowith discordis among britheren.

¹⁷ But, britheren, Y preye you, that ye aspie hem that maken discenciouns and hirtyngis, bisidis the doctryne that ye han lerned, and bowe ye awei fro hem.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.