Bible verses about "intelligence" | Wycliffe

²⁴ And al erthe desiride to se the cheer of Salomon, to here the wisdom of him, which wisdom God hadde youe in his herte.

³ And to me is an herte, as and to you, and Y am not lowere than ye; for who knowith not these thingis, whiche ye knowen?

¹⁷ Forsothe to these children God yaf kunnyng and lernyng in ech book, and in al wisdom; but to Daniel God yaf vndurstondyng of alle visiouns and dremys.

²³ What euer ye doen, worche ye of wille, as to the Lord and not to men;

⁶ Therfor we that han yiftis dyuersynge, aftir the grace that is youun to vs, ⁷ ethir prophecie, aftir the resoun of feith; ethir seruise, in mynystryng; ether he that techith, in techyng; ⁸ he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.

¹⁶ As it is writun, And who knew the wit of the Lord, or who tauyte hym? And we han the wit of Crist.

⁷ For whi God yaf not to vs the spirit of drede, but of vertu, and of loue, and of sobrenesse.

¹⁹ Synne schal not faile in myche spekyng; but he that mesurith hise lippis, is moost prudent.

¹² And the book schal be youun to him that kan not lettris, and it schal be seid to hym, Rede thou; and he schal answere, Y kan no lettris.

¹⁴ Y haue herd of thee, that thou hast in thee the spirit of goddis, and more kunnyng, and vndurstondyng, and wisdom be foundun in thee.

⁹ And this thing Y preie, that youre charite be plenteuouse more and more in kunnyng, and in al wit; ¹⁰ that ye preue the betere thingis, that ye be clene and without offence in the dai of Crist; ¹¹ fillid with the fruyt of riytwysnesse bi Jhesu Crist, in to the glory and the heriyng of God.

⁶ For the Lord yyueth wisdom; and prudence and kunnyng is of his mouth.

⁷ The drede of the Lord is the bigynning of wisdom; foolis dispisen wisdom and teching.

⁵ And bringe ye in alle bisynesse, and mynystre ye in youre feith vertu, and `in vertu kunnyng;

¹ The parablis of Salomon, the sone of Dauid, king of Israel; ² to kunne wisdom and kunnyng; ³ to vndurstonde the wordis of prudence; and to take the lernyng of teching; to take riytfulnesse, and dom, and equyte; ⁴ that felnesse be youun to litle children, and kunnyng, and vndurstonding to a yong wexynge man. ⁵ A wise man heringe schal be wisere; and a man vndurstondinge schal holde gouernails. ⁶ He schal perseyue a parable, and expownyng; the wordis of wise men, and the derk figuratif spechis of hem. ⁷ The drede of the Lord is the bigynning of wisdom; foolis dispisen wisdom and teching. ⁸ My sone, here thou the teching of thi fadir, and forsake thou not the lawe of thi modir; ⁹ that grace be addid, ethir encreessid, to thin heed, and a bie to thi necke. ¹⁰ Mi sone, if synneris flateren thee, assente thou not to hem. ¹¹ If thei seien, Come thou with vs, sette we aspies to blood, hide we snaris of disseitis ayens an innocent without cause; ¹² swolowe we him, as helle swolowith a man lyuynge; and al hool, as goynge doun in to a lake; we schulen fynde al preciouse catel, ¹³ we schulen fille oure housis with spuylis; sende thou lot with vs, ¹⁴ o purs be of vs alle; ¹⁵ my sone, go thou not with hem; forbede thi foot fro the pathis of hem. ¹⁶ For the feet of hem rennen to yuel; and thei hasten to schede out blood. ¹⁷ But a net is leid in veyn bifore the iyen of briddis, that han wengis. ¹⁸ Also `thilke wickid disseyueris setten aspies ayens her owne blood; and maken redi fraudis ayens her soulis. ¹⁹ So the pathis of ech auerouse man rauyschen the soulis of hem that welden. ²⁰ Wisdom prechith with outforth; in stretis it yyueth his vois. ²¹ It crieth ofte in the heed of cumpenyes; in the leeues of yatis of the citee it bringith forth hise wordis, ²² and seith, Hou long, ye litle men in wit, louen yong childhod, and foolis schulen coueyte tho thingis, that ben harmful to hem silf, and vnprudent men schulen hate kunnyng? ²³ Be ye conuertid at my repreuyng; lo, Y schal profre forth to you my spirit, and Y schal schewe my wordis. ²⁴ For Y clepide, and ye forsoken; Y helde forth myn hond, and noon was that bihelde. ²⁵ Ye dispisiden al my councel; and chargiden not my blamyngis. ²⁶ And Y schal leiye in youre perisching; and Y schal scorne you, whanne that, that ye dreden, cometh to you. ²⁷ Whanne sodeyne wretchidnesse fallith in, and perisching bifallith as tempest; whanne tribulacioun and angwisch cometh on you. ²⁸ Thanne thei schulen clepe me, and Y schal not here; thei schulen rise eerli, and thei schulen not fynde me. ²⁹ For thei hatiden teching, and thei token not the drede of the Lord, ³⁰ nether assentiden to my councel, and depraueden al myn amendyng. ³¹ Therfor thei schulen ete the fruytis of her weie; and thei schulen be fillid with her counseils. ³² The turnyng awei of litle men in wit schal sle hem; and the prosperite of foolis schal leese hem. ³³ But he that herith me, schal reste with outen drede; and he schal vse abundaunce, whanne the drede of yuels is takun awei.