Bible verses about "friendship" | Wycliffe

1 John 2:6

6 He that seith, that he dwellith in hym, he owith for to walke, as he walkide.

Job 19:13-22

13 He made fer my britheren fro me; and my knowun as aliens yeden awei fro me. 14 My neiyboris forsoken me; and thei that knewen me han foryete me. 15 The tenauntis of myn hows, and myn handmaydis hadden me as a straunger; and Y was as a pilgrym bifor her iyen. 16 Y clepide my seruaunt, and he answeride not to me; with myn owne mouth Y preiede hym. 17 My wijf wlatide my breeth; and Y preiede the sones of my wombe. 18 Also foolis dispisiden me; and whanne Y was goon awei fro hem, thei bacbitiden me. 19 Thei, that weren my counselouris sum tyme, hadden abhomynacioun of me; and he, whom Y louede moost, was aduersarie to me. 20 Whanne fleischis weren wastid, my boon cleuyde to my skyn; and `oneli lippis ben left aboute my teeth. 21 Haue ye merci on me, haue ye merci on me, nameli, ye my frendis; for the hond of the Lord hath touchid me. 22 Whi pursuen ye me, as God pursueth; and ben fillid with my fleischis?

Job 2:11-13

11 Therfor thre frendis of Joob herden al the yuel, that hadde bifelde to hym, and camen ech man fro his place, Eliphath Temanytes, and Baldach Suythes, and Sophar Naamathites; for thei `hadden seide togidere to hem silf, that thei wolden come togidere, and visite hym, and coumforte. 12 And whanne thei hadden reisid afer `her iyen, thei knewen not hym; and thei crieden, and wepten, and to-renten her clothis, and spreynten dust on her heed `in to heuene. 13 And thei saten with hym in the erthe seuene daies and seuene nyytis, and no man spak a word to hym; for thei sien, that his sorewe was greet.

Proverbs 27:5-6

5 Betere is opyn repreuyng, than loue hid. 6 Betere ben the woundis of hym that loueth, than the gileful cossis of hym that hatith.

Amos 3:3

3 Whether tweyne schulen go togidere, no but it acorde to hem?

Luke 6:31

31 And as ye wolen that men do to you, do ye also to hem in lijk maner.

2 Timothy 4:16

16 In my firste defence no man helpide me, but alle forsoken me; be it not arettid to hem.

Proverbs 25:17

17 Withdrawe thi foot fro the hous of thi neiybore; lest sum tyme he be fillid, and hate thee.

Ecclesiastes 4:9-10

9 Therfor it is betere, that tweyne be togidere than oon; for thei han profite of her felouschipe. 10 If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him.

Psalms 41:9

9 The Lord sente his merci in the dai; and his song in the nyyt.

Proverbs 27:10

10 Forsake thou not thi frend, and the frend of thi fadir; and entre thou not in to the hous of thi brothir, in the dai of thi turment. Betere is a neiybore nyy, than a brothir afer.

Psalms 55:12-14

12 God, thin auowis ben in me; whiche Y schal yelde heriyngis to thee. 13 For thou hast delyuerid my lijf fro deth, and my feet fro slidyng; that Y pleese bifore God in the liyt of hem that lyuen.

Romans 1:12

12 that ye be confermyd, that is, to be coumfortid togidere in you, bi feith that is bothe youre and myn togidere.

Hebrews 13:5

5 Be youre maneres withoute coueitise, apaied with present thingis; for he seide, Y schal not leeue thee,

Proverbs 16:28

28 A weiward man reisith stryues; and a man ful of wordis departith princis.

Proverbs 17:9

9 He that helith trespas, sekith frenschipis; he that rehersith bi an hiy word, departith hem, that ben knyt togidere in pees.

1 Samuel 22:23

23 Dwelle thou with me, drede thou not; if ony man sekith thi lijf, he schal seke also my lijf, and thou schalt be kept with me.

1 Corinthians 13:1-13

1 If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge. 2 And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt. 3 And if Y departe alle my goodis in to the metis of pore men, and yf Y bitake my bodi, so that Y brenne, and if Y haue not charite, it profitith to me no thing. 4 Charite is pacient, it is benygne; charite enuyeth not, it doith not wickidli, it is not blowun, 5 it is not coueytouse, it sekith not tho thingis that ben hise owne, it is not stirid to wraththe, it thenkith not yuel, 6 it ioyeth not on wickidnesse, but it ioieth togidere to treuthe; 7 it suffrith alle thingis, it bileueth alle thingis, it hopith alle thingis, it susteyneth alle thingis. 8 Charite fallith neuere doun, whether prophecies schulen be voidid, ethir langagis schulen ceesse, ethir science schal be distried. 9 For a parti we knowun, and a parti we prophecien; 10 but whanne that schal come that is parfit, that thing that is of parti schal be auoidid. 11 Whanne Y was a litil child, Y spak as a litil child, Y vndurstood as a litil child, Y thouyte as a litil child; but whanne Y was maad a man, Y auoidide tho thingis that weren of a litil child. 12 And we seen now bi a myrour in derknesse, but thanne face to face; now Y knowe of parti, but thanne Y schal knowe, as Y am knowun. 13 And now dwellen feith, hope, and charite, these thre; but the most of these is charite.

Ruth 1:17

17 what lond schal resseyue thee diynge, Y schal die ther ynne, and there Y schal take place of biriyng; God do to me these thingis, and adde these thingis, if deeth aloone schal not departe me and thee.

John 15:12-14

12 This is my comaundement, that ye loue togidere, as Y louede you. 13 No man hath more loue than this, that a man putte his lijf for hise freendis. 14 Ye ben my freendis if ye doen tho thingis, that Y comaunde to you.

Proverbs 27:19

19 As the cheris of men biholdinge schynen in watris; so the hertis of men ben opyn to prudent men.

Proverbs 22:24-27

24 Nyle thou be freend to a wrathful man, nether go thou with a wood man; 25 lest perauenture thou lerne hise weies, and take sclaundir to thi soule. 26 Nyle thou be with hem that oblischen her hondis, and that proferen hem silf borewis for dettis; for if he hath not wherof he schal restore, 27 what of cause is, that thou take awei hilyng fro thi bed?

1 Peter 4:8-10

8 bifore alle thingis haue ye charite ech to other in you silf algatis lastynge; for charite couerith the multitude of synnes. 9 Holde ye hospitalite togidere with out grutching; 10 ech man as he hath resseyued grace, mynystringe it in to ech othere, as good dispenderis of the manyfold grace of God.

Job 6:14

14 He that takith awei merci fro his frend, forsakith the drede of the Lord.

Proverbs 27:6

6 Betere ben the woundis of hym that loueth, than the gileful cossis of hym that hatith.

Hebrews 10:24-25

24 And biholde we togidere in the stiring of charite and of good werkis; not forsakinge oure gadering togidere, 25 as it is of custom to sum men, but coumfortinge, and bi so myche the more, bi hou myche ye seen the dai neiyynge.

1 Corinthians 15:33

33 Nyle ye be disseyued; for yuel spechis distrien good thewis.

Proverbs 27:9

9 The herte delitith in oynement, and dyuerse odours; and a soule is maad swete bi the good counsels of a frend.

1 Thessalonians 5:11

11 For which thing comforte ye togidere, and edefie ye ech other, as ye doon.

Proverbs 17:17

17 He that is a frend, loueth in al tyme; and a brother is preuyd in angwischis.

Proverbs 27:17

17 Yrun is whettid bi irun; and a man whettith the face of his frend.

Ecclesiastes 4:9-12

9 Therfor it is betere, that tweyne be togidere than oon; for thei han profite of her felouschipe. 10 If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him. 11 And if tweyne slepen, thei schulen be nurschid togidere; hou schal oon be maad hoot? 12 And if ony man hath maistri ayens oon, tweyne ayen stonden hym; a threfolde corde is brokun of hard.

John 15:13

13 No man hath more loue than this, that a man putte his lijf for hise freendis.

Proverbs 18:24

24 A man freendli to felouschipe schal more be a frend, than a brothir.

Topical data is from OpenBible.info, retrieved November 11, 2013, and licensed under a Creative Commons Attribution License.