Bible verses about "excuses" | Wycliffe

¹ Moyses answeride, and seide, The comyns schulen not bileue to me, nether thei schulen here my vois; but thei schulen seie, The Lord apperide not to thee.

¹⁰ And Elisee sente to hym a messanger, and seide, Go thou, and be thou waischun seuensithis in Jordan; and thi fleisch shal resseyue helthe, and thou schalt be clensid. ¹¹ Naaman was wrooth, and yede awei, and seide, Y gesside, that he schulde go out to me, and that he schulde stonde, and clepe the name of `the Lord his God, and that he schulde touche with his hond the place of lepre, and schulde cure me. ¹² Whether Abana and Pharphar, floodis of Damask, ben not betere than alle the watris of Israel, that Y be waischun in tho, and be clensid? ¹³ Therfor whanne he hadde turned hym silf, and yede awei, hauynge indignacioun, hise seruauntis neiyiden to hym, and spaken to hym, Fadir, thouy the prophete hadde seid to thee a greet thing, certis thou owist to do; hou myche more for now he seide to thee, Be thou waischun, and thou schalt be clensid. ¹⁴ He yede doun, and waischide hym seuensithis in Jordan, bi the word of the man of God; and his fleisch was restored as the fleisch of a litil child, and he was clensid.

⁷ And the Lord seide to me, Nyle thou seie, that Y am a child; for thou schalt go to alle thingis, to whiche Y schal sende thee, and thou schalt speke alle thingis, what euer thingis Y schal comaunde to thee. ⁸ Drede thou not of the face of hem, for Y am with thee, to delyuere thee, seith the Lord.

⁹ The Lord tarieth not his biheest, as summe gessen, but he doith pacientli for you, and wole not that ony men perische, but that alle turne ayen to penaunce.

¹² And Adam seide, The womman which thou yauest felowe to me, yaf me of the tre, and Y eet.

¹² that he schulde fle Madian, an aungel of the Lord apperide to hym, and seide, The Lord be with thee, thou strongeste of men. ¹³ And Gedeon seide to hym, My lord, Y biseche, if the Lord is with vs, whi therfor han alle these yuels take vs? Where ben the merueils of hym, whiche oure fadris telden, and seiden, The Lord ledde vs out of Egipt? `Now forsothe he hath forsake vs, and hath bitake vs in the hond of Madian. ¹⁴ And the Lord bihelde to hym, and seide, Go thou in this strengthe of thee, and thou schalt delyuere Israel fro the hond of Madian; wite thou, that Y sente thee. ¹⁵ Which Gedeon answeride, and seide, My lord, Y biseche, in what thing schal Y delyuere Israel? Lo! my meynee is the loweste in Manasses, and Y am the leeste in the hows of my fadir. ¹⁶ And the Lord seide to hym, Y schal be with thee, and thou schalt smyte Madian as o man. ¹⁷ And Gedeon seide, If Y haue foundun grace bifor thee, yyue to me a signe, that thou, that spekist to me, art sente of Goddis part;

²¹ Anothir of his disciplis seide to him, Lord, suffre me to go first, and birie my fader.

¹ Wherfor thou art vnexcusable, ech man that demest, for in what thing thou demest anothir man, thou condempnest thi silf; for thou doist the same thingis whiche thou demest. ² And we witen, that the doom of God is aftir treuthe ayens hem, that don siche thingis. ³ But gessist thou, man, that demest hem that doen siche thingis, and thou doist tho thingis, that thou schalt ascape the doom of God? ⁴ Whether `dispisist thou the richessis of his goodnesse, and the pacience, and the long abidyng? Knowist thou not, that the benygnyte of God ledith thee to forthenkyng? <sup>5</sup> But aftir thin hardnesse and vnrepentaunt herte, thou tresorist to thee wraththe in the dai of wraththe and of schewyng of the riytful doom of God, <sup>6</sup> that schal yelde to ech man aftir his werkis; <sup>7</sup> sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf; <sup>8</sup> but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch, <sup>9</sup> in to ech soule of man that worchith yuel, to the Jew first, and to the Greke; <sup>10</sup> but glorie, and honour, and pees, to ech man that worchith good thing, to the Jew first, and to the Greke. <sup>11</sup> For accepcioun of persones is not anentis God. <sup>12</sup> For who euere han synned without the lawe, schulen perische withouten the lawe; and who euere han synned in the lawe, thei schulen be demyd bi the lawe. <sup>13</sup> For the hereris of lawe ben not iust anentis God, but the doeris of the lawe schulen be maad iust. <sup>14</sup> For whanne hethene men that han not lawe, don kyndli tho thingis that ben of the lawe, thei not hauynge suche manere lawe, ben lawe to hem silf, <sup>15</sup> that schewen the werk of the lawe writun in her hertis. For the conscience of hem yeldith to hem a witnessyng bytwixe hem silf of thouytis that ben accusynge or defendynge, <sup>16</sup> in the dai whanne God schal deme the priuy thingis of men aftir my gospel, bi Jhesu Crist. <sup>17</sup> But if thou art named a Jew, and restist in the lawe, and hast glorie in God, <sup>18</sup> and hast knowe his wille, and thou lerud bi lawe preuest the more profitable thingis, <sup>19</sup> and tristist thi silf to be a ledere of blynde men, the liyt of hem that ben in derknessis, <sup>20</sup> a techere of vnwise men, a maistir of yonge children, that hast the foorme of kunnyng and of treuthe in the lawe; <sup>21</sup> what thanne techist thou another, and techist not thi silf? Thou that prechist that me schal not stele, stelist? <sup>22</sup> Thou that techist that me schal `do no letcherie, doist letcherie? Thou that wlatist maumetis, doist sacrilegie? ²³ Thou that hast glorie in the lawe, vnworschipist God bi brekyng of the lawe? ²⁴ For the name of God is blasfemed bi you among hethene men, as is writun. ²⁵ For circumcisioun profitith, if thou kepe the lawe; but if thou be a trespassour ayens the lawe, thi circumsicioun is maad prepucie. ²⁶ Therfor if prepucie kepe the riytwisnessis of the lawe, whethir his prepucie schal not be arettid in to circumcisioun? ²⁷ And the prepucie of kynde that fulfillith the lawe, schal deme thee, that bi lettre and circumcisioun art trespassour ayens the lawe. ²⁸ For he that is in opene is not a Jew, nether it is circumsicioun that is openli in the fleisch; ²⁹ but he that is a Jew in hid, and the circumcisioun of herte, in spirit, not bi the lettre, whos preisyng is not of men, but of God.

²⁰ For the vnuysible thingis of hym, that ben vndurstondun, ben biholdun of the creature of the world, bi tho thingis that ben maad, yhe, and the euerlastynge vertu of hym and the godhed, so that thei mowe not be excusid.

¹ Wherfor thou art vnexcusable, ech man that demest, for in what thing thou demest anothir man, thou condempnest thi silf; for thou doist the same thingis whiche thou demest.

¹³ And the Lord seide to the womman, Whi didist thou this thing? Which answerde, The serpent disseyued me, and Y eet.

⁴ And the word of the Lord was maad to me, ⁵ and seide, Bifor that Y fourmede thee in the wombe, Y knewe thee; and bifor that thou yedist out of the wombe, Y halewide thee; and Y yaf thee a profete among folkis. ⁶ And Y seide, A! A! A! Lord God, lo! Y kan not speke, for Y am a child. ⁷ And the Lord seide to me, Nyle thou seie, that Y am a child; for thou schalt go to alle thingis, to whiche Y schal sende thee, and thou schalt speke alle thingis, what euer thingis Y schal comaunde to thee. ⁸ Drede thou not of the face of hem, for Y am with thee, to delyuere thee, seith the Lord. ⁹ And the Lord sente his hond, and touchide my mouth; and the Lord seide to me, Lo! Y haue youe my wordis in thi mouth; lo! ¹⁰ Y haue ordeynede thee to day on folkis, and on rewmes, that thou drawe vp, and distrie, and leese, and scatere, and bilde, and plaunte.

⁵⁹ And he seide to another, Sue thou me. And he seide, Lord, suffre me first to go, and birie my fadir. ⁶⁰ And Jhesus seide to hym, Suffre that deede men birie hir deede men; but go thou, and telle the kyngdom of God. ⁶¹ And another seide, Lord, Y schal sue thee, but first suffre me to leeue `alle thingis that ben at hoom. ⁶² And Jhesus seide to hym, No man that puttith his hoond to the plouy, and biholdynge bacward, is able to the rewme of God.

¹⁰ Moises seide, Lord, Y biseche, Y am `not eloquent fro yistirdai and the thridde dai ago; and sithen thou hast spokun to thi seruaunt, Y am of more lettid and slowere tunge. <sup>11</sup> The Lord seide to hym, Who made the mouth of man, ether who made a doumb man and `deef, seynge and blynd? whether not Y? ¹² Therfor go thou, and Y schal be in thi mouth, and Y schal teche thee what thou schalt speke. ¹³ And he seide, Lord, Y biseche, sende thou whom thou schalt sende. ¹⁴ And the Lord was wrooth ayens Moises, and seide, Y woot, that Aaron, thi brother, of the lynage of Leuy, is eloquent; lo! he schal go out in to thi comyng, and he schal se thee, and schal be glad in herte.

¹⁸ And alle bigunnen togidir to excusen hem. The firste seide, Y haue bouyt a toun, and Y haue nede to go out, and se it; Y preye thee, haue me excusid. ¹⁹ And the tother seide, Y haue bouyt fyue yockis of oxun, and Y go to preue hem; Y preye thee, haue me excusid. ²⁰ And an othir seide, Y haue weddid a wijf; and therfor Y may not come.