Bible verses about "dating" | Wycliffe

³ Schewe thi werkys to the Lord; and thi thouytis schulen be dressid.

¹⁴ Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis? ¹⁵ and what acording of Crist to Belial? or what part of a feithful with the vnfeithful?

³¹ Therfor whether ye eten, or drynken, or don ony other thing, do ye alle thingis `in to the glorie of God.

⁴ `Wedding is in alle thingis onourable, and bed vnwemmed; for God schal deme fornicatouris and auouteris.

⁵ And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym.

¹² No man dispise thi yongthe, but be thou ensaumple of feithful men in word, in lyuyng, in charite, in feith, in chastite.

² Where is not kunnyng of the soule, is not good; and he that is hasti, in feet hirtith.

²² He that fyndith a good womman, fyndith a good thing; and of the Lord he schal drawe vp myrthe. He that puttith a wey a good womman, puttith awei a good thing; but he that holdith auowtresse, is a fool and vnwijs.

³⁰ Fairnesse is disseiuable grace, and veyn; thilke womman, that dredith the Lord, schal be preisid.

¹¹ For Y knowe the thouytis whiche Y thenke on you, seith the Lord, the thouytis of pees, and not of turment, that Y yyue to you an ende and pacience.

¹ But of thilke thingis that ye han write to me, it is good to a man to touche not a womman. ² But for fornycacioun eche man haue his owne wijf, and ech womman haue hir owne hosebonde. ³ The hosebonde yelde dette to the wijf, and also the wijf to the hosebonde. ⁴ The womman hath not power of hir bodi, but the hosebonde; and the hosebonde hath not power of his bodi, but the womman. ⁵ Nyle ye defraude eche to othere, but perauenture of consent to a tyme, that ye yyue tent to preier; and eft turne ye ayen to the same thing, lest Sathanas tempte you for youre vncontynence. ⁶ But Y seie this thing as yyuyng leeue, not bi comaundement. ⁷ For Y wole, that alle men be as my silf. But eche man hath his propre yifte of God; oon thus, and another thus. ⁸ But Y seie to hem, that ben not weddid, and to widewis, it is good to hem, if thei dwellen so as Y. ⁹ That if thei conteynen not hem silf, be thei weddid; for it is betere to be weddid, than to be brent. ¹⁰ But to hem that ben ioyned in matrymonye, Y comaunde, not Y, but the Lord, that the wijf departe not fro the hosebonde; ¹¹ and that if sche departith, that sche dwelle vnweddid, or be recounselid to hir hosebonde; and the hosebonde forsake not the wijf. ¹² But to othere Y seie, not the Lord. If ony brother hath an vnfeithful wijf, and sche consenteth to dwelle with hym, leeue he hir not. ¹³ And if ony womman hath an vnfeithful hosebonde, and this consentith to dwelle with hir, leeue sche not the hosebonde. ¹⁴ For the vnfeithful hosebonde is halewid bi the feithful womman, and the vnfeithful womman is halewid bi the feithful hosebonde. Ellis youre children weren vncleene, but now thei ben hooli. ¹⁵ That if the vnfeithful departith, departe he. For whi the brother or sistir is not suget to seruage in siche; for God hath clepid vs in pees. ¹⁶ And wherof wost thou, womman, if thou schalt make the man saaf; or wherof wost thou, man, if thou schalt make the womman saaf? ¹⁷ But as the Lord hath departid to ech, and as God hath clepid ech man, so go he, as Y teche in alle chirchis. ¹⁸ A man circumcidid is clepid, brynge he not to the prepucie. A man is clepid in prepucie, be he not circumcidid. ¹⁹ Circumcisioun is nouyt, and prepucie is nouyt, but the kepyng of the maundementis of God. ²⁰ Ech man in what clepyng he is clepid, in that dwelle he. ²¹ Thou seruaunt art clepid, be it no charge to thee; but if thou maist be fre, `the rather vse thou. ²² He that is a seruaunt, and is clepid in the Lord, is a freman of the Lord. Also he that is a freman, and is clepid, is the seruaunt of Crist. ²³ With prijs ye ben bouyt; nyle ye be maad seruauntis of men. ²⁴ Therfor ech man in what thing he is clepid a brothir, dwelle he in this anentis God. ²⁵ But of virgyns Y haue no comaundement of God; but Y yyue counseil, as he that hath mercy of the Lord, that Y be trewe.

⁷ Ye douytris of Jerusalem, Y charge you greetli, bi capretis, and hertis of feeldis, that ye reise not, nether make to awake the dereworthe spousesse, til sche wole. The vois of my derlyng; lo!

¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

³ For this is the wille of God, youre holynesse, that ye absteyne you fro fornycacioun. ⁴ That ech of you kunne welde his vessel in holynesse, and onour; ⁵ not in passioun of lust, as hethene men that knowen not God.

¹⁴ Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis?

³³ Nyle ye be disseyued; for yuel spechis distrien good thewis.

⁴ Charite is pacient, it is benygne; charite enuyeth not, it doith not wickidli, it is not blowun, ⁵ it is not coueytouse, it sekith not tho thingis that ben hise owne, it is not stirid to wraththe, it thenkith not yuel, ⁶ it ioyeth not on wickidnesse, but it ioieth togidere to treuthe; ⁷ it suffrith alle thingis, it bileueth alle thingis, it hopith alle thingis, it susteyneth alle thingis.

²² And fle thou desiris of yongthe, but sue thou riytwisnesse, feith, charite, pees, with hem that inwardli clepen the Lord of a clene herte.