Bible verses about "martha" | WestSaxon990

¹³ Se hælend hit cwæð be his deaþe. hi wendon soðlice þt he hyt sæde be swefnes slæpe;

¹ [Note: Ðys sceal on fryge dæg on mydfæstenes wucan. Erat quidam languens lazarus. A. ] Witodlice sum seoc man wæs genemned lazarus of bethania of marian ceastre & of martham his swustra. ² hit wæs sëo marïa þe smyrede drihten mid þære sealfe & drigde his fet mid hyre loccon; Lazarus hyre broðor wæs ge-yfled. ³ his swustra sendon to him & cwædon drïhten. nu is seoc se ðe þu lufast. ⁴ Ða se hælend þt gehyrde. þa cwæð he to him; Nys þeos untrumnys na for deaðe. ac for godes wuldre þt godes sunu si gewuldrod þurh hyne; ⁵ Soðlice se hælend lufode martham. & hyre swustor marïam & lazarum hyra broðor; ⁶ Witodlice he wæs twegen dagas on ðære sylfan stowe þa he gehyrde þt he seoc wæs; ⁷ Æfter þisson he cwæð to his leorning-cnihton uton faran eft to iudea lande. ⁸ his leorning-cnihtas cwædon to him. läreow. nu þa iudeas sohton ðe þt hig woldon þe hænan. & wylt þu eft faran ðyder; ⁹ Se hælend him &swarode & cwæð. hu ne synt twelf tida þæs dæges. gif hwa gæð on dæg ne æt-spy[r]nð he forþam he gesyhþ þyses middan-eardes leoht; ¹⁰ Gif he gæð on niht he æt-spyrnð forþam þe leoht nis on hyre; ¹¹ Ðas ðing he cwæð & syððan he cwæð to him. lazarus ure freond slæpð. ac ic wylle gan & awreccan (sic) hyne of slæpe; ¹² His leorning-cnihtas cwædon. drihten gif he slæpð. he byþ hal; ¹³ Se hælend hit cwæð be his deaþe. hi wendon soðlice þt he hyt sæde be swefnes slæpe; ¹⁴ Ða cwæð se hælend openlice to him. Ladzarus ys dead. ¹⁵ & ic eom bliþe for eowrum þingon þt ge gelyfon forþam ic næs þara ac uton gän to him; ¹⁶ Ða cwæð thomas to hys geferan. uton gan & sweltan mid him; ¹⁷ Ða for se hælend & gemette þt he wæs forð-faren & for feower dagon bebyrged; ¹⁸ Bethanïa ys gehende ierusalem ofer fyftyne furlang; ¹⁹ Manega þara iudea comon to martham & to marïan þt hig woldon hi frefrian for hyra broðor þingon; ²⁰ Ða martha gehyrde þt se hælend cöm. þa arn heo ongean hyne. & marïa sæt æt ham; ²¹ Ða cwæð martha to þam hælende; Drihten. gif þu wære her nære min broðor dead. ²² & ec ic wat nu þa þt god þe sylð swa hwæt swa ðu hyne bitst; ²³ Ða cwæð se hælend to hyre þin broðor arist; ²⁴ & martha cwæþ to him. ic wat þt he arist on þam ytemestan dæge; ²⁵ & se hælend cwæð to hyre. ic eom æryst & lïf se ðe ge-lyfð on me þeah he dead sy he leofað. ²⁶ & ne swylt nan þara þe leofað & gelyfð on me; Gelyfst þu þyses. ²⁷ heo cwæð to him. witodlice drihten ic gelyfe þt þu eart crist godes sunu þe on middan-eard cöme; ²⁸ & þa heo ðas þing sæde. heo eode & clypode diglice marian hyre swustor þus cweþende. her is ure lareow & clypað þe; ²⁹ Ða heo þt gehyrde heo aräs raðe & com to him. ³⁰ þa gyt ne com se hælend binnan þa ceastre ac wæs ða gyt on ðære stowe þar martha him ongean com; ³¹ Þa iudeas þe wæron mid hyre on huse & hi frefrodon þa hig gesawon þt marïa aräs & mid ofste ut-eodon hig fyligdon hyre ðus cweþende; Heo gæð to his byrgenne þt heo wepe þara; ³² Ða marïa com þar se hæle[n]d wæs & heo hine geseah heo feoll to his fotum & cwæð to him; Drihten. gif ðu wære her nære min broðor dead; ³³ Ða se hælend geseah þt heo weop & þt þa iudeas weopon þe mid hyre cömon. he geomrode on hys gaste & gedrefde hyne sylfne ³⁴ & cwæð hwar lede ge hine; Hig cwædon to him. drihten ga & geseoh. ³⁵ & se hælend weop ³⁶ & þa iudeas cwædon loca nu hu he hyne lufode; ³⁷ Sume hi cwædon. ne mihte ðes þe ontynde blindes eagan. don eac þt þes nære dead; ³⁸ Eft se hælend geomrode on him sylfum & com to þære byrgenne hit wæs än scræf & þar wæs an stän on-uppan geled; ³⁹ And se hælend cwæð doð aweg þone stan; Ða cwæð martha to him þæs swustor þe þar dead wæs; Drihten nu he stingð (sic) he wæs for feowur dagon dead; ⁴⁰ Se hælend cwæð to hyre. ne sæde ic ðe þt þu gesyhst godes wuldor gif ðu gelyfst. ⁴¹ þa dydon hig aweg þone stan; Se hælend ahof upp his eagan & cwæð. fæder ic do þe þancas forþam þu gehyrdest [me]; ⁴² Ic wat þt þu me symle gehyrst ac ic cwæð for þam folce þe her ymbutan stent þt hig gelyfon þt þu me asendest; ⁴³ Ða he ðas þing sæde. he clypode mycelre stefne. Lazarus gä üt ⁴⁴ & sona stop forð se ðe dead wæs gebunden handan & fotan & hys nebb wæs mid swat-line gebunden; Ða cwæð se hælend to him unbindað hine & lætað gän. ⁴⁵ manega þara iudea þe comon to marïan & gesawon ða þing þe he dyde gelyfdon on hine; ⁴⁶ Hi sume foron to þam phariseon & sædon him þa ðing þe se hælend dyde; ⁴⁷ [Note: Ðys sceal twam dagum ær palm-sunnan dæge. Collegerunt pontifices & pharisei concilium. A. ] Witodlice þa bisceopas & þa pharisei gaderydon gemot & cwædun; Hwæt do we. forþam þes man wyrcð mycel tacn. ⁴⁸ gif we hine forlætaþ ealle gelyfað on hine; & romane cumað & nimað ure land & urne þeod-scipe; ⁴⁹ Hyra an wæs genemned caiphas se wæs ða on gere bisceop & cwæð to him. ge nyton nan þing ⁵⁰ ne ne geþenceað þt us ys betere þt an man swelte for folce & eall þeod ne forwurðe; ⁵¹ Ne cwæð he þt of him sylfum. ac þa he wæs þt ger bisceop he witgode þt se hælend sceolde sweltan for ðære þeode. ⁵² & na synderlice for þære ðeode ac þt he wolde gesomnian togædere godes bearn þe todrifene wæron. ⁵³ Of þam dæge hig þohton þt hi woldon hyne ofslean ⁵⁴ þa ne for se hælend na openlice gemang ðam iudeon. ac for on þt land wið þt westen on þa burh þe ys ge-nemned effrem. & wunode þær myd his leorning-cnihton; ⁵⁵ Iudea eastron wæron gehende & manega foron of ðam lande to ierusalem ær þam eastron þt hig woldon hig sylfe gehalgian. ⁵⁶ hig sohton þone hælend & spræcon him betwynan ðær hig stodon on ðam temple & þus cwædon; Hwæt wene ge. þt he ne cume to freols-dæge. ⁵⁷ þa bisceopas & þa pharisei hæfdon be-boden gif hwa wiste hwar he wære þt he hyt cydde þt hig mihton hine niman;

¹ [Note: Ðys sceal on fryge dæg on mydfæstenes wucan. Erat quidam languens lazarus. A. ] Witodlice sum seoc man wæs genemned lazarus of bethania of marian ceastre & of martham his swustra.

² Hig wrohton him þær beor-scipe. & marða þenode; Ladzarus wæs an þæra þe mid him sæt.

⁴⁰ Soþlice martha geornlice him þenode; Þa stod heo & cwæþ. drihten. nis þe nän caru þt min swustur let me ænlipie þenian sege hyre þt heo fylste me;

⁵ Soðlice se hælend lufode martham. & hyre swustor marïam & lazarum hyra broðor;

³⁸ [Note: Ðys sceal to Assumptione sancte marie. & sætern-dagum be maria. Intrauit iesus in quoddam castellum. A. ] Soðlice hit wæs geworden þa hig ferdon. se hælend eode on sum castel & sum wïf on naman martha onfeng hyne on hyre hüs. ³⁹ & þære swustur wæs maria seo eac sæt wið þæs hælendes fët & his word gehyrde; ⁴⁰ Soþlice martha geornlice him þenode; Þa stod heo & cwæþ. drihten. nis þe nän caru þt min swustur let me ænlipie þenian sege hyre þt heo fylste me; ⁴¹ Ða cwæþ se hælend. martha martha. geornfull þu eart & embe fela þinga gedrefed; ⁴² Ge-wislice an þing is nied-behefe. marïa geces þæne selestan dæl se hyre ne byð afyrred;