Bible verses about "fornication" | WestSaxon990

⁹ Soþlice ic secge eow swa hwa swa for-lætt hys wïf buton for forligere & oþer fetað. së un-riht-hæmð. & seðe forlætene æfter him nymð. së unriht-hæmð;

²⁰ Ða sæde he him þt ða þing ðe of þam men gað. þa hine besmitað; ²¹ Innan of manna heortan. yfele geþancas cumað. unriht-hæmedu. & forligeru. manslihtas. ²² [stala.] gytsung. män. facnu. sceamleast. yfel gesihð. dysinessa. ofer-modignessa. stuntscipe. ²³ & ealle þas yfelu of þam innoðe cumað & þone man besmitað;

³² Ic secge eow to soðum þt ælc þe his wif forlæt buton forlegennysse þingum. he deð þt heo unriht-hæmð; & së unriht-hæmð þe forlætene æfter him genimð;

⁴¹ ge wyrceað eowres fæder weorc; Hig cwædon witodlice to him. ne synt we of forlire acennede. we habbað anne god to fæder; ⁴² Witodlice se hælend cwæþ to him gif god wære eowre fæder. witodlice ge lufedon me. Ic com of gode ne com ic na fram me sylfon ac he me sende;