Bible verses about "eternity" | WestSaxon990

⁴³ And gif þin hand þe swicað ceorf hi of; Betere þe is þt þü wanhal to life ga. þonne þu twa handa hæbbe & fare on helle. & on unacwencedlic fÿr ⁴⁴ þar hyra wyrm ne swylt & fyr ne bið acwenced; ⁴⁵ And gif ðin fot swicað þe ceorf hine of. betere þe is þt þu healt gä. on ëcë lif þonne þu hæbbe twegen fet & si aworpen on helle un-acwencedlices fyres. ⁴⁶ þar hyra wyrm ne swylt ne fyr ne bið adwæsced; ⁴⁷ Gif þin eage þe swicað weorp hit üt. betere þe is mid anum eagan gän on godes rïce þonne twa eagan hæbbende sy aworpen on helle fyr. ⁴⁸ þar hyra wyrm ne swylt. ne fyr ne bið acwenced;

⁴³ þonne scinað ða rihtwisan swa swa sunne on hyra fæder rice;

¹² Soðlice swa hwylce swa hyne under-fengon. he sealde him änweald þt hi wæron godes bearn þam ðe gelyfað on his naman.

¹⁶ [Note: Ðys sceal on oðerne pentecostenes mæsse-dæg. Sic enim deus dilexit mundum. A. ] God lufode middan-eard swa þt he sealde his ancennendan (sic) sunu. þt nän ne forwurðe þe on hine gelyfð. ac hæbbe þt ece lïf;

² On mines fæder huse synt manega eardung-stowa ne sæde ic eow. hyt ys lytles wana þt ic fare & wylle eow eardung-stowe gearwian; ³ & gif ic fare & eow eardung-stowe ge-gearwige; Eft ic cume & nime eow to me sylfon þt ge syn þær ic eom;

⁴⁶ & þonne farað hig on ece susle & þa rihtwisan on þt ece lif;

³ Ðis ys soðlice ëce lïf þt hi oncnawon þt þu eart än soþ god. & se ðe þu sendest hælynde crist;

⁵⁰ Ðis is se hlaf þe of heofonum com. þt ne swelte se ðe of him ytt; ⁵¹ Ic eom lybbende hlaf þe of heofonum com. swa hwa swa ytt of ðyson hlafe. he leofað on ecnysse. & se hlaf þe ic sylle is min flæsc for middan-eardes life; ⁵² Þa iudeas fliton him betwynan & cwædon. hu mæg þes his flæsc us syllan to etene. ⁵³ [Note: Ðys sceal anum dæge ær palm-sunnan dæge. Nisi manducaueritis carnem filii hominis. A. ] Þa cwæþ se hælend to hiM; Soþ ic secge eow næbbe ge lif on eow buton ge eton mannes suna flæsc & his blod drincon; ⁵⁴ Se hæfð ece lïf þe ytt min flæsc & drincð min blod. & ic hine arære. on þam ytemestan dæge; ⁵⁵ Soþlice min flæsc is mete & min blod is drinc. ⁵⁶ se ðe ytt min flæsc & drincð min blod he wunað on me. & ic on him. ⁵⁷ swa swa lybbende fæder me sende & ic lybbe þurh fæder & se ðe me ytt he leofaþ þurh me. ⁵⁸ þis is se hlaf þe of heofonum cöm. na swa swa ure fæderas æton heofonlicne mete & deade wæron; Se þe ytt þysne hlaf he leofað on ecnysse; ⁵⁹ Ðas þing he sæde on gesamnunge þa he lærde on capharnaum; ⁶⁰ Manega his leorni[n]g-cnihta cwædon þa hig ðis gehyrdon; Heard is þeos spræc hwa mæg hig gehyran; ⁶¹ Ða wiste se hælend þt his leorning-cnihtas murcnedon betweox him sylfon be þison. & he cwæð to him þt eow beswicð. ⁶² gyf ge geseoþ mannes sunu astigendne þær he ær wæs ⁶³ gast is se ðe geliffæst flæsc ne fremað nan þing. þa word þe ic eow sæde synt gast & lïf. ⁶⁴ Ac sume ge ne gelyfað; Witodlice se hælend wiste æt fruman. hwæt þa gelyfedan wæron & hwa hine belæwon wolde. ⁶⁵ & he cwæð; Forþig ic eow sæde þt nan man ne mæg cuman to me buton min fæder hit him sylle; ⁶⁶ Syððan manega his leorning-cnihtas (sic) cyrdon. onbæc & ne eodun mid him. ⁶⁷ Ða cwæþ se hælynd to þam twelfum. cweðe ge wylle ge fram me. ⁶⁸ þa &wyrde him simon Petrus & cwæð; Drihten to hwam ga we þu hæfst eces lifes word ⁶⁹ & we gelyfað & witon þt þu eart crist godes sunu; ⁷⁰ Se hælend him &swarude & cwæð. hu ne geceas ic eow twelfe & eower an is deofol. ⁷¹ he hyt cwæþ be iuda scarioþe þes hine belæwde þa he wæs an þara TWELFA.

²⁴ [Note: Amen amen dico uobis. Quia qui uerbum meum audit & credit ei qui me misit habet uitam eternam. A. ] [S]oð ic secge eow þt se þe min word gehyrð & þam gelyfð þe me sende. Se hæfþ ëce lïf & ne cymþ æt þam dome. ac færð fram deaðe to life;