Bible verses about "sarcasm" | Vulgate

¹¹ et dixerunt ad Mosen forsitan non erant sepulchra in Aegypto ideo tulisti nos ut moreremur in solitudine quid hoc facere voluisti ut educeres nos ex Aegypto

⁹ et ait Dominus ad Cain ubi est Abel frater tuus qui respondit nescio num custos fratris mei sum

¹⁶ sapientior sibi piger videtur septem viris loquentibus sententias

¹ nolite plures magistri fieri fratres mei scientes quoniam maius iudicium sumitis ² in multis enim offendimus omnes si quis in verbo non offendit hic perfectus est vir potens etiam freno circumducere totum corpus ³ si autem equorum frenos in ora mittimus ad consentiendum nobis et omne corpus illorum circumferimus ⁴ ecce et naves cum magnae sint et a ventis validis minentur circumferuntur a modico gubernaculo ubi impetus dirigentis voluerit ⁵ ita et lingua modicum quidem membrum est et magna exultat ecce quantus ignis quam magnam silvam incendit ⁶ et lingua ignis est universitas iniquitatis lingua constituitur in membris nostris quae maculat totum corpus et inflammat rotam nativitatis nostrae inflammata a gehenna ⁷ omnis enim natura bestiarum et volucrum et serpentium etiam ceterorum domantur et domita sunt a natura humana ⁸ linguam autem nullus hominum domare potest inquietum malum plena veneno mortifero ⁹ in ipsa benedicimus Dominum et Patrem et in ipsa maledicimus homines qui ad similitudinem Dei facti sunt ¹⁰ ex ipso ore procedit benedictio et maledictio non oportet fratres mei haec ita fieri ¹¹ numquid fons de eodem foramine emanat dulcem et amaram aquam ¹² numquid potest fratres mei ficus olivas facere aut vitis ficus sic neque salsa dulcem potest facere aquam ¹³ quis sapiens et disciplinatus inter vos ostendat ex bona conversatione operationem suam in mansuetudine sapientiae ¹⁴ quod si zelum amarum habetis et contentiones in cordibus vestris nolite gloriari et mendaces esse adversus veritatem ¹⁵ non est ista sapientia desursum descendens sed terrena animalis diabolica ¹⁶ ubi enim zelus et contentio ibi inconstantia et omne opus pravum ¹⁷ quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione ¹⁸ fructus autem iustitiae in pace seminatur facientibus pacem

⁷ ineptas autem et aniles fabulas devita exerce te ipsum ad pietatem

²⁷ cumque esset iam meridies inludebat eis Helias dicens clamate voce maiore deus enim est et forsitan loquitur aut in diversorio est aut in itinere aut certe dormit ut excitetur

¹⁸ est qui promittit et quasi gladio pungitur conscientiae lingua autem sapientium sanitas est

²¹ mors et vita in manu linguae qui diligunt eam comedent fructus eius

³⁷ sit autem sermo vester est est non non quod autem his abundantius est a malo est

⁴ aut turpitudo aut stultiloquium aut scurrilitas quae ad rem non pertinent sed magis gratiarum actio

¹⁸ sicut noxius est qui mittit lanceas et sagittas et mortem ¹⁹ sic vir qui fraudulenter nocet amico suo et cum fuerit deprehensus dicit ludens feci

²⁹ omnis sermo malus ex ore vestro non procedat sed si quis bonus ad aedificationem oportunitatis ut det gratiam audientibus