Bible verses about "personality" | Vulgate

²⁷ et creavit Deus hominem ad imaginem suam ad imaginem Dei creavit illum masculum et feminam creavit eos

¹¹ ego enim scio cogitationes quas cogito super vos ait Dominus cogitationes pacis et non adflictionis ut dem vobis finem et patientiam ¹² et invocabitis me et ibitis et orabitis me et exaudiam vos ¹³ quaeretis me et invenietis cum quaesieritis me in toto corde vestro

¹² omnia ergo quaecumque vultis ut faciant vobis homines et vos facite eis haec est enim lex et prophetae

²⁸ in ipso enim vivimus et movemur et sumus sicut et quidam vestrum poetarum dixerunt ipsius enim et genus sumus

²⁸ non est Iudaeus neque Graecus non est servus neque liber non est masculus neque femina omnes enim vos unum estis in Christo Iesu

²⁰ invisibilia enim ipsius a creatura mundi per ea quae facta sunt intellecta conspiciuntur sempiterna quoque eius virtus et divinitas ut sint inexcusabiles

¹³ quae et loquimur non in doctis humanae sapientiae verbis sed in doctrina Spiritus spiritalibus spiritalia conparantes

⁸ sobrii estote vigilate quia adversarius vester diabolus tamquam leo rugiens circuit quaerens quem devoret

²¹ qui habet mandata mea et servat ea ille est qui diligit me qui autem diligit me diligetur a Patre meo et ego diligam eum et manifestabo ei me ipsum

¹⁶ nescitis quia templum Dei estis et Spiritus Dei habitat in vobis

¹⁴ confitebor tibi quoniam terribiliter magnificasti me mirabilia opera tua et anima mea novit nimis

¹⁹ quomodo in aquis resplendent vultus prospicientium sic corda hominum manifesta sunt prudentibus

¹⁴ nam et corpus non est unum membrum sed multa ¹⁵ si dixerit pes quoniam non sum manus non sum de corpore non ideo non est de corpore ¹⁶ et si dixerit auris quia non sum oculus non sum de corpore non ideo non est de corpore ¹⁷ si totum corpus oculus ubi auditus si totum auditus ubi odoratus ¹⁸ nunc autem posuit Deus membra unumquodque eorum in corpore sicut voluit

¹⁵ quod enim operor non intellego non enim quod volo hoc ago sed quod odi illud facio ¹⁶ si autem quod nolo illud facio consentio legi quoniam bona ¹⁷ nunc autem iam non ego operor illud sed quod habitat in me peccatum

⁴ sicut enim in uno corpore multa membra habemus omnia autem membra non eundem actum habent ⁵ ita multi unum corpus sumus in Christo singuli autem alter alterius membra ⁶ habentes autem donationes secundum gratiam quae data est nobis differentes sive prophetiam secundum rationem fidei

⁷ et dixit Dominus ad Samuhel ne respicias vultum eius neque altitudinem staturae eius quoniam abieci eum nec iuxta intuitum hominis iudico homo enim videt ea quae parent Dominus autem intuetur cor