Bible verses about "motives" | Vulgate

⁷ nonne si bene egeris recipies sin autem male statim in foribus peccatum aderit sed sub te erit appetitus eius et tu dominaberis illius

¹ carissimi nolite omni spiritui credere sed probate spiritus si ex Deo sint quoniam multi pseudoprophetae exierunt in mundum

¹⁷ omne quodcumque facitis in verbo aut in opere omnia in nomine Domini Iesu gratias agentes Deo et Patri per ipsum

¹³ finem loquendi omnes pariter audiamus Deum time et mandata eius observa hoc est enim omnis homo ¹⁴ et cuncta quae fiunt adducet Deus in iudicium pro omni errato sive bonum sive malum sit

² omnes viae hominum patent oculis eius spirituum ponderator est Dominus

¹² non sicut Cain ex maligno erat et occidit fratrem suum et propter quid occidit eum quoniam opera eius maligna erant fratris autem eius iusta

¹ unde bella et lites in vobis nonne hinc ex concupiscentiis vestris quae militant in membris vestris ² concupiscitis et non habetis occiditis et zelatis et non potestis adipisci litigatis et belligeratis non habetis propter quod non postulatis ³ petitis et non accipitis eo quod male petatis ut in concupiscentiis vestris insumatis ⁴ adulteri nescitis quia amicitia huius mundi inimica est Dei quicumque ergo voluerit amicus esse saeculi huius inimicus Dei constituitur ⁵ aut putatis quia inaniter scriptura dicat ad invidiam concupiscit Spiritus qui inhabitat in nobis ⁶ maiorem autem dat gratiam propter quod dicit Deus superbis resistit humilibus autem dat gratiam ⁷ subditi igitur estote Deo resistite autem diabolo et fugiet a vobis ⁸ adpropiate Domino et adpropinquabit vobis emundate manus peccatores et purificate corda duplices animo ⁹ miseri estote et lugete et plorate risus vester in luctum convertatur et gaudium in maerorem ¹⁰ humiliamini in conspectu Domini et exaltabit vos ¹¹ nolite detrahere de alterutrum fratres qui detrahit fratri aut qui iudicat fratrem suum detrahit legi et iudicat legem si autem iudicas legem non es factor legis sed iudex ¹² unus est legislator et iudex qui potest perdere et liberare tu autem quis es qui iudicas proximum ¹³ ecce nunc qui dicitis hodie aut crastino ibimus in illam civitatem et faciemus quidem ibi annum et mercabimur et lucrum faciemus ¹⁴ qui ignoratis quid erit in crastinum quae enim est vita vestra vapor est ad modicum parens deinceps exterminatur ¹⁵ pro eo ut dicatis si Dominus voluerit et vixerimus faciemus hoc aut illud ¹⁶ nunc autem exultatis in superbiis vestris omnis exultatio talis maligna est ¹⁷ scienti igitur bonum facere et non facienti peccatum est illi

⁷ et dixit Dominus ad Samuhel ne respicias vultum eius neque altitudinem staturae eius quoniam abieci eum nec iuxta intuitum hominis iudico homo enim videt ea quae parent Dominus autem intuetur cor

⁵ itaque nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo

⁵ finis autem praecepti est caritas de corde puro et conscientia bona et fide non ficta

¹ adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis est

³ nihil per contentionem neque per inanem gloriam sed in humilitate superiores sibi invicem arbitrantes ⁴ sed sicut probati sumus a Deo ut crederetur nobis evangelium ita loquimur non quasi hominibus placentes sed Deo qui probat corda nostra

¹⁰ modo enim hominibus suadeo aut Deo aut quaero hominibus placere si adhuc hominibus placerem Christi servus non essem

² omnis via viri recta sibi videtur adpendit autem corda Dominus

¹ adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis est ² cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suam ³ te autem faciente elemosynam nesciat sinistra tua quid faciat dextera tua ⁴ ut sit elemosyna tua in abscondito et Pater tuus qui videt in abscondito reddet tibi ⁵ et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suam ⁶ tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibi ⁷ orantes autem nolite multum loqui sicut ethnici putant enim quia in multiloquio suo exaudiantur ⁸ nolite ergo adsimilari eis scit enim Pater vester quibus opus sit vobis antequam petatis eum ⁹ sic ergo vos orabitis Pater noster qui in caelis es sanctificetur nomen tuum ¹⁰ veniat regnum tuum fiat voluntas tua sicut in caelo et in terra ¹¹ panem nostrum supersubstantialem da nobis hodie ¹² et dimitte nobis debita nostra sicut et nos dimisimus debitoribus nostris ¹³ et ne inducas nos in temptationem sed libera nos a malo ¹⁴ si enim dimiseritis hominibus peccata eorum dimittet et vobis Pater vester caelestis delicta vestra ¹⁵ si autem non dimiseritis hominibus nec Pater vester dimittet peccata vestra ¹⁶ cum autem ieiunatis nolite fieri sicut hypocritae tristes demoliuntur enim facies suas ut pareant hominibus ieiunantes amen dico vobis quia receperunt mercedem suam ¹⁷ tu autem cum ieiunas ungue caput tuum et faciem tuam lava ¹⁸ ne videaris hominibus ieiunans sed Patri tuo qui est in abscondito et Pater tuus qui videt in abscondito reddet tibi