Bible verses about "cussing" | Vulgate

¹³ timor Domini odit malum arrogantiam et superbiam et viam pravam et os bilingue detestor

²¹ mors et vita in manu linguae qui diligunt eam comedent fructus eius

³⁷ sit autem sermo vester est est non non quod autem his abundantius est a malo est

²⁶ voluntarie enim peccantibus nobis post acceptam notitiam veritatis iam non relinquitur pro peccatis hostia

¹⁶ profana autem inaniloquia devita multum enim proficient ad impietatem

⁸ de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitate

² et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta

¹ estote ergo imitatores Dei sicut filii carissimi ² et ambulate in dilectione sicut et Christus dilexit nos et tradidit se ipsum pro nobis oblationem et hostiam Deo in odorem suavitatis ³ fornicatio autem et omnis inmunditia aut avaritia nec nominetur in vobis sicut decet sanctos ⁴ aut turpitudo aut stultiloquium aut scurrilitas quae ad rem non pertinent sed magis gratiarum actio ⁵ hoc enim scitote intellegentes quod omnis fornicator aut inmundus aut avarus quod est idolorum servitus non habet hereditatem in regno Christi et Dei ⁶ nemo vos seducat inanibus verbis propter haec enim venit ira Dei in filios diffidentiae ⁷ nolite ergo effici participes eorum ⁸ eratis enim aliquando tenebrae nunc autem lux in Domino ut filii lucis ambulate ⁹ fructus enim lucis est in omni bonitate et iustitia et veritate ¹⁰ probantes quid sit beneplacitum Deo ¹¹ et nolite communicare operibus infructuosis tenebrarum magis autem et redarguite ¹² quae enim in occulto fiunt ab ipsis turpe est et dicere ¹³ omnia autem quae arguuntur a lumine manifestantur omne enim quod manifestatur lumen est ¹⁴ propter quod dicit surge qui dormis et exsurge a mortuis et inluminabit tibi Christus ¹⁵ videte itaque fratres quomodo caute ambuletis non quasi insipientes sed ut sapientes ¹⁶ redimentes tempus quoniam dies mali sunt ¹⁷ propterea nolite fieri inprudentes sed intellegentes quae sit voluntas Domini ¹⁸ et nolite inebriari vino in quo est luxuria sed implemini Spiritu ¹⁹ loquentes vobismet ipsis in psalmis et hymnis et canticis spiritalibus cantantes et psallentes in cordibus vestris Domino ²⁰ gratias agentes semper pro omnibus in nomine Domini nostri Iesu Christi Deo et Patri ²¹ subiecti invicem in timore Christi ²² mulieres viris suis subditae sint sicut Domino ²³ quoniam vir caput est mulieris sicut Christus caput est ecclesiae ipse salvator corporis ²⁴ sed ut ecclesia subiecta est Christo ita et mulieres viris suis in omnibus ²⁵ viri diligite uxores sicut et Christus dilexit ecclesiam et se ipsum tradidit pro ea ²⁶ ut illam sanctificaret mundans lavacro aquae in verbo ²⁷ ut exhiberet ipse sibi gloriosam ecclesiam non habentem maculam aut rugam aut aliquid eiusmodi sed ut sit sancta et inmaculata ²⁸ ita et viri debent diligere uxores suas ut corpora sua qui suam uxorem diligit se ipsum diligit

¹² ante omnia autem fratres mei nolite iurare neque per caelum neque per terram neque aliud quodcumque iuramentum sit autem vestrum est est non non uti non sub iudicio decidatis

²⁹ nemo enim umquam carnem suam odio habuit sed nutrit et fovet eam sicut et Christus ecclesiam ³⁰ quia membra sumus corporis eius de carne eius et de ossibus eius ³¹ propter hoc relinquet homo patrem et matrem suam et adherebit uxori suae et erunt duo in carne una ³² sacramentum hoc magnum est ego autem dico in Christo et in ecclesia ³³ verumtamen et vos singuli unusquisque suam uxorem sicut se ipsum diligat uxor autem ut timeat virum

³⁶ dico autem vobis quoniam omne verbum otiosum quod locuti fuerint homines reddent rationem de eo in die iudicii

¹¹ non quod intrat in os coinquinat hominem sed quod procedit ex ore hoc coinquinat hominem

¹⁰ ex ipso ore procedit benedictio et maledictio non oportet fratres mei haec ita fieri

²⁹ omnis sermo malus ex ore vestro non procedat sed si quis bonus ad aedificationem oportunitatis ut det gratiam audientibus

⁸ nunc autem deponite et vos omnia iram indignationem malitiam blasphemiam turpem sermonem de ore vestro