Bible verses about "charity" | Vulgate

⁷ si unus de fratribus tuis qui morantur intra portas civitatis tuae in terra quam Dominus Deus tuus daturus est tibi ad paupertatem venerit non obdurabis cor tuum nec contrahes manum ⁸ sed aperies eam pauperi et dabis mutuum quod eum indigere perspexeris ⁹ cave ne forte subripiat tibi impia cogitatio et dicas in corde tuo adpropinquat septimus annus remissionis et avertas oculos a paupere fratre tuo nolens ei quod postulat mutuum commodare ne clamet contra te ad Dominum et fiat tibi in peccatum ¹⁰ sed dabis ei nec ages quippiam callide in eius necessitatibus sublevandis ut benedicat tibi Dominus Deus tuus in omni tempore et in cunctis ad quae manum miseris ¹¹ non deerunt pauperes in terra habitationis tuae idcirco ego praecipio tibi ut aperias manum fratri tuo egeno et pauperi qui tecum versatur in terra

¹³ qui obturat aurem suam ad clamorem pauperis et ipse clamabit et non exaudietur

⁴² qui petit a te da ei et volenti mutuari a te ne avertaris

³⁸ date et dabitur vobis mensuram bonam confersam et coagitatam et supereffluentem dabunt in sinum vestrum eadem quippe mensura qua mensi fueritis remetietur vobis

¹ si linguis hominum loquar et angelorum caritatem autem non habeam factus sum velut aes sonans aut cymbalum tinniens ² et si habuero prophetiam et noverim mysteria omnia et omnem scientiam et habuero omnem fidem ita ut montes transferam caritatem autem non habuero nihil sum ³ et si distribuero in cibos pauperum omnes facultates meas et si tradidero corpus meum ut ardeam caritatem autem non habuero nihil mihi prodest ⁴ caritas patiens est benigna est caritas non aemulatur non agit perperam non inflatur ⁵ non est ambitiosa non quaerit quae sua sunt non inritatur non cogitat malum ⁶ non gaudet super iniquitatem congaudet autem veritati ⁷ omnia suffert omnia credit omnia sperat omnia sustinet ⁸ caritas numquam excidit sive prophetiae evacuabuntur sive linguae cessabunt sive scientia destruetur ⁹ ex parte enim cognoscimus et ex parte prophetamus ¹⁰ cum autem venerit quod perfectum est evacuabitur quod ex parte est ¹¹ cum essem parvulus loquebar ut parvulus sapiebam ut parvulus cogitabam ut parvulus quando factus sum vir evacuavi quae erant parvuli ¹² videmus nunc per speculum in enigmate tunc autem facie ad faciem nunc cognosco ex parte tunc autem cognoscam sicut et cognitus sum ¹³ nunc autem manet fides spes caritas tria haec maior autem his est caritas

² hospitalitatem nolite oblivisci per hanc enim latuerunt quidam angelis hospitio receptis

³³ vendite quae possidetis et date elemosynam facite vobis sacculos qui non veterescunt thesaurum non deficientem in caelis quo fur non adpropiat neque tinea corrumpit

¹⁷ feneratur Domino qui miseretur pauperis et vicissitudinem suam reddet ei

¹ respiciens autem vidit eos qui mittebant munera sua in gazofilacium divites ² vidit autem et quandam viduam pauperculam mittentem aera minuta duo ³ et dixit vere dico vobis quia vidua haec pauper plus quam omnes misit ⁴ nam omnes hii ex abundanti sibi miserunt in munera Dei haec autem ex eo quod deest illi omnem victum suum quem habuit misit

⁷ unusquisque prout destinavit corde suo non ex tristitia aut ex necessitate hilarem enim datorem diligit Deus

¹⁷ qui habuerit substantiam mundi et viderit fratrem suum necesse habere et clauserit viscera sua ab eo quomodo caritas Dei manet in eo

¹ adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis est ² cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suam ³ te autem faciente elemosynam nesciat sinistra tua quid faciat dextera tua ⁴ ut sit elemosyna tua in abscondito et Pater tuus qui videt in abscondito reddet tibi

¹⁶ beneficientiae autem et communionis nolite oblivisci talibus enim hostiis promeretur Deus

³⁵ omnia ostendi vobis quoniam sic laborantes oportet suscipere infirmos ac meminisse verbi Domini Iesu quoniam ipse dixit beatius est magis dare quam accipere