Bible verses about "budgeting" | Vulgate

⁶ vade ad formicam o piger et considera vias eius et disce sapientiam ⁷ quae cum non habeat ducem nec praeceptorem nec principem ⁸ parat aestate cibum sibi et congregat in messe quod comedat

²⁰ thesaurus desiderabilis et oleum in habitaculo iusti et inprudens homo dissipabit illud

²³ diligenter agnosce vultum pecoris tui tuosque greges considera ²⁴ non enim habebis iugiter potestatem sed corona tribuetur in generatione generationum ²⁵ aperta sunt prata et apparuerunt herbae virentes et collecta sunt faena de montibus ²⁶ agni ad vestimentum tuum et hedi agri pretium ²⁷ sufficiat tibi lac caprarum in cibos tuos in necessaria domus tuae et ad victum ancillis tuis

⁴ noli laborare ut diteris sed prudentiae tuae pone modum ⁵ ne erigas oculos tuos ad opes quas habere non potes quia facient sibi pinnas quasi aquilae et avolabunt in caelum

¹⁹ nolite thesaurizare vobis thesauros in terra ubi erugo et tinea demolitur ubi fures effodiunt et furantur ²⁰ thesaurizate autem vobis thesauros in caelo ubi neque erugo neque tinea demolitur et ubi fures non effodiunt nec furantur ²¹ ubi enim est thesaurus tuus ibi est et cor tuum

⁸ meum est argentum et meum est aurum dicit Dominus exercituum

¹⁷ divitibus huius saeculi praecipe non sublime sapere neque sperare in incerto divitiarum sed in Deo qui praestat nobis omnia abunde ad fruendum ¹⁸ bene agere divites fieri in operibus bonis facile tribuere communicare ¹⁹ thesaurizare sibi fundamentum bonum in futurum ut adprehendant veram vitam

²³ diligenter agnosce vultum pecoris tui tuosque greges considera

²² dissipantur cogitationes ubi non est consilium ubi vero plures sunt consiliarii confirmantur

³³ quaerite autem primum regnum et iustitiam eius et omnia haec adicientur vobis

²⁸ quis enim ex vobis volens turrem aedificare non prius sedens conputat sumptus qui necessarii sunt si habet ad perficiendum ²⁹ ne posteaquam posuerit fundamentum et non potuerit perficere omnes qui vident incipiant inludere ei ³⁰ dicentes quia hic homo coepit aedificare et non potuit consummare

² hic iam quaeritur inter dispensatores ut fidelis quis inveniatur

⁶ hoc autem qui parce seminat parce et metet et qui seminat in benedictionibus de benedictionibus et metet

⁹ honora Dominum de tua substantia et de primitiis omnium frugum tuarum

⁷ dives pauperibus imperat et qui accipit mutuum servus est fenerantis