Bible verses about "alcohol" | Vulgate

⁹ vinum et omne quod inebriare potest non bibetis tu et filii tui quando intratis tabernaculum testimonii ne moriamini quia praeceptum est sempiternum in generationes vestras

²² vae qui potentes estis ad bibendum vinum et viri fortes ad miscendam ebrietatem

¹¹ vae qui consurgitis mane ad ebrietatem sectandam et potandum usque ad vesperam ut vino aestuetis

²⁰ noli esse in conviviis potatorum nec in comesationibus eorum qui carnes ad vescendum conferunt ²¹ quia vacantes potibus et dantes symbola consumentur et vestietur pannis dormitatio

⁷ vade ergo et comede in laetitia panem tuum et bibe cum gaudio vinum tuum quia Deo placent opera tua

³⁴ venit Filius hominis manducans et bibens et dicitis ecce homo devorator et bibens vinum amicus publicanorum et peccatorum

¹⁹ manifesta autem sunt opera carnis quae sunt fornicatio inmunditia luxuria ²⁰ idolorum servitus veneficia inimicitiae contentiones aemulationes irae rixae dissensiones sectae ²¹ invidiae homicidia ebrietates comesationes et his similia quae praedico vobis sicut praedixi quoniam qui talia agunt regnum Dei non consequentur

⁸ diaconos similiter pudicos non bilingues non multo vino deditos non turpe lucrum sectantes

¹⁴ qui inrigas montes de cenaculis tuis de fructu operum tuorum implebitur terra ¹⁵ germinans herbam iumentis et faenum servituti hominum ut educat panem de terra

⁶ et faciet Dominus exercituum omnibus populis in monte hoc convivium pinguium convivium vindemiae pinguium medullatorum vindemiae defecatae ⁷ et praecipitabit in monte isto faciem vinculi conligati super omnes populos et telam quam orditus est super universas nationes ⁸ praecipitabit mortem in sempiternum et auferet Dominus Deus lacrimam ab omni facie et obprobrium populi sui auferet de universa terra quia Dominus locutus est ⁹ et dicet in die illa ecce Deus noster iste expectavimus eum et salvabit nos iste Dominus sustinuimus eum exultabimus et laetabimur in salutari eius

¹ o omnes sitientes venite ad aquas et qui non habetis argentum properate emite et comedite venite emite absque argento et absque ulla commutatione vinum et lac

¹⁸ venit enim Iohannes neque manducans neque bibens et dicunt daemonium habet ¹⁹ venit Filius hominis manducans et bibens et dicunt ecce homo vorax et potator vini publicanorum et peccatorum amicus et iustificata est sapientia a filiis suis

²¹ bonum est non manducare carnem et non bibere vinum neque in quo frater tuus offendit aut scandalizatur aut infirmatur

²³ noli adhuc aquam bibere sed vino modico utere propter stomachum tuum et frequentes tuas infirmitates

²⁹ cui vae cuius patri vae cui rixae cui foveae cui sine causa vulnera cui suffusio oculorum ³⁰ nonne his qui morantur in vino et student calicibus epotandis ³¹ ne intuearis vinum quando flavescit cum splenduerit in vitro color eius ingreditur blande ³² sed in novissimo mordebit ut coluber et sicut regulus venena diffundet ³³ oculi tui videbunt extraneas et cor tuum loquetur perversa ³⁴ et eris sicut dormiens in medio mari et quasi sopitus gubernator amisso clavo ³⁵ et dices verberaverunt me sed non dolui traxerunt me et ego non sensi quando evigilabo et rursum vina repperiam

¹ luxuriosa res vinum et tumultuosa ebrietas quicumque his delectatur non erit sapiens

⁹ an nescitis quia iniqui regnum Dei non possidebunt nolite errare neque fornicarii neque idolis servientes neque adulteri ¹⁰ neque molles neque masculorum concubitores neque fures neque avari neque ebriosi neque maledici neque rapaces regnum Dei possidebunt ¹¹ et haec quidam fuistis sed abluti estis sed sanctificati estis sed iustificati estis in nomine Domini nostri Iesu Christi et in Spiritu Dei nostri

¹⁹ manifesta autem sunt opera carnis quae sunt fornicatio inmunditia luxuria ²⁰ idolorum servitus veneficia inimicitiae contentiones aemulationes irae rixae dissensiones sectae ²¹ invidiae homicidia ebrietates comesationes et his similia quae praedico vobis sicut praedixi quoniam qui talia agunt regnum Dei non consequentur ²² fructus autem Spiritus est caritas gaudium pax longanimitas bonitas benignitas ²³ fides modestia continentia adversus huiusmodi non est lex ²⁴ qui autem sunt Christi carnem crucifixerunt cum vitiis et concupiscentiis ²⁵ si vivimus spiritu spiritu et ambulemus

¹⁸ et nolite inebriari vino in quo est luxuria sed implemini Spiritu