Bible verses about "rape" | HOT

Genesis 34:1-31

¹ ותצא דינה בת לאה אשׁר ילדה ליעקב לראות בבנות הארץ׃² וירא אתה שׁכם בן חמור החוי נשׂיא הארץ ויקח אתה וישׁכב אתה ויענה׃³ ותדבק נפשׁו בדינה בת יעקב ויאהב את הנער וידבר על לב הנער׃⁴ ויאמר שׁכם אל חמור אביו לאמר קח לי את הילדה הזאת לאשׁה׃⁵ ויעקב שׁמע כי טמא את דינה בתו ובניו היו את מקנהו בשׂדה והחרשׁ יעקב עד באם׃⁶ ויצא חמור אבי שׁכם אל יעקב לדבר אתו׃⁷ ובני יעקב באו מן השׂדה כשׁמעם ויתעצבו האנשׁים ויחר להם מאד כי נבלה עשׂה בישׂראל לשׁכב את בת יעקב וכן לא יעשׂה׃⁸ וידבר חמור אתם לאמר שׁכם בני חשׁקה נפשׁו בבתכם תנו נא אתה לו לאשׁה׃⁹ והתחתנו אתנו בנתיכם תתנו לנו ואת בנתינו תקחו׃¹⁰ ואתנו תשׁבו והארץ תהיה לפניכם שׁבו וסחרוה והאחזו׃¹¹ ויאמר שׁכם אל אביה ואל אחיה אמצא חן בעיניכם ואשׁר תאמרו אלי אתן׃¹² הרבו עלי מאד מהר ומתן ואתנה כאשׁר תאמרו אלי ותנו לי את הנער לאשׁה׃¹³ ויענו בני יעקב את שׁכם ואת חמור אביו במרמה וידברו אשׁר טמא את דינה אחתם׃¹⁴ ויאמרו אליהם לא נוכל לעשׂות הדבר הזה לתת את אחתנו לאישׁ אשׁר לו ערלה כי חרפה הוא׃¹⁵ אך בזאת נאות לכם אם תהיו כמנו להמל לכם כל זכר׃¹⁶ ונתנו את בנתינו לכם ואת בנתיכם נקח לנו וישׁבנו אתכם והיינו לעם אחד׃¹⁷ ואם לא תשׁמעו אלינו להמול ולקחנו את בתנו והלכנו׃¹⁸ וייטבו דבריהם בעיני חמור ובעיני שׁכם בן חמור׃¹⁹ ולא אחר הנער לעשׂות הדבר כי חפץ בבת יעקב והוא נכבד מכל בית אביו׃²⁰ ויבא חמור ושׁכם בנו אל שׁער עירם וידברו אל אנשׁי עירם לאמר׃²¹ האנשׁים האלה שׁלמים הם אתנו וישׁבו בארץ ויסחרו אתה והארץ הנה רחבת ידים לפניהם את בנתם נקח לנו לנשׁים ואת בנתינו נתן׃²² אך בזאת יאתו לנו האנשׁים לשׁבת אתנו להיות לעם אחד בהמול לנו כל זכר כאשׁר הם נמלים׃²³ מקנהם וקנינם וכל בהמתם הלוא לנו הם אך נאותה להם וישׁבו אתנו׃²⁴ וישׁמעו אל חמור ואל שׁכם בנו כל יצאי שׁער עירו וימלו כל זכר כל יצאי שׁער עירו׃

Genesis 34:26-31

²⁶ ואת חמור ואת שׁכם בנו הרגו לפי חרב ויקחו את דינה מבית שׁכם ויצאו׃²⁷ בני יעקב באו על החללים ויבזו העיר אשׁר טמאו אחותם׃²⁸ את צאנם ואת בקרם ואת חמריהם ואת אשׁר בעיר ואת אשׁר בשׂדה לקחו׃²⁹ ואת כל חילם ואת כל טפם ואת נשׁיהם שׁבו ויבזו ואת כל אשׁר בבית׃

Genesis 34:31-31

³¹ ויאמרו הכזונה יעשׂה את אחותנו׃

Exodus 22:16-17

¹⁶ (22:15) וכי יפתה אישׁ בתולה אשׁר לא ארשׂה ושׁכב עמה מהר ימהרנה לו לאשׁה׃

Genesis 34:25-31

²⁵ ויהי ביום השׁלישׁי בהיותם כאבים ויקחו שׁני בני יעקב שׁמעון ולוי אחי דינה אישׁ חרבו ויבאו על העיר בטח ויהרגו כל זכר׃

Genesis 34:30-31

³⁰ ויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי׃

Exodus 22:17-17

¹⁷ (22:16) אם מאן ימאן אביה לתתה לו כסף ישׁקל כמהר הבתולת׃

Numbers 31:1-54

¹ וידבר יהוה אל משׁה לאמר׃² נקם נקמת בני ישׂראל מאת המדינים אחר תאסף אל עמיך׃³ וידבר משׁה אל העם לאמר החלצו מאתכם אנשׁים לצבא ויהיו על מדין לתת נקמת יהוה במדין׃⁴ אלף למטה אלף למטה לכל מטות ישׂראל תשׁלחו לצבא׃⁵ וימסרו מאלפי ישׂראל אלף למטה שׁנים עשׂר אלף חלוצי צבא׃⁶ וישׁלח אתם משׁה אלף למטה לצבא אתם ואת פינחס בן אלעזר הכהן לצבא וכלי הקדשׁ וחצצרות התרועה בידו׃⁷ ויצבאו על מדין כאשׁר צוה יהוה את משׁה ויהרגו כל זכר׃

Numbers 31:9-54

⁹ וישׁבו בני ישׂראל את נשׁי מדין ואת טפם ואת כל בהמתם ואת כל מקנהם ואת כל חילם בזזו׃¹⁰ ואת כל עריהם במושׁבתם ואת כל טירתם שׂרפו באשׁ׃¹¹ ויקחו את כל השׁלל ואת כל המלקוח באדם ובבהמה׃

Numbers 31:13-54

¹³ ויצאו משׁה ואלעזר הכהן וכל נשׂיאי העדה לקראתם אל מחוץ למחנה׃

Numbers 31:8-54

⁸ ואת מלכי מדין הרגו על חלליהם את אוי ואת רקם ואת צור ואת חור ואת רבע חמשׁת מלכי מדין ואת בלעם בן בעור הרגו בחרב׃

Numbers 31:12-54

¹² ויבאו אל משׁה ואל אלעזר הכהן ואל עדת בני ישׂראל את השׁבי ואת המלקוח ואת השׁלל אל המחנה אל ערבת מואב אשׁר על ירדן ירחו׃

Numbers 31:14-54

¹⁴ ויקצף משׁה על פקודי החיל שׂרי האלפים ושׂרי המאות הבאים מצבא המלחמה׃¹⁵ ויאמר אליהם משׁה החייתם כל נקבה׃¹⁶ הן הנה היו לבני ישׂראל בדבר בלעם למסר מעל ביהוה על דבר פעור ותהי המגפה בעדת יהוה׃¹⁷ ועתה הרגו כל זכר בטף וכל אשׁה ידעת אישׁ למשׁכב זכר הרגו׃¹⁸ וכל הטף בנשׁים אשׁר לא ידעו משׁכב זכר החיו׃¹⁹ ואתם חנו מחוץ למחנה שׁבעת ימים כל הרג נפשׁ וכל נגע בחלל תתחטאו ביום השׁלישׁי וביום השׁביעי אתם ושׁביכם׃²⁰ וכל בגד וכל כלי עור וכל מעשׂה עזים וכל כלי עץ תתחטאו׃²¹ ויאמר אלעזר הכהן אל אנשׁי הצבא הבאים למלחמה זאת חקת התורה אשׁר צוה יהוה את משׁה׃²² אך את הזהב ואת הכסף את הנחשׁת את הברזל את הבדיל ואת העפרת׃²³ כל דבר אשׁר יבא באשׁ תעבירו באשׁ וטהר אך במי נדה יתחטא וכל אשׁר לא יבא באשׁ תעבירו במים׃²⁴ וכבסתם בגדיכם ביום השׁביעי וטהרתם ואחר תבאו אל המחנה׃²⁵ ויאמר יהוה אל משׁה לאמר׃²⁶ שׂא את ראשׁ מלקוח השׁבי באדם ובבהמה אתה ואלעזר הכהן וראשׁי אבות העדה׃²⁷ וחצית את המלקוח בין תפשׂי המלחמה היצאים לצבא ובין כל העדה׃²⁸ והרמת מכס ליהוה מאת אנשׁי המלחמה היצאים לצבא אחד נפשׁ מחמשׁ המאות מן האדם ומן הבקר ומן החמרים ומן הצאן׃²⁹ ממחציתם תקחו ונתתה לאלעזר הכהן תרומת יהוה׃³⁰ וממחצת בני ישׂראל תקח אחד אחז מן החמשׁים מן האדם מן הבקר מן החמרים ומן הצאן מכל הבהמה ונתתה אתם ללוים שׁמרי משׁמרת משׁכן יהוה׃³¹ ויעשׂ משׁה ואלעזר הכהן כאשׁר צוה יהוה את משׁה׃³² ויהי המלקוח יתר הבז אשׁר בזזו עם הצבא צאן שׁשׁ מאות אלף ושׁבעים אלף וחמשׁת אלפים׃³³ ובקר שׁנים ושׁבעים אלף׃³⁴ וחמרים אחד ושׁשׁים אלף׃³⁵ ונפשׁ אדם מן הנשׁים אשׁר לא ידעו משׁכב זכר כל נפשׁ שׁנים ושׁלשׁים אלף׃³⁶ ותהי המחצה חלק היצאים בצבא מספר הצאן שׁלשׁ מאות אלף ושׁלשׁים אלף ושׁבעת אלפים וחמשׁ מאות׃³⁷ ויהי המכס ליהוה מן הצאן שׁשׁ מאות חמשׁ ושׁבעים׃³⁸ והבקר שׁשׁה ושׁלשׁים אלף ומכסם ליהוה שׁנים ושׁבעים׃³⁹ וחמרים שׁלשׁים אלף וחמשׁ מאות ומכסם ליהוה אחד ושׁשׁים׃⁴⁰ ונפשׁ אדם שׁשׁה עשׂר אלף ומכסם ליהוה שׁנים ושׁלשׁים נפשׁ׃⁴¹ ויתן משׁה את מכס תרומת יהוה לאלעזר הכהן כאשׁר צוה יהוה את משׁה׃⁴² וממחצית בני ישׂראל אשׁר חצה משׁה מן האנשׁים הצבאים׃⁴³ ותהי מחצת העדה מן הצאן שׁלשׁ מאות אלף ושׁלשׁים אלף שׁבעת אלפים וחמשׁ מאות׃⁴⁴ ובקר שׁשׁה ושׁלשׁים אלף׃⁴⁵ וחמרים שׁלשׁים אלף וחמשׁ מאות׃⁴⁶ ונפשׁ אדם שׁשׁה עשׂר אלף׃⁴⁷ ויקח משׁה ממחצת בני ישׂראל את האחז אחד מן החמשׁים מן האדם ומן הבהמה ויתן אתם ללוים שׁמרי משׁמרת משׁכן יהוה כאשׁר צוה יהוה את משׁה׃⁴⁸ ויקרבו אל משׁה הפקדים אשׁר לאלפי הצבא שׂרי האלפים ושׂרי המאות׃⁴⁹ ויאמרו אל משׁה עבדיך נשׂאו את ראשׁ אנשׁי המלחמה אשׁר בידנו ולא נפקד ממנו אישׁ׃⁵⁰ ונקרב את קרבן יהוה אישׁ אשׁר מצא כלי זהב אצעדה וצמיד טבעת עגיל וכומז לכפר על נפשׁתינו לפני יהוה׃⁵¹ ויקח משׁה ואלעזר הכהן את הזהב מאתם כל כלי מעשׂה׃

Numbers 31:53-54

⁵³ אנשׁי הצבא בזזו אישׁ׃⁵⁴ ויקח משׁה ואלעזר הכהן את הזהב מאת שׂרי האלפים והמאות ויבאו אתו אל אהל מועד זכרון לבני ישׂראל לפני יהוה׃

Numbers 31:52-54

⁵² ויהי כל זהב התרומה אשׁר הרימו ליהוה שׁשׁה עשׂר אלף שׁבע מאות וחמשׁים שׁקל מאת שׂרי האלפים ומאת שׂרי המאות׃

Deuteronomy 22:25

²⁵ ואם בשׂדה ימצא האישׁ את הנער המארשׂה והחזיק בה האישׁ ושׁכב עמה ומת האישׁ אשׁר שׁכב עמה לבדו׃

2 Samuel 13:12-14

¹² ותאמר לו אל אחי אל תענני כי לא יעשׂה כן בישׂראל אל תעשׂה את הנבלה הזאת׃¹³ ואני אנה אוליך את חרפתי ואתה תהיה כאחד הנבלים בישׂראל ועתה דבר נא אל המלך כי לא ימנעני ממך׃¹⁴ ולא אבה לשׁמע בקולה ויחזק ממנה ויענה וישׁכב אתה׃

Psalms 9:9

⁹ (9:10) ויהי יהוה משׂגב לדך משׂגב לעתות בצרה׃

Psalms 82:3

³ שׁפטו דל ויתום עני ורשׁ הצדיקו׃

Deuteronomy 22:25-27

²⁵ ואם בשׂדה ימצא האישׁ את הנער המארשׂה והחזיק בה האישׁ ושׁכב עמה ומת האישׁ אשׁר שׁכב עמה לבדו׃²⁶ ולנער לא תעשׂה דבר אין לנער חטא מות כי כאשׁר יקום אישׁ על רעהו ורצחו נפשׁ כן הדבר הזה׃²⁷ כי בשׂדה מצאה צעקה הנער המארשׂה ואין מושׁיע׃

Deuteronomy 21:10-14

¹⁰ כי תצא למלחמה על איביך ונתנו יהוה אלהיך בידך ושׁבית שׁביו׃¹¹ וראית בשׁביה אשׁת יפת תאר וחשׁקת בה ולקחת לך לאשׁה׃¹² והבאתה אל תוך ביתך וגלחה את ראשׁה ועשׂתה את צפרניה׃¹³ והסירה את שׂמלת שׁביה מעליה וישׁבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשׁה׃¹⁴ והיה אם לא חפצת בה ושׁלחתה לנפשׁה ומכר לא תמכרנה בכסף לא תתעמר בה תחת אשׁר עניתה׃

Deuteronomy 22:28

²⁸ כי ימצא אישׁ נער בתולה אשׁר לא ארשׂה ותפשׂה ושׁכב עמה ונמצאו׃

2 Samuel 13:1-39

¹ ויהי אחרי כן ולאבשׁלום בן דוד אחות יפה ושׁמה תמר ויאהבה אמנון בן דוד׃² ויצר לאמנון להתחלות בעבור תמר אחתו כי בתולה היא ויפלא בעיני אמנון לעשׂות לה מאומה׃³ ולאמנון רע ושׁמו יונדב בן שׁמעה אחי דוד ויונדב אישׁ חכם מאד׃⁴ ויאמר לו מדוע אתה ככה דל בן המלך בבקר בבקר הלוא תגיד לי ויאמר לו אמנון את תמר אחות אבשׁלם אחי אני אהב׃

2 Samuel 13:6-39

⁶ וישׁכב אמנון ויתחל ויבא המלך לראתו ויאמר אמנון אל המלך תבוא נא תמר אחתי ותלבב לעיני שׁתי לבבות ואברה מידה׃

2 Samuel 13:5-39

⁵ ויאמר לו יהונדב שׁכב על משׁכבך והתחל ובא אביך לראותך ואמרת אליו תבא נא תמר אחותי ותברני לחם ועשׂתה לעיני את הבריה למען אשׁר אראה ואכלתי מידה׃

2 Samuel 13:7-39

⁷ וישׁלח דוד אל תמר הביתה לאמר לכי נא בית אמנון אחיך ועשׂי לו הבריה׃⁸ ותלך תמר בית אמנון אחיה והוא שׁכב ותקח את הבצק ותלושׁ ותלבב לעיניו ותבשׁל את הלבבות׃⁹ ותקח את המשׂרת ותצק לפניו וימאן לאכול ויאמר אמנון הוציאו כל אישׁ מעלי ויצאו כל אישׁ מעליו׃¹⁰ ויאמר אמנון אל תמר הביאי הבריה החדר ואברה מידך ותקח תמר את הלבבות אשׁר עשׂתה ותבא לאמנון אחיה החדרה׃¹¹ ותגשׁ אליו לאכל ויחזק בה ויאמר לה בואי שׁכבי עמי אחותי׃¹² ותאמר לו אל אחי אל תענני כי לא יעשׂה כן בישׂראל אל תעשׂה את הנבלה הזאת׃¹³ ואני אנה אוליך את חרפתי ואתה תהיה כאחד הנבלים בישׂראל ועתה דבר נא אל המלך כי לא ימנעני ממך׃¹⁴ ולא אבה לשׁמע בקולה ויחזק ממנה ויענה וישׁכב אתה׃¹⁵ וישׂנאה אמנון שׂנאה גדולה מאד כי גדולה השׂנאה אשׁר שׂנאה מאהבה אשׁר אהבה ויאמר לה אמנון קומי לכי׃¹⁶ ותאמר לו אל אודת הרעה הגדולה הזאת מאחרת אשׁר עשׂית עמי לשׁלחני ולא אבה לשׁמע׃¹⁷ ויקרא את נערו משׁרתו ויאמר שׁלחו נא את זאת מעלי החוצה ונעל הדלת אחריה׃¹⁸ ועליה כתנת פסים כי כן תלבשׁן בנות המלך הבתולת מעילים ויצא אותה משׁרתו החוץ ונעל הדלת אחריה׃¹⁹ ותקח תמר אפר על ראשׁה וכתנת הפסים אשׁר עליה קרעה ותשׂם ידה על ראשׁה ותלך הלוך וזעקה׃²⁰ ויאמר אליה אבשׁלום אחיה האמינון אחיך היה עמך ועתה אחותי החרישׁי אחיך הוא אל תשׁיתי את לבך לדבר הזה ותשׁב תמר ושׁממה בית אבשׁלום אחיה׃²¹ והמלך דוד שׁמע את כל הדברים האלה ויחר לו מאד׃²² ולא דבר אבשׁלום עם אמנון למרע ועד טוב כי שׂנא אבשׁלום את אמנון על דבר אשׁר ענה את תמר אחתו׃²³ ויהי לשׁנתים ימים ויהיו גזזים לאבשׁלום בבעל חצור אשׁר עם אפרים ויקרא אבשׁלום לכל בני המלך׃²⁴ ויבא אבשׁלום אל המלך ויאמר הנה נא גזזים לעבדך ילך נא המלך ועבדיו עם עבדך׃²⁵ ויאמר המלך אל אבשׁלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהו׃²⁶ ויאמר אבשׁלום ולא ילך נא אתנו אמנון אחי ויאמר לו המלך למה ילך עמך׃²⁷ ויפרץ בו אבשׁלום וישׁלח אתו את אמנון ואת כל בני המלך׃

2 Samuel 13:29-39

²⁹ ויעשׂו נערי אבשׁלום לאמנון כאשׁר צוה אבשׁלום ויקמו כל בני המלך וירכבו אישׁ על פרדו וינסו׃³⁰ ויהי המה בדרך והשׁמעה באה אל דוד לאמר הכה אבשׁלום את כל בני המלך ולא נותר מהם אחד׃

2 Samuel 13:28-39

²⁸ ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

2 Samuel 13:31-39

³¹ ויקם המלך ויקרע את בגדיו וישׁכב ארצה וכל עבדיו נצבים קרעי בגדים׃³² ויען יונדב בן שׁמעה אחי דוד ויאמר אל יאמר אדני את כל הנערים בני המלך המיתו כי אמנון לבדו מת כי על פי אבשׁלום היתה שׂומה מיום ענתו את תמר אחתו׃³³ ועתה אל ישׂם אדני המלך אל לבו דבר לאמר כל בני המלך מתו כי אם אמנון לבדו מת׃³⁴ ויברח אבשׁלום וישׂא הנער הצפה את עינו וירא והנה עם רב הלכים מדרך אחריו מצד ההר׃³⁵ ויאמר יונדב אל המלך הנה בני המלך באו כדבר עבדך כן היה׃³⁶ ויהי ככלתו לדבר והנה בני המלך באו וישׂאו קולם ויבכו וגם המלך וכל עבדיו בכו בכי גדול מאד׃³⁷ ואבשׁלום ברח וילך אל תלמי בן עמיחור מלך גשׁור ויתאבל על בנו כל הימים׃³⁸ ואבשׁלום ברח וילך גשׁור ויהי שׁם שׁלשׁ שׁנים׃³⁹ ותכל דוד המלך לצאת אל אבשׁלום כי נחם על אמנון כי מת׃