23 שׁירו ליהוה כל הארץ בשׂרו מיום אל יום ישׁועתו׃
Bible verses about "missions" | HOT
1 Chronicles 16:23
Psalms 96:1-13
1 שׁירו ליהוה שׁיר חדשׁ שׁירו ליהוה כל הארץ׃2 שׁירו ליהוה ברכו שׁמו בשׂרו מיום ליום ישׁועתו׃3 ספרו בגוים כבודו בכל העמים נפלאותיו׃4 כי גדול יהוה ומהלל מאד נורא הוא על כל אלהים׃5 כי כל אלהי העמים אלילים ויהוה שׁמים עשׂה׃6 הוד והדר לפניו עז ותפארת במקדשׁו׃7 הבו ליהוה משׁפחות עמים הבו ליהוה כבוד ועז׃8 הבו ליהוה כבוד שׁמו שׂאו מנחה ובאו לחצרותיו׃9 השׁתחוו ליהוה בהדרת קדשׁ חילו מפניו כל הארץ׃10 אמרו בגוים יהוה מלך אף תכון תבל בל תמוט ידין עמים במישׁרים׃11 ישׂמחו השׁמים ותגל הארץ ירעם הים ומלאו׃12 יעלז שׂדי וכל אשׁר בו אז ירננו כל עצי יער׃13 לפני יהוה כי בא כי בא לשׁפט הארץ ישׁפט תבל בצדק ועמים באמונתו׃
Isaiah 6:8
8 ואשׁמע את קול אדני אמר את מי אשׁלח ומי ילך לנו ואמר הנני שׁלחני׃
Isaiah 41:13
13 כי אני יהוה אלהיך מחזיק ימינך האמר לך אל תירא אני עזרתיך׃
Isaiah 52:7
7 מה נאוו על ההרים רגלי מבשׂר משׁמיע שׁלום מבשׂר טוב משׁמיע ישׁועה אמר לציון מלך אלהיך׃
Jonah 3:1-9
1 ויהי דבר יהוה אל יונה שׁנית לאמר׃2 קום לך אל נינוה העיר הגדולה וקרא אליה את הקריאה אשׁר אנכי דבר אליך׃3 ויקם יונה וילך אל נינוה כדבר יהוה ונינוה היתה עיר גדולה לאלהים מהלך שׁלשׁת ימים׃4 ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃5 ויאמינו אנשׁי נינוה באלהים ויקראו צום וילבשׁו שׂקים מגדולם ועד קטנם׃6 ויגע הדבר אל מלך נינוה ויקם מכסאו ויעבר אדרתו מעליו ויכס שׂק וישׁב על האפר׃7 ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישׁתו׃8 ויתכסו שׂקים האדם והבהמה ויקראו אל אלהים בחזקה וישׁבו אישׁ מדרכו הרעה ומן החמס אשׁר בכפיהם׃9 מי יודע ישׁוב ונחם האלהים ושׁב מחרון אפו ולא נאבד׃
1 Chronicles 16:24
24 ספרו בגוים את כבודו בכל העמים נפלאתיו׃
Psalms 96:3
3 ספרו בגוים כבודו בכל העמים נפלאותיו׃