Bible verses about "despair" | HOT

Joshua 1:9

9 הלוא צויתיך חזק ואמץ אל תערץ ואל תחת כי עמך יהוה אלהיך בכל אשׁר תלך׃

Psalms 23:1-6

1 מזמור לדוד יהוה רעי לא אחסר׃2 בנאות דשׁא ירביצני על מי מנחות ינהלני׃3 נפשׁי ישׁובב ינחני במעגלי צדק למען שׁמו׃4 גם כי אלך בגיא צלמות לא אירא רע כי אתה עמדי שׁבטך ומשׁענתך המה ינחמני׃5 תערך לפני שׁלחן נגד צררי דשׁנת בשׁמן ראשׁי כוסי רויה׃6 אך טוב וחסד ירדפוני כל ימי חיי ושׁבתי בבית יהוה לארך ימים׃

Psalms 55:22

22 (55:23) השׁלך על יהוה יהבך והוא יכלכלך לא יתן לעולם מוט לצדיק׃

Psalms 147:3

3 הרפא לשׁבורי לב ומחבשׁ לעצבותם׃

Proverbs 30:5

5 כל אמרת אלוה צרופה מגן הוא לחסים׃

Jeremiah 29:11

11 כי אנכי ידעתי את המחשׁבת אשׁר אנכי חשׁב עליכם נאם יהוה מחשׁבות שׁלום ולא לרעה לתת לכם אחרית ותקוה׃

Psalms 91:1-16

1 ישׁב בסתר עליון בצל שׁדי יתלונן׃2 אמר ליהוה מחסי ומצודתי אלהי אבטח׃3 כי הוא יצילך מפח יקושׁ מדבר הוות׃4 באברתו יסך לך ותחת כנפיו תחסה צנה וסחרה אמתו׃5 לא תירא מפחד לילה מחץ יעוף יומם׃6 מדבר באפל יהלך מקטב ישׁוד צהרים׃7 יפל מצדך אלף ורבבה מימינך אליך לא יגשׁ׃8 רק בעיניך תביט ושׁלמת רשׁעים תראה׃9 כי אתה יהוה מחסי עליון שׂמת מעונך׃10 לא תאנה אליך רעה ונגע לא יקרב באהלך׃11 כי מלאכיו יצוה לך לשׁמרך בכל דרכיך׃12 על כפים ישׂאונך פן תגף באבן רגלך׃13 על שׁחל ופתן תדרך תרמס כפיר ותנין׃14 כי בי חשׁק ואפלטהו אשׂגבהו כי ידע שׁמי׃15 יקראני ואענהו עמו אנכי בצרה אחלצהו ואכבדהו׃16 ארך ימים אשׂביעהו ואראהו בישׁועתי׃

Psalms 34:17-20

17 (34:18) צעקו ויהוה שׁמע ומכל צרותם הצילם׃18 (34:19) קרוב יהוה לנשׁברי לב ואת דכאי רוח יושׁיע׃19 (34:20) רבות רעות צדיק ומכלם יצילנו יהוה׃20 (34:21) שׁמר כל עצמותיו אחת מהנה לא נשׁברה׃

Topical data is from OpenBible.info, retrieved November 11, 2013, and licensed under a Creative Commons Attribution License.