Bible verses about "oaths" | Clementine_Vulgate

⁴ Multiplicatæ sunt infirmitates eorum: postea acceleraverunt. Non congregabo conventicula eorum de sanguinibus, nec memor ero nominum eorum per labia mea.

¹⁶ Homines enim per majorem sui jurant: et omnis controversiæ eorum finis, ad confirmationem, est juramentum.

¹⁸ Quibus autem juravit non introire in requiem ipsius, nisi illis qui increduli fuerunt?

²⁸ Lex enim homines constituit sacerdotes infirmitatem habentes: sermo autem jurisjurandi, qui post legem est, Filium in æternum perfectum.

²¹ { hic autem cum jurejurando per eum, qui dixit ad illum: Juravit Dominus, et non pœnitebit eum: tu es sacerdos in æternum):}

¹⁷ In quo abundantius volens Deus ostendere pollicitationis hæredibus, immobilitatem consilii sui, interposuit jusjurandum:

¹³ Abrahæ namque promittens Deus, quoniam neminem habuit, per quem juraret, majorem, juravit per semetipsum,

²¹ Cum votum voveris Domino Deo tuo, non tardabis reddere: quia requiret illud Dominus Deus tuus, et si moratus fueris, reputabitur tibi in peccatum. ²² Si nolueris polliceri, absque peccato eris. ²³ Quod autem semel egressum est de labiis tuis, observabis, et facies sicut promisisti Domino Deo tuo, et propria voluntate et ore tuo locutus es.

² Et locutus est ad principes tribuum filiorum Israël: Iste est sermo quem præcepit Dominus:

¹² Ante omnia autem, fratres mei, nolite jurare, neque per cælum, neque per terram, neque aliud quodcumque juramentum. Sit autem sermo vester: Est, est: Non, non: ut non sub judicio decidatis.

³³ { Iterum audistis quia dictum est antiquis: Non perjurabis: reddes autem Domino juramenta tua.} ³⁴ { Ego autem dico vobis, non jurare omnino, neque per cælum, quia thronus Dei est:} ³⁵ { neque per terram, quia scabellum est pedum ejus: neque per Jerosolymam, quia civitas est magni regis:} ³⁶ { neque per caput tuum juraveris, quia non potes unum capillum album facere, aut nigrum.} ³⁷ { Sit autem sermo vester, est, est: non, non: quod autem his abundantius est, a malo est.}