Bible verses about "empathy" | Clementine_Vulgate

³⁶ Rogabat autem illum quidam de pharisæis ut manducaret cum illo. Et ingressus domum pharisæi discubuit. ³⁷ Et ecce mulier, quæ erat in civitate peccatrix, ut cognovit quod accubuisset in domo pharisæi, attulit alabastrum unguenti: ³⁸ et stans retro secus pedes ejus, lacrimis cœpit rigare pedes ejus, et capillis capitis sui tergebat, et osculabatur pedes ejus, et unguento ungebat. ³⁹ Videns autem pharisæus, qui vocaverat eum, ait intra se dicens: Hic si esset propheta, sciret utique quæ et qualis est mulier, quæ tangit eum: quia peccatrix est. ⁴⁰ { Et respondens Jesus, dixit ad illum: Simon, habeo tibi aliquid dicere. At ille ait: Magister, dic.} ⁴¹ { Duo debitores erant cuidam fœneratori: unus debebat denarios quingentos, et alius quinquaginta.} ⁴² { Non habentibus illis unde redderent, donavit utrisque. Quis ergo eum plus diligit?} ⁴³ { Respondens Simon dixit: Æstimo quia is cui plus donavit. At ille dixit: Recte judicasti.} ⁴⁴ { Et conversus ad mulierem, dixit Simoni: Vides hanc mulierem? Intravi in domum tuam, aquam pedibus meis non dedisti: hæc autem lacrimis rigavit pedes meos, et capillis suis tersit.} ⁴⁵ { Osculum mihi non dedisti: hæc autem ex quo intravit, non cessavit osculari pedes meos.} ⁴⁶ { Oleo caput meum non unxisti: hæc autem unguento unxit pedes meos.} ⁴⁷ { Propter quod dico tibi: remittuntur ei peccata multa, quoniam dilexit multum. Cui autem minus dimittitur, minus diligit.} ⁴⁸ { Dixit autem ad illam: Remittuntur tibi peccata.} ⁴⁹ Et cœperunt qui simul accumbebant, dicere intra se: Quis est hic qui etiam peccata dimittit? ⁵⁰ { Dixit autem ad mulierem: Fides tua te salvam fecit: vade in pace.}

³³ Jesus ergo, ut vidit eam plorantem, et Judæos, qui venerant cum ea, plorantes, infremuit spiritu, et turbavit seipsum, ³⁴ { et dixit: Ubi posuistis eum? Dicunt ei: Domine, veni, et vide.} ³⁵ Et lacrimatus est Jesus.

³⁴ { Mandatum novum do vobis: ut diligatis invicem: sicut dilexi vos, ut et vos diligatis invicem.} ³⁵ { In hoc cognoscent omnes quia discipuli mei estis, si dilectionem habueritis ad invicem.}

² Alter alterius onera portate, et sic adimplebitis legem Christi.

³ Benedictus Deus et Pater Domini nostri Jesu Christi, Pater misericordiarum, et Deus totius consolationis, ⁴ qui consolatur nos in omni tribulatione nostra: ut possimus et ipsi consolari eos qui in omni pressura sunt, per exhortationem, qua exhortamur et ipsi a Deo.

¹⁴ Habentes ergo pontificem magnum qui penetravit cælos, Jesum Filium Dei, teneamus confessionem. ¹⁵ Non enim habemus pontificem qui non possit compati infirmitatibus nostris: tentatum autem per omnia pro similitudine absque peccato. ¹⁶ Adeamus ergo cum fiducia ad thronum gratiæ: ut misericordiam consequamur, et gratiam inveniamus in auxilio opportuno.

³ Mementote vinctorum, tamquam simul vincti: et laborantium, tamquam et ipsi in corpore morantes.

²⁹ Omnis sermo malus ex ore vestro non procedat: sed si quis bonus ad ædificationem fidei ut det gratiam audientibus.

²⁶ Et si quid patitur unum membrum, compatiuntur omnia membra: sive gloriatur unum membrum, congaudent omnia membra.

³ nihil per contentionem, neque per inanem gloriam: sed in humilitate superiores sibi invicem arbitrantes,

¹² Induite vos ergo, sicut electi Dei, sancti, et dilecti, viscera misericordiæ, benignitatem, humilitatem, modestiam, patientiam:

¹² { Hoc est præceptum meum, ut diligatis invicem, sicut dilexi vos.}

⁸ In fine autem omnes unanimes, compatientes fraternitatis amatores, misericordes, modesti, humiles:

¹² { Omnia ergo quæcumque vultis ut faciant vobis homines, et vos facite illis. Hæc est enim lex, et prophetæ.}

³² Estote autem invicem benigni, misericordes, donantes invicem sicut et Deus in Christo donavit vobis.

¹⁵ Gaudere cum gaudentibus, flere cum flentibus: