Romans 14:12 Cross References - Wycliffe

¹² Therfor ech of vs schal yelde resoun to God for hym silf.

⁹ Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom.

³⁶ And Y seie to you, that of euery idel word, that men speken, thei schulen yelde resoun therof in the dai of doom;

²⁷ For mannes sone schal come in glorie of his fader, with his aungels, and thanne he schal yelde to ech man after his werkis.

²³ Therfor the kyngdom of heuenes is licned to a kyng, that wolde rekyn with hise seruauntis. ²⁴ And whanne he bigan to rekene, oon that ouyte ten thousynde talentis, was brouyt to hym. ²⁵ And whanne he hadde not wherof to yelde, his lord comaundide hym to be seld, and his wijf, and children, and alle thingis that he hadde, and to be paied. ²⁶ But thilke seruaunt felde doun, and preiede hym, and seide, Haue pacience in me, and Y schal yelde to thee alle thingis. ²⁷ And the lord hadde merci on that seruaunt, and suffride hym to go, and foryaf to hym the dette. ²⁸ But thilke seruaunt yede out, and foonde oon of his euen seruauntis, that ouyte hym an hundrid pens; and he helde hym, and stranglide hym, and seide, Yelde that that thou owest. ²⁹ And his euen seruaunt felle doun, and preyede hym, and seide, Haue pacience in me, and Y schal quyte alle thingis to thee. ³⁰ But he wolde not; but wente out, and putte hym in to prisoun, til he paiede al the dette. ³¹ And hise euen seruauntis, seynge the thingis that weren don, soreweden greetli. And thei camen, and telden to her lord alle the thingis that weren don. ³² Thanne his lord clepide hym, and seide to hym, Wickid seruaunt, Y foryaf to thee al the dette, for thou preiedist me. ³³ Therfor whether it bihouede not also thee to haue merci on thin euen seruaunt, as Y hadde merci on thee? ³⁴ And his lord was wroth, and took hym to turmentouris, til he paiede al the dette. ³⁵ So my fadir of heuene schal do to you, if ye foryyuen not euery man to his brother, of youre hertes.

² And he clepide hym, and seide to hym, What here Y this thing of thee? yelde reckynyng of thi baili, for thou miyte not now be baili.

⁵ For ech man schal bere his owne charge.

⁵ And thei schulen yyue resoun to hym, that is redi to deme the quyke and the deed.