Psalms 67:6 Cross References - Wycliffe

⁶ which is the fadir of fadirles and modirles children; and the iuge of widewis.

⁷ and Y schal make my couenaunt bitwixe me and thee, and bitwixe thi seed after thee, in her generaciouns, bi euerlastynge bond of pees, that Y be thi God, and of thi seed after thee;

¹⁵ And eft God seide to Moises, Thou schalt seie these thingis to the sones of Israel, The Lord God of youre fadris, God of Abraham, and God of Isaac, and God of Jacob, sente me to you; this name is to me with outen ende, and this is my memorial in generacioun and in to generacioun.

⁴ and the erthe schal brynge forth his fruyt, and trees schulen be fillid with applis;

¹⁴ This weie of hem is sclaundir to hem; and aftirward thei schulen plese togidere in her mouth.

⁹ Lord, alle folkis, whiche euere thou madist, schulen come, and worschipe bifore thee; and thei schulen glorifie thi name. ¹⁰ For thou art ful greet, and makinge merueils; thou art God aloone. ¹¹ Lord, lede thou me forth in thi weie, and Y schal entre in thi treuthe; myn herte be glad, that it drede thi name. ¹² Mi Lord God, Y schal knouleche to thee in al myn herte; and Y schal glorifie thi name withouten ende.

¹⁹ If ye wolen, and heren me, ye schulen ete the goodis of erthe.

²³ And reyn schal be youun to thi seed, where euere thou schalt sowe in erthe, and the breed of fruytis of erthe schal be moost plenteuouse and fat; in that dai a lomb schal be fed largeli in thi possessioun. ²⁴ And thi bolis and coltis of assis, that worchen the lond, schulen ete barli with chaf meynd togidere, as it is wyndewid in the cornfloor.

³³ But this schal be the couenaunte, which Y schal smyte with the hous of Israel aftir tho daies, seith the Lord; Y schal yyue my lawe in the entrails of hem, and Y schal write it in the herte of hem, and Y schal be in to God to hem, and thei schulen be in to a puple to me.

²⁶ And Y schal sette hem blessyng in the cumpas of my litle hil, and Y schal lede doun reyn in his tyme. And reynes of blessyng schulen be, ²⁷ and the tre of the feeld schal yyue his fruyt, and the erthe schal yyue his seed. And thei schulen be in her lond with out drede; and thei schulen wite, that Y am the Lord, whanne Y schal al to-breke the chaynes of her yok, and schal delyuere hem fro the hond of hem that comaunden to hem.

²¹ And it schal be, in that dai Y schal here, seith the Lord, and Y schal here heuenes, and tho schulen here the erthe; ²² and the erthe schal here wheete, and wyn, and oile, and these schulen here Jesrael.

⁶ Y plauntide, Apollo moystide, but God yaf encreessyng. ⁷ Therfor nether he that plauntith is ony thing, nethir he that moistith, but God that yiueth encreessyng. ⁸ And he that plauntith, and he that moistith, ben oon; and ech schal take his owne mede, aftir his trauel. ⁹ For we ben the helperis of God; ye ben the erthetiliyng of God, ye ben the bildyng of God.