Luke 11:35 Cross References - Wycliffe

³⁵ Therfor se thou, lest the liyt that is in thee, be derknessis.

²⁵ A weye is that semeth riytful to a man; and the laste thingis therof leden to deth.

¹² Thou hast seyn a man seme wijs to hym silf; an vnkunnyng man schal haue hope more than he.

²⁰ Wo to you that seien yuel good, and good yuel; and putten derknessis liyt, and liyt derknessis; and putten bittir thing in to swete, and swete thing in to bittir. ²¹ Wo to you that ben wise men in youre iyen, and ben prudent bifor you silf.

⁸ Hou seien ye, We ben wise men, and the lawe of the Lord is with vs? Verili the fals writyng of scribis wrouyte leesyng. ⁹ Wise men ben schent, ben maad aferd and takun. For thei castiden awei the word of the Lord, and no wisdom is in hem.

⁴⁸ whether ony of the pryncis or of the Farisees bileueden in hym? ⁴⁹ But this puple, that knowith not the lawe, ben cursid.

³⁹ Therfore Jhesus seide to hym, Y cam in to this world, `in to doom, that thei that seen not, see, and thei that seen, be maad blynde. ⁴⁰ And summe of the Faryseis herden, that weren with hym, and thei seiden to hym, Whether we ben blynde? ⁴¹ Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.

²² For thei `seiynge that hem silf weren wise, thei weren maad foolis.

¹⁹ and tristist thi silf to be a ledere of blynde men, the liyt of hem that ben in derknessis, ²⁰ a techere of vnwise men, a maistir of yonge children, that hast the foorme of kunnyng and of treuthe in the lawe; ²¹ what thanne techist thou another, and techist not thi silf? Thou that prechist that me schal not stele, stelist? ²² Thou that techist that me schal `do no letcherie, doist letcherie? Thou that wlatist maumetis, doist sacrilegie? ²³ Thou that hast glorie in the lawe, vnworschipist God bi brekyng of the lawe?

¹⁹ For it is writun, Y schal distruye the wisdom of wise men, and Y schal reproue the prudence of prudent men. ²⁰ Where is the wise man? where is the wise lawiere? where is the purchasour of this world? Whether God hath not maad the wisdom of this world fonned? ²¹ For the world in wisdom of God knewe not God bi wisdom, it pleside to God, bi foli of prechyng, `to maken hem saaf that bileueden.

¹⁸ No man disseyue hym silf. If ony man among you is seyn to be wiys in this world, be he maad a fool, that he be wijs. ¹⁹ For the wisdom of this world is foli anentis God; for it is writun, Y schal catche wise men in her fel wisdom; ²⁰ and eft, The Lord knowith the thouytis of wise men, for tho ben veyn.

¹³ Who is wijs, and tauyt among you? schewe he of good lyuyng his worching, in myldenesse of his wisdom. ¹⁴ That if ye han bitter enuye, and stryuyngis ben in youre hertis, nyle ye haue glorye, and be lyeris ayens the treuthe. ¹⁵ For this wisdom is not fro aboue comynge doun, but ertheli, and beestli, and feendli. ¹⁶ For where is enuye and strijf, there is vnstidfastnesse and al schrewid werk. ¹⁷ But wisdom that is from aboue, first it is chast, aftirward pesible, mylde, able to be counseilid, consentinge to goode thingis, ful of merci and of goode fruytis, demynge with out feynyng.

⁹ But to whom these ben not redi, he is blynd, and gropith with his hoond, and foryetith the purgyng of his elde trespassis.

¹⁸ And thei speken in pryde of vanyte, and disseyuen in desiris of fleisch of letcherie hem, that scapen a litil.

¹⁷ For thou seist, That Y am riche, and ful of goodis, and Y haue nede of no thing; and thou wost not, that thou art a wretche, and wretcheful, `and pore, and blynde, and nakid.