Jeremiah 51:15 Cross References - Wycliffe

¹⁵ The Lord swoor, which made erthe bi his strengthe, made redy the world bi his wisdom, and stretchide forth heuenes bi his prudence.

¹ In the bigynnyng God made of nouyt heuene and erthe. ² Forsothe the erthe was idel and voide, and derknessis weren on the face of depthe; and the Spiryt of the Lord was borun on the watris. ³ And God seide, Liyt be maad, and liyt was maad. ⁴ And God seiy the liyt, that it was good, and he departide the liyt fro derknessis; and he clepide the liyt, ⁵ dai, and the derknessis, nyyt. And the euentid and morwetid was maad, o daie. ⁶ And God seide, The firmament be maad in the myddis of watris, and departe watris fro watris.

⁸ Which aloone stretchith forth heuenes, and goith on the wawis of the see.

² Synge ye to hym, and seie ye salm to him, and telle ye alle hise merueylis;

²⁴ And God encreesside his puple greetli; and made hym stidefast on hise enemyes.

⁵ If Y foryete thee, Jerusalem; my riyt hond be youun to foryeting.

⁵ Oure Lord is greet, and his vertu is greet; and of his wisdom is no noumbre. ⁶ The Lord takith vp mylde men; forsothe he makith low synneris `til to the erthe.

¹ The `title of the hundrid and eiyte and fourtithe salm. Alleluya. Ye of heuenes, herie the Lord; herie ye hym in hiye thingis. ² Alle hise aungels, herie ye hym; alle hise vertues, herye ye hym. ³ Sunne and moone, herie ye hym; alle sterris and liyt, herie ye hym. ⁴ Heuenes of heuenes, herie ye hym; and the watris that ben aboue heuenes, ⁵ herie ye the name of the Lord.

¹⁹ The Lord foundide the erthe bi wisdom; he stablischide heuenes bi prudence.

²² Which sittith on the cumpas of erthe, and the dwelleris therof ben as locustis; which stretchith forth heuenes as nouyt, and spredith abrood tho as a tabernacle to dwelle.

²⁶ Reise youre iyen an hiy, and se ye, who made these thingis of nouyt; which ledith out in noumbre the kniythod of tho, and clepith alle bi name, for the multitude of his strengthe, and stalworthnesse, and vertu; nether o residue thing was.

⁵ The Lord God seith these thingis, makynge heuenes of noyt, and stretchynge forth tho, makynge stidfast the erthe, and tho thingis that buriownen of it, yyuynge breeth to the puple, that is on it, and yyuynge spirit to hem that treden on it.

²⁴ The Lord, thin ayenbiere, and thi fourmere fro the wombe, seith these thingis, Y am the Lord, makynge alle thingis, and Y aloone stretche forth heuenes, and stablische the erthe, and noon is with me;

¹² Y made erthe, and Y made a man on it; myn hondis helden abrood heuenes, and Y comaundide to al the knyythod of tho.

¹³ And myn hond foundide the erthe, and my riyt hond mat heuenes; Y schal clepe tho, and tho schulen stonde togidere.

¹³ And thou hast foryete `the Lord, thi creatour, that stretchide abrood heuenes, and foundide the erthe; and thou dreddist contynueli al dai of the face of his woodnesse, that dide tribulacioun to thee, and made redi for to leese. Where is now the woodnesse of the troblere?

¹² He is God, that makith the erthe in his strengthe, makith redi the world in his wisdom, and stretchith forth heuenes bi his prudence. ¹³ At his vois he yyueth the multitude of watris in heuene, and he reisith mystis fro the endis of erthe; he makith leitis into reyn, and ledith out wynd of his tresouris. ¹⁴ Ech man is maad a fool of kunnyng, ech crafti man is schent in a grauun ymage; for whi that that he wellide togidere is fals, and no spirit is in tho. ¹⁵ Tho ben veyn, and a werk worthi of scorn; tho schulen perische in the tyme of her visitacioun. ¹⁶ The part of Jacob is not lijk these, for he that formede alle thingis is God of Jacob, and Israel is the yerde of his eritage; the Lord of oostis is name to hym.

¹⁷ alas! alas! Lord God, Lord, thou madist heuene and erthe in thi greet strengthe, and in thin arm stretchid forth; ech word schal not be hard to thee;

¹⁵ The Lord swoor, which made erthe bi his strengthe, made redy the world bi his wisdom, and stretchide forth heuenes bi his prudence. ¹⁶ Whanne he yyueth vois, watris ben multiplied in heuene; which Lord reisith cloudis fro the laste of erthe, made leitis in to reyn, and brouyt forth wynd of hise tresouris. ¹⁷ Ech man is maad a fool of kunnyng, ech wellere togidere is schent in a grauun ymage; for his wellyng togidere is fals, and a spirit is not in tho. ¹⁸ The werkis ben veyn, and worthi of scorn; tho schulen perische in the tyme of her visityng. ¹⁹ The part of Jacob is not as these thingis; for he that made alle thingis is the part of Jacob, and Israel is the septre of his eritage; the Lord of oostis is his name.

¹⁵ which in generaciouns passid suffride alle folkis to gon in to her owne weies.

²⁴ God that made the world and alle thingis that ben in it, this, for he is Lord of heuene and of erthe, dwellith not in templis maad with hoond,

²⁰ For the vnuysible thingis of hym, that ben vndurstondun, ben biholdun of the creature of the world, bi tho thingis that ben maad, yhe, and the euerlastynge vertu of hym and the godhed, so that thei mowe not be excusid.

³³ O! the heiynesse of the ritchessis of the wisdom and of the kunnyng of God; hou incomprehensible ben hise domes, and hise weies ben vnserchable.

¹⁶ For in hym alle thingis ben maad, in heuenes and in erthe, visible and vnuysible, ether trones, ether dominaciouns, ether princehodes, ethir poweris, alle thingis ben maad of nouyt bi hym, and in hym, ¹⁷ and he is bifor alle, and alle thingis ben in hym.

² laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis. ³ Which whanne also he is the briytnesse of glorie, and figure of his substaunce, and berith alle thingis bi word of his vertu, he makith purgacioun of synnes, and syttith on the riythalf of the maieste in heuenes;

¹¹ and seiden, Thou, Lord `oure God, art worthi to take glorie, and onour, and vertu; for thou madist of nouyt alle thingis, and for thi wille tho weren, and ben maad of nouyt.