Isaiah 4:1 Cross References - Wycliffe

1 And seuene wymmen schulen catche o man in that dai, and schulen seie, We schulen ete oure breed, and we schulen be hilid with oure clothis; oneli thi name be clepid on vs, do thou awei oure schenschip.

Genesis 30:23

23 And sche conseyuede, and childide a sone, and seide, God hath take a wey my schenschipe; and sche clepid his name Joseph,

1 Samuel 1:6

6 And hir enemy turmentide `hir, and angwischide greetly, in so myche that sche vpbreidide, that the Lord hadde closid hir wombe.

Isaiah 2:11

11 The iyen of an hiy man ben maad low, and the hiynesse of men schal be bowid doun; forsothe the Lord aloone schal be enhaunsid in that dai.

Isaiah 2:17

17 And al the hiynesse of men schal be bowid doun, and the hiynesse of men schal be maad low; and the Lord aloone schal be reisid in that dai,

Isaiah 3:25-26

25 Also thi faireste men schulen falle bi swerd, and thi stronge men schulen falle in batel. 26 And the yatis therof schulen weile, and morene; and it schal sitte desolat in erthe.

Isaiah 10:20

20 And it schal be in that dai, the remenaunt of Israel, and thei that fledden of the house of Jacob, schal not adde for to triste on hym that smytith hem; but it schal triste on the hooli Lord of Israel, in treuthe.

Isaiah 13:12

12 A man of ful age schal be preciousere than gold, and a man schal be preciousere than pure gold and schynyng.

Isaiah 17:7

7 In that dai a man schal be bowid to his maker, and hise iyen schulen biholde to the hooli of Israel.

Luke 1:25

25 For so the Lord dide to me in the daies, in whiche he bihelde, to take awei my repreef among men.

Luke 21:22

22 For these ben daies of veniaunce, that alle thingis that ben writun, be fulfillid.

2 Thessalonians 3:12

12 But we denouncen to hem that ben suche men, and bisechen in the Lord Jhesu Crist, that thei worchen with silence, and ete her owne breed.

Cross Reference data is from OpenBible.info, retrieved June 28, 2010, and licensed under a Creative Commons Attribution License.