Genesis 1:1 Cross References - Wycliffe

1 In the bigynnyng God made of nouyt heuene and erthe.

Exodus 20:11

11 for in sixe dayes God made heuene and erthe, the see, and alle thingis that ben in tho, and restide in the seuenthe dai; herfor the Lord blesside the `dai of the sabat, and halewide it.

Exodus 31:18

18 And whanne siche wordis weren fillid, the Lord yaf to Moises, in the hil of Synay, twei stonun tablis of witnessyng, writun with the fyngur of God.

1 Chronicles 16:26

26 For alle the goddis of puplis ben idols; but the Lord made heuenes.

Nehemiah 9:6

6 And Esdras seide, Thou thi silf, Lord, art aloone; thou madist heuene and the heuene of heuenes, and al the oost of tho heuenes; thou madist the erthe and alle thingis that ben there ynne; `thou madist the sees and alle thingis that ben in tho; and thou quikenyst alle these thingis; and the oost of heuene worschipith thee.

Job 26:13

13 His spiryt ournede heuenes, and the crokid serpent was led out bi his hond, ledynge out as a mydwijf ledith out a child.

Job 38:4

4 Where were thou, whanne Y settide the foundementis of erthe? schewe thou to me, if thou hast vndurstondyng.

Psalms 8:3

3 Of the mouth of yonge children, not spekynge and soukynge mylk, thou madist perfitli heriyng, for thin enemyes; that thou destrie the enemy and avengere.

Psalms 8:3

3 Thou hiyeste, Y schal be glad, and Y schal be fulli ioieful in thee; Y schal synge to thi name.

Psalms 8:3

3 Forwhi the synnere is preisid in the desiris of his soule; and the wickid is blessid.

Psalms 33:6

6 Neiye ye to him, and be ye liytned; and youre faces schulen not be schent.

Psalms 33:9

9 Taaste ye, and se, for the Lord is swete; blessid is the man, that hopith in hym.

Psalms 89:11-12

11 Who knew the power of thin ire; and durste noumbre thin ire for thi drede? 12 Make thi riythond so knowun; and make men lerned in herte bi wisdom.

Psalms 90:2

2 He schal seie to the Lord, Thou art myn vptaker, and my refuit; my God, Y schal hope in him.

Psalms 96:5

5 Hillis as wax fletiden doun fro the face of the Lord; al erthe fro the face of the Lord.

Psalms 104:24

24 And God encreesside his puple greetli; and made hym stidefast on hise enemyes.

Psalms 104:30

30 And the lond of hem yaf paddoks; in the priue places of the kyngis of hem.

Psalms 121:2

2 Oure feet weren stondynge; in thi hallis, thou Jerusalem.

Psalms 134:3

3 Herie ye the Lord, for the Lord is good; singe ye to his name, for it is swete.

Psalms 136:5

5 If Y foryete thee, Jerusalem; my riyt hond be youun to foryeting.

Psalms 146:6

6 The Lord takith vp mylde men; forsothe he makith low synneris `til to the erthe.

Psalms 148:4-5

4 Heuenes of heuenes, herie ye hym; and the watris that ben aboue heuenes, 5 herie ye the name of the Lord.

Proverbs 3:19

19 The Lord foundide the erthe bi wisdom; he stablischide heuenes bi prudence.

Proverbs 8:22-30

22 The Lord weldide me in the bigynnyng of hise weies; bifore that he made ony thing, at the bigynnyng. 23 Fro with out bigynnyng Y was ordeined; and fro elde tymes, bifor that the erthe was maad. 24 Depthis of watris weren not yit; and Y was conseyued thanne. The wellis of watris hadden not brokun out yit, 25 and hillis stoden not togidere yit bi sad heuynesse; bifor litil hillis Y was born. 26 Yit he hadde not maad erthe; and floodis, and the herris of the world. 27 Whanne he made redi heuenes, Y was present; whanne he cumpasside the depthis of watris bi certeyn lawe and cumpas. 28 Whanne he made stidfast the eir aboue; and weiede the wellis of watris. 29 Whanne he cumpasside to the see his marke; and settide lawe to watris, that tho schulden not passe her coostis. Whanne he peiside the foundementis of erthe; 30 Y was making alle thingis with him. And Y delitide bi alle daies, and pleiede bifore hym in al tyme,

Proverbs 16:4

4 The Lord wrouyte alle thingis for hym silf; and he made redi a wickid man to the yuel dai.

Ecclesiastes 12:1

1 Haue thou mynde on thi creatour in the daies of thi yongthe, bifore that the tyme of thi turment come, and the yeris of thi deth neiye, of whiche thou schalt seie, Tho plesen not me.

Isaiah 37:16

16 and seide, Lord of oostis, God of Israel, that sittist on cherubyn, thou art God aloone of alle the rewmes of erthe; thou madist heuene and erthe.

Isaiah 40:26

26 Reise youre iyen an hiy, and se ye, who made these thingis of nouyt; which ledith out in noumbre the kniythod of tho, and clepith alle bi name, for the multitude of his strengthe, and stalworthnesse, and vertu; nether o residue thing was.

Isaiah 40:28

28 Whether thou knowist not, ether herdist thou not? God, euerlastynge Lord, that made of nouyt the endis of erthe, schal not faile, nether schal trauele, nether enserchyng of his wisdom is.

Isaiah 42:5

5 The Lord God seith these thingis, makynge heuenes of noyt, and stretchynge forth tho, makynge stidfast the erthe, and tho thingis that buriownen of it, yyuynge breeth to the puple, that is on it, and yyuynge spirit to hem that treden on it.

Isaiah 44:24

24 The Lord, thin ayenbiere, and thi fourmere fro the wombe, seith these thingis, Y am the Lord, makynge alle thingis, and Y aloone stretche forth heuenes, and stablische the erthe, and noon is with me;

Isaiah 45:18

18 For whi the Lord makynge heuenes of nouyt, seith these thingis; he is God fourmynge erthe, and makinge it, he is the makere therof; he made it of noyt, not in veyn, but he formyde it, that it be enhabitid; Y am the Lord, and noon other is.

Isaiah 51:13

13 And thou hast foryete `the Lord, thi creatour, that stretchide abrood heuenes, and foundide the erthe; and thou dreddist contynueli al dai of the face of his woodnesse, that dide tribulacioun to thee, and made redi for to leese. Where is now the woodnesse of the troblere?

Isaiah 51:16

16 Y haue put my wordis in thi mouth, and Y defendide thee in the schadewe of myn hond; that thou plaunte heuenes, and founde the erthe, and seie to Sion, Thou art my puple.

Isaiah 65:17

17 For lo! Y make newe heuenes and a newe erthe, and the formere thingis schulen not be in mynde, and schulen not stie on the herte.

Jeremiah 10:12

12 He is God, that makith the erthe in his strengthe, makith redi the world in his wisdom, and stretchith forth heuenes bi his prudence.

Jeremiah 32:17

17 alas! alas! Lord God, Lord, thou madist heuene and erthe in thi greet strengthe, and in thin arm stretchid forth; ech word schal not be hard to thee;

Jeremiah 51:15

15 The Lord swoor, which made erthe bi his strengthe, made redy the world bi his wisdom, and stretchide forth heuenes bi his prudence.

Zechariah 12:1

1 The birthun of the word of the Lord on Israel. And the Lord seide, stretchynge forth heuene, and founding erthe, and makynge the spirit of a man in hym, Lo!

Matthew 11:25

25 In thilke tyme Jhesus answeride, and seide, Y knowleche to thee, fadir, lord of heuene and of erthe, for thou hast hid these thingis fro wijse men, and redi, and hast schewid hem to litle children;

Mark 13:19

19 But thilke daies of tribulacioun schulen be suche, whiche maner weren not fro the bigynnyng of creature, which God hath maad, til now, nethir schulen be.

John 1:1-3

1 In the bigynnyng was the word, and the word was at God, and God was the word. 2 This was in the bigynnyng at God. 3 Alle thingis weren maad bi hym, and withouten hym was maad no thing, that thing that was maad.

Acts 4:24

24 And whanne thei herden, with oon herte thei reiseden vois to the Lord, and seiden, Lord, thou that madist heuene and erthe, see, and alle thingis that ben in hem, which seidist bi the Hooli Goost,

Acts 14:15

15 which in generaciouns passid suffride alle folkis to gon in to her owne weies.

Acts 17:24

24 God that made the world and alle thingis that ben in it, this, for he is Lord of heuene and of erthe, dwellith not in templis maad with hoond,

Romans 1:19-20

19 For that thing of God that is knowun, is schewid to hem, for God hath schewid to hem. 20 For the vnuysible thingis of hym, that ben vndurstondun, ben biholdun of the creature of the world, bi tho thingis that ben maad, yhe, and the euerlastynge vertu of hym and the godhed, so that thei mowe not be excusid.

Romans 11:36

36 For of hym, and bi hym, and in hym ben alle thingis. To hym be glorie in to worldis. Amen.

1 Corinthians 8:6

6 netheles to vs is o God, the fadir, of whom ben alle thingis, and we in hym; and o Lord Jhesu Crist, bi whom ben alle thingis, and we bi hym.

Ephesians 3:9

9 which is the dispensacioun of sacrament hid fro worldis in God, that made alle thingis of nouyt;

Colossians 1:16-17

16 For in hym alle thingis ben maad, in heuenes and in erthe, visible and vnuysible, ether trones, ether dominaciouns, ether princehodes, ethir poweris, alle thingis ben maad of nouyt bi hym, and in hym, 17 and he is bifor alle, and alle thingis ben in hym.

Hebrews 1:2

2 laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis.

Hebrews 1:10

10 And, Thou, Lord, in the bigynnyng foundidist the erthe, and heuenes ben werkis of thin hondis; thei schulen perische,

Hebrews 3:4

4 For ech hous is maad of sum man; he that made alle thingis of nouyt is God.

Hebrews 11:3

3 Bi feith we vndurstonden that the worldis weren maad bi Goddis word, that visible thingis weren maad of vnuysible thingis.

2 Peter 3:5

5 But it is hid fro hem willynge this thing, that heuenes were bifore, and the erthe of water was stondynge bi watir, of Goddis word;

1 John 1:1

1 That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid.

Revelation 3:14

14 And to the aungel of the chirche of Laodice write thou, These thingis seith Amen, the feithful witnesse and trewe, which is bigynnyng of Goddis creature.

Revelation 4:11

11 and seiden, Thou, Lord `oure God, art worthi to take glorie, and onour, and vertu; for thou madist of nouyt alle thingis, and for thi wille tho weren, and ben maad of nouyt.

Revelation 10:6

6 and swoor bi hym that lyueth in to worldis of worldis, that maad of nouyt heuene, and tho thingis whiche ben in it, and the erthe, and tho thingis that ben in it, and the see, and tho thingis that ben in it, that time schal no more be.

Revelation 14:7

7 and seide with a greet vois, Drede ye the Lord, and yyue ye to hym onour, for the our of his dom cometh; and worschipe ye hym, that made heuene and erthe, the see, and alle thingis that ben in hem, and the wellis of watris.

Revelation 21:6

6 And he seide to me, It is don; I am alpha and oo, the bigynnyng and ende. Y schal yyue freli of the welle of quic watir to hym that thirsteth.

Revelation 22:13

13 Y am alpha and oo, the firste and the laste, bigynnyng and ende.

Cross Reference data is from OpenBible.info, retrieved June 28, 2010, and licensed under a Creative Commons Attribution License.