Exodus 19:24 Cross References - Wycliffe

²⁴ To whom the Lord seide, Go thou doun, and thou schalt stie, and Aaron with thee; forsothe the preestis and the puple passe not the termes, nethir stie thei to the Lord, lest perauenture he sle hem.

¹² And thou schalt sette termes to the puple, bi cumpas; and thou schalt seie to hem, Be ye war, that ye `stie not in to the hil, nether touche ye the endis therof; ech man that schal touche the hil, schal die bi deeth.

²¹ the Lord seide to hym, Go thou doun, and witnesse thou to the puple, lest perauenture it wole passe the termes to se the Lord, and ful greet multitude therof perische; ²² also preestis, that neiyen to the Lord, be halewid, lest Y smyte hem.

¹ Also he seide to Moises, `Stie thou to the Lord, thou, and Aaron, and Nadab, and Abyu, and seuenti eldere men of Israel; and ye schulen worschipe afer,

⁹ And Moises, and Aaron, and Nadab, and Abyu, and seuenti of the eldere men of Israel stieden,

¹² And fro the daies of Joon Baptist til now the kyngdom of heuenes suffrith violence, and violent men rauyschen it.

²⁴ Stryue ye to entre bi the streite yate; for Y seie to you, many seken to entre, and thei schulen not mowe.

¹⁶ The lawe and prophetis til to Joon; fro that tyme the rewme of God is euangelisid, and ech man doith violence in to it.

¹⁷ For the lawe was youun bi Moises; but grace and treuthe `is maad bi Jhesu Crist.

¹⁵ For the lawe worchith wraththe; for where is no lawe, there is no trespas, nethir is trespassyng.

⁷ And if the mynystracioun of deth write bi lettris in stoonys was in glorie, so that the children of Israel myyten not biholde in to the face of Moises, for the glorie of his cheer, which is auoidid, ⁸ hou schal not the mynystracioun of the spirit be more in glorie? ⁹ For if the mynystracioun of dampnacioun was in glorie, myche more the mynysterie of riytwisnesse is plenteuouse in glorie. ¹⁰ For alle that ben of the werkis of the lawe, ben vndur curse; for it is writun, Ech man is cursid, that abidith not in alle thingis that ben writun in the book of the lawe, to do tho thingis. ¹¹ And that no man is iustified in the lawe bifor God, it is opyn, for a riytful man lyueth of bileue.

¹⁹ What thanne the lawe? It was sett for trespassing, to the seed come, to whom he hadde maad his biheest. Whiche lawe was ordeyned bi aungels, in the hoond of a mediatour. But a mediatour is not of oon. But God is oon.

²² But scripture hath concludid alle thingis vndir synne, that the biheeste of the feith of Jhesu Crist were yyuen to hem that bileuen.

¹⁶ Therfor go we with trist to the trone of his grace, that we gete merci, and fynde grace in couenable help.

¹⁹ Therfor, britheren, hauynge trist in to the entring of hooli thingis in the blood of Crist, ²⁰ which halewide to vs a newe weie, and lyuynge bi the hiling, that is to seie, ²¹ his fleisch, and we hauynge the greet preest on the hous of God, ²² neiye we with very herte in the plente of feith; and be oure hertis spreined fro an yuel conscience, and oure bodies waischun with clene watir,

¹⁸ But ye han not come to the fier able to be touchid, and able to come to, and to the whirlewynd, and myst, and tempest, and soun of trumpe, and vois of wordis; ¹⁹ which thei that herden, excusiden hem, that the word schulde not be maad to hem. ²⁰ For thei beren not that that was seid, And if a beeste touchide the hil, it was stonyd. ²¹ And so dredeful it was that was seyn, that Moises seide, Y am a ferd, and ful of trembling. ²² But ye han come nyy to the hil Sion, and to the cite of God lyuynge, the heuenli Jerusalem, and to the multitude of many thousynde aungels, ²³ and to the chirche of the firste men, whiche ben writun in heuenes, and to God, domesman of alle, and to the spirit of iust perfit men, ²⁴ and to Jhesu, mediatour of the newe testament, and to the sprenging of blood, `betere spekinge than Abel. ²⁵ Se ye, that ye forsake not the spekere; for if thei that forsaken him that spak on the erthe, aschapide not, myche more we that turnen awei fro him that spekith to vs fro heuenes.

²⁹ For oure God is fier that wastith.