Ephesians 1:6 Cross References - Wycliffe

⁶ in to the heriyng of the glorie of his grace;

⁵ I schal dwelle in thi tabernacle in to worldis; Y schal be keuered in the hilyng of thi wengis.

³⁰ Y was making alle thingis with him. And Y delitide bi alle daies, and pleiede bifore hym in al tyme, ³¹ and Y pleiede in the world; and my delices ben to be with the sones of men.

⁴ The Lord wrouyte alle thingis for hym silf; and he made redi a wickid man to the yuel dai.

¹ Lo! my seruaunt, Y schal vptake hym, my chosun, my soule pleside to it silf in hym. I yaf my spirit on hym, he schal brynge forth doom to hethene men.

²¹ Y fourmyde this puple to me, it schal telle my preysyng.

²⁴ for ech kne schal be bowid to me, and ech tunge schal swere. ²⁵ Therfor thei schulen sei in the Lord, Riytfulnessis and empire ben myne; alle that fiyten ayens hym schulen come to hym, and schulen be aschamed.

¹ Ilis, here ye, and puplis afer, perseyue ye; the Lord clepide me fro the wombe, he thouyte on my name fro the wombe of my modir. ² And he hath set my mouth as a scharp swerd, he defendide me in the schadewe of his hond, and settide me as a chosun arowe; he hidde me in his arowe caas, ³ and seide to me, Israel, thou art my seruaunt, for Y schal haue glorie in thee.

³ that Y schulde sette coumfort to the moureneris of Sion, and that Y schulde yyue to them a coroun for aische, oile of ioie for mourenyng, a mentil of preysyng for the spirit of weilyng. And stronge men of riytfulnesse schulen be clepid ther ynne, the plauntyng of the Lord for to glorifie.

¹¹ For as the erthe bryngith forth his fruyt, and as a gardyn buriowneth his seed, so the Lord God schal make to growe riytfulnesse, and preysyng bifore alle folkis.

⁶ In tho daies Juda schal be sauid, and Israel schal dwelle tristili; and this is the name which thei schulen clepe hym, The Lord oure riytful.

⁹ And thei schulen be to me in to a name, and in to ioye, and in to heriyng, and in to ful out ioiyng to alle folkis of erthe, that herden alle the goodis whiche Y schal do to hem; and thei schulen drede, and schulen be disturblid in alle goodis, and in al the pees, which Y schal do to hem.

⁷ Swerd, be thou reisid on my scheepherde, and on a man cleuynge to me, seith the Lord of oostis; smyte thou the scheepherde, and scheep of the floc schulen be scaterid. And Y schal turne myn hond to the litle.

¹⁷ a vois fro heuenes, seiynge, This is my louyd sone, in which Y haue plesid to me.

⁵ a briyt cloude ouerschadewide hem; and lo! a voice out of the cloude, that seide, This is my dereworth sone, in whom Y haue wel pleside to me; here ye hym.

¹⁴ and seiynge, Glorie be in the hiyeste thingis to God, and in erthe pees be to men of good wille.

³⁵ The fadir loueth the sone, and he hath youun alle thingis in his hoond.

¹⁷ Therfor the fadir loueth me, for Y putte my lijf, that eftsoone Y take it.

²² And the riytwisnesse of God is bi the feith of Jhesu Crist in to alle men and on alle men that bileuen in hym; for ther is no departyng. ²³ For alle men synneden, and han nede to the glorie of God; ²⁴ and ben iustified freli bi his grace, bi the ayenbiyng that is in `Crist Jhesu. ²⁵ Whom God ordeynede foryyuer, bi feith in his blood, to the schewyng of his riytwisnesse, for remyssioun of biforgoynge synnes, ²⁶ in the beryng up of God, to the schewyng of his riytwisnesse in this tyme, that he be iust, and iustifyynge hym that is of the feith of Jhesu Crist.

¹⁵ But not as gilt, so the yifte; for if thorouy the gilt of oon manye ben deed, myche more the grace of God and the yifte in the grace of o man Jhesu Crist hath aboundid in to many men. ¹⁶ And not as bi o synne, so bi the yifte; for the doom of oon in to condempnacioun, but grace of many giltis in to iustificacioun. ¹⁷ For if in the gilt of oon deth regnede thorouy oon, myche more men that takyn plente of grace, and of yyuyng, and of riytwisnesse, schulen regne in lijf bi oon Jhesu Crist. ¹⁸ Therfor as bi the gilt of oon in to alle men in to condempnacioun, so bi the riytwisnesse of oon in to alle men in to iustifiyng of lijf. ¹⁹ For as bi inobedience of o man manye ben maad synneris, so bi the obedience of oon manye schulen be iust.

¹ Therfor now no thing of dampnacioun is to hem that ben in Crist Jhesu, whiche wandren not after the flesch.

²³ to schewe the riytchessis of his glorie in to vessels of merci, whiche he made redi in to glorie. ²⁴ Whiche also he clepide not oneli of Jewis, but also of hethene men, as he seith in Osee,

¹⁵ And alle thingis for you, that a plenteuouse grace bi many thankyngis be plenteuouse in to the glorie of God.

²¹ God the fadir made hym synne for vs, which knewe not synne, that we schulden be maad riytwisnesse of God in hym.

⁷ in which he hath glorified vs in his dereworthe sone. In whom we han redempcioun bi his blood, foryyuenesse of synnes, aftir the ritchessis of his grace, ⁸ that aboundide greetli in vs in al wisdom and prudence,

¹² that we be in to the heriyng of his glorie, we that han hopid bifor in Crist.

¹⁴ in to the redempcioun of purchasyng, in to heriyng of his glorie.

¹⁸ and the iyen of youre herte liytned, that ye wite, which is the hope of his clepyng, and whiche ben the richessis of the glorie of his eritage in seyntis;

⁷ that he schulde schewe in the worldis aboue comynge the plenteuouse ritchessis of his grace in goodnesse on vs in Crist Jhesu.

¹⁰ that the myche fold wisdom of God be knowun to princis and potestatis in heuenli thingis bi the chirche, ¹¹ bi the bifore ordinaunce of worldis, which he made in Crist Jhesu oure Lord.

¹¹ fillid with the fruyt of riytwysnesse bi Jhesu Crist, in to the glory and the heriyng of God.

⁹ that Y wynne Crist, and that Y be foundun in hym, not hauynge my riytwisnesse that is of the lawe, but that that is of the feith of Crist Jhesu, that is of God the riytwisnesse in feith,

¹⁹ And my God fil alle youre desire, by hise richessis in glorie in Crist Jhesu.

¹³ Which delyueride vs fro the power of derknessis, and translatide in to the kyngdom of the sone of his louyng,

⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist. ⁹ Whiche schulen suffre euere lastinge peynes, in perischinge fro the face of the Lord, and fro the glorie of his vertu, ¹⁰ whanne he schal come to be glorified in hise seyntis, and to be maad wondurful in alle men that bileueden, for oure witnessing is bileuyd on you, in that dai.

¹⁴ But the grace of oure Lord ouer aboundide, with feith and loue that is in Crist Jhesu. ¹⁵ A trewe word and worthi al resseyuyng, for Crist Jhesu cam in to this world to make synful men saaf, of whiche Y am the firste. ¹⁶ But therfor Y haue getun merci, that Crist Jhesu schulde schewe in me first al pacience, to the enfourmyng of hem that schulen bileue to hym in to euerlastinge lijf.

⁵ and ye silf as quyk stoonys be ye aboue bildid in to spiritual housis, and an hooli preesthod, to offre spiritual sacrifices, acceptable to God bi Jhesu Crist.

⁹ But ye ben a chosun kyn, a kyngli preesthod, hooli folc, a puple of purchasing, that ye telle the vertues of hym, that clepide you fro derknessis in to his wondirful liyt.

¹¹ If ony man spekith, speke he as the wordis of God; if ony man mynystrith, as of the vertu which God mynystrith; that God be onourid in alle thingis bi Jhesu Crist oure Lord, to whom is glorie and lordschip in to worldis `of worldis.