Deuteronomy 19:16 Cross References - Wycliffe

¹⁶ If a fals witnesse stondith ayens a man, and accusith hym of brekyng of the lawe, bothe,

¹ Thou schalt not resseyue a vois of leesyng, nether thou schalt ioyne thin hond, that thou seie fals witnessyng for a wickid man. ² Thou schalt not sue the cumpanye to do yuel, nether thou schalt ascente to the sentence of ful many men in doom, that thou go awey fro treuthe. ³ Also thou schalt not haue mercy of a pore man in a `cause, ethir doom. <sup>4</sup> If thou meetist `the oxe of thin enemye, ethir the asse errynge, lede thou ayen to hym. ⁵ If thou seest that the asse of hym that hatith thee liggyth vndir a burthun, thou schalt not passe, but thou schalt reise with hym. ⁶ Thou schalt not bowe in the doom of a pore man. ⁷ Thou schalt fle a lesyng. Thou schalt not sle an innocent man, and iust; for Y am aduersarie to a wickid man.

¹⁰ and sende ye priueli twei men, the sones of Belial, ayens hym, and sey thei fals witnessyng, Naboth blesside God and the kyng; and lede ye out hym, and stoon ye him, and die he so. ¹¹ Therfor hise citeseyns, the grettere men in birthe, and the beste men that dwelliden with hym in the citee, diden as Jezabel hadde comaundid, and as it was writun in the lettris, whiche sche hadde sent to hem. ¹² Thei prechiden fastyng, and maden Naboth to sitte among the firste men of the puple; ¹³ and whanne twey men, sones of the deuel, weren brouyt, thei maden hem to sitte ayens hym, and thei, that is, as men of the deuel, seiden witnessyng ayens him bifor al the multitude, Naboth blesside God and the kyng; for which thing thei ledden hym with out the citee, and killiden him with stoonys.

¹¹ Lord, sette forth thi mercy to hem, that knowen thee; and thi ryytfulnesse to hem that ben of riytful herte.

⁵⁵ And the hiyest prestis, and al the counsel, souyten witnessyng ayens Jhesu to take hym to the deeth; but thei founden not. ⁵⁶ For manye seiden fals witnessyng ayens hym, and the witnessyngis weren not couenable. ⁵⁷ And summe risen vp, and baren fals witnessyng ayens hym, ⁵⁸ and seiden, For we `han herd hym seiynge, Y schal vndo this temple maad with hondis, and aftir the thridde dai Y schal bilde another not maad with hondis. <sup>59</sup> And the witnessyng `of hem was not couenable.

¹³ And thei ordeyneden false witnessis, that seiden, This man ceessith not to speke wordis ayens the hooli place, and the lawe.