2 Corinthians 1:1 Cross References - Wycliffe

¹ Poul, apostle of Jhesu Crist, bi the wille of God, and Tymothe, brothir, to the chirche of God that is at Corinthi, with alle seyntis that ben in al Acaie, grace to you,

¹ And he cam in to Derben and Listram. And lo! a disciple was there, bi name Timothe, the sone of a Jewesse cristen, and of the fadir hethen.

¹ Aftir these thingis Poul yede out of Atenes, and cam to Corinthie. ² And he fonde a man, a Jewe, Aquila bi name, of Ponte bi kynde, that late cam from Ytalie, and Priscille, his wijf, for that Claudius comaundide alle Jewis to departe fro Rome; and he cam to hem. ³ And for he was of the same craft, he dwellide with hem, and wrouyte; and thei weren of roopmakeris craft. ⁴ And he disputide in the synagoge bi ech sabat, puttynge among the name of the Lord Jhesu; and he counselide Jewis and Grekis. ⁵ And whanne Silas and Tymothe camen fro Macedonye, Poul yaf bisynesse to the word, and witnesside to the Jewis, that Jhesu is Crist. ⁶ But whanne thei ayenseiden and blasfemyden, he schoke awei hise clothis, and seide to hem, Youre blood be on youre heed; Y schal be clene from hennus forth, and schal go to hethene men. ⁷ And he passide fro thennus, and entride in to the hous of a iust man, Tite bi name, that worschipide God, whos hous was ioyned to the synagoge. ⁸ And Crispe, prince of the synagoge, bileuede to the Lord, with al his hous. And many of the Corinthies herden, and bileueden, and weren cristened. ⁹ And the Lord seide bi nyyt to Poul bi a visioun, Nyle thou drede, but speke, and be not stille; ¹⁰ for Y am with thee, and no man schal be put to thee to noye thee, for myche puple is to me in this citee. ¹¹ And he dwellide there a yeer and sixe monethis, techinge among hem the word of God. ¹² But whanne Gallion was proconsul of Acaye, Jewis risen vp with oo wille ayens Poul, and ledden hym to the doom,

¹ Poul, the seruaunt of Jhesu Crist, clepid an apostle, departid in to the gospel of God; ² which he hadde bihote tofore bi his profetis in holi scripturis of his sone, ³ which is maad to hym of the seed of Dauid bi the flesch, ⁴ and he was bifor ordeyned the sone of God in vertu, bi the spirit of halewyng of the ayenrisyng of deed men, of Jhesu Crist oure Lord, ⁵ bi whom we han resseyued grace and the office of apostle, to obeie to the feith in alle folkis for his name,

²⁶ For Macedonye and Acaie han assaied to make sum yifte to pore men of seyntis, that ben in Jerusalem.

⁵ And grete ye wel her meyneal chirche. Grete wel Efenete, louyd to me, that is the firste of Asie in Crist Jhesu.

²¹ Tymothe, myn helpere, gretith you wel, and also Lucius, and Jason, and Sosipater, my cosyns.

¹ Poul, clepid apostle of Jhesu Crist, bi the wille of God, and Sostenes, brothir, to the chirche of God that is at Corynthe, ² to hem that ben halewid in Crist Jhesu, and clepid seyntis, with alle that inwardli clepen the name of oure Lord Jhesu Crist, in ech place of hem and of oure,

¹¹ And ye weren sum tyme these thingis; but ye ben waischun, but ye ben halewid, but ye ben iustefied in the name of oure Lord Jhesu Crist, and in the spirit of oure God.

³² Be ye with outen sclaundre to Jewis, and to hethene men, and to the chirche of God;

¹⁰ And if Thimothe come, se ye that he be with out drede with you, for he worcheth the werk of the Lord, as Y.

¹⁵ And, britheren, Y biseche you, ye knowen the hous of Stephan, and of Fortunati, and Acaicy, for thei ben the firste fruytis of Acaie, and in to mynystrie of seyntis thei han ordeyned hem silf;

² For Y knowe youre wille, for the which Y haue glorie of you anentis Macedonyes, for also Acaie is redi fro a yeer passid, and youre loue hath stirid ful manye.

¹⁰ The treuthe of Crist is in me; for this glorie schal not be brokun in me in the cuntreis of Acaie.

¹ Poul the apostle, not of men, ne bi man, but bi Jhesu Crist, and God the fadir,

¹ Poul, the apostle of Jhesu Crist, bi the wille of God, to alle seyntis that ben at Effesie, and to the feithful men in Jhesu Crist,

¹ Poul and Tymothe, seruauntis of Jhesu Crist, to alle the hooli men in Crist Jhesu, that ben at Filippis, with bischopis and dekenes,

¹⁹ And Y hope in the Lord Jhesu, that Y schal sende Tymothe soone to you, that Y be of good coumfort, whanne tho thingis ben knowun that ben aboute you. ²⁰ For Y haue no man so of o wille, that is bisi for you with clene affeccioun. ²¹ For alle men seken tho thingis that ben her owne, not tho that ben of Crist Jhesu. ²² But knowe ye the asaie of hym, for as a sone to the fadir he hath seruyd with me in the gospel.

¹ Poul, apostle of `Crist Jhesu, bi the wille of God, ² and Tymothe, brother, to hem that ben at Colose, hooli and feithful britheren in Crist Jhesu,

¹ Poul, and Siluan, and Tymothe, to the chirche of Tessalonicensis, in God the fadir,

⁷ so that ye ben maad ensaumple to alle men that bileuen, in Macedonye and in Acaie. ⁸ For of you the word of the Lord is pupplischid, not oneli in Macedonye and Acaie, but youre feith that is to God, in ech place is gon forth; so that it is not nede to vs to speke ony thing.

¹ Poul, and Siluan, and Tymothe, to the chirche of Tessalonicensis, in God oure fadir,

¹ Poul, apostle `of Jhesu Crist, bi the comaundement of God oure sauyour, and of Jhesu Crist oure hope,

¹ Poul, apostle of Jhesu Crist, bi the wille of God, bi the biheest of lijf that is in Crist Jhesu,

¹ Poul, the seruaunt of God, and apostle of Jhesu Crist, bi the feith of the chosun of God, and bi the knowing of the treuthe,

²³ Knowe ye oure brother Tymothe, that is sent forth, with whom if he schal come more hastili, Y schal se you.