1 Thessalonians 1:10 Cross References - Wycliffe

¹⁰ whom he reiside fro deth, the Lord Jhesu, that delyuerede us fro wraththe to comynge.

¹⁸ Y schal abide thin helthe.

²⁵ For Y woot, that myn ayenbiere lyueth, and in the laste dai Y schal rise fro the erthe; ²⁶ and eft Y schal be cumpassid with my skyn, and in my fleisch Y schal se God, my sauyour. ²⁷ Whom Y my silf schal se, and myn iyen schulen biholde, and not an other man. This myn hope is kept in my bosum.

⁸ And he schal caste doun deth with outen ende, and the Lord God schal do awey ech teer fro ech face; and he schal do awei the schenschipe of his puple fro ech lond; for the Lord spak. ⁹ And thei schulen seie in that dai, Lo! this is oure God; we abididen hym, and he schal saue vs; this is the Lord; we suffriden him, and we schulen make ful out ioie, and schulen be glad in his helthe.

²¹ And she shal bere a sone, and thou shalt clepe his name Jhesus; for he schal make his puple saaf fro her synnes.

⁷ But he siy manye of the Farysees and of Saduceis comynge to his baptym, and seide to hem, Generaciouns of eddris, who shewide to you to fle fro the wraththe that is to come?

²⁵ And lo! a man was in Jerusalem, whos name was Symeon; and this man was iust and vertuous, and aboode the coumfort of Israel; and the Hooli Goost was in hym.

⁷ Therfor he seid to the puple, which wente out to be baptisid of hym, Kyndlyngis of eddris, who schewide to you to fle fro the wraththe to comynge?

¹¹ Men of Galile, what stonden ye biholdinge in to heuene? This Jhesu, which is takun vp `fro you in to heuene, schal come, as ye seyn hym goynge in to heuene.

²⁴ Whom God reiside, whanne sorewis of helle weren vnboundun, bi that that it was impossible that he were holdun of it.

¹⁵ And ye slowen the maker of lijf, whom God reiside fro deth, of whom we ben witnessis.

²¹ that is now prechid to you. Whom it bihoueth heuene to resseyue, in to the tymes of restitucioun of alle thingis, which the Lord spak bi the mouth of hise hooli prophetis fro the world.

¹⁰ be it knowun to you alle, and to al the puple of Israel, that in the name of Jhesu Crist of Nazareth, whom ye crucifieden, whom God reiside fro deth, in this this man stondith hool bifor you.

³⁰ God of oure fadris reiside Jhesu, whom ye slowen, hangynge in a tre. ³¹ God enhaunside with his riythond this prince and sauyour, that penaunce were yyue to Israel, and remyssioun of synnes.

⁴⁰ And God reiside this in the thridde dai, and yaf hym to be maad knowun, ⁴¹ not to al puple, but to witnessis bifor ordeyned of God; to vs that eeten and drunken with hym, after that he roos ayen fro deth.

³¹ in which he schal deme the world in equite, in a man in which he ordeynede, and yaf feith to alle men, and reiside hym fro deth.

⁴ and he was bifor ordeyned the sone of God in vertu, bi the spirit of halewyng of the ayenrisyng of deed men, of Jhesu Crist oure Lord,

⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf;

²⁵ Which was bitakun for oure synnes, and roos ayen for oure iustefiyng.

⁹ aftir the tyme Crist was deed for vs, thanne myche more now we iustified in his blood, schulen be saaf fro wraththe bi him. ¹⁰ For if whanne we weren enemyes, we ben recounselid to God bi the deth of his sone, myche more we recounselid schulen be saaf in the lijf of hym.

²³ And not oneli it, but also we vs silf, that han the first fruytis of the spirit, and we vs silf sorewen with ynne vs for the adopcioun of Goddis sonys, abidynge the ayenbiyng of oure bodi. ²⁴ But bi hope we ben maad saaf. For hope that is seyn, is not hope; for who hopith that thing, that he seeth? ²⁵ And if we hopen that thing that we seen not, we abiden bi pacience.

³⁴ who is it that condempneth? It is Jhesus Crist that was deed, yhe, the which roos ayen, the which is on the riyt half of God, and the which preieth for vs.

⁷ so that no thing faile to you in ony grace, that abiden the schewyng of oure Lord Jhesu Crist;

⁴ and that he was biried, and that he roos ayen in the thridde dai, after scripturis; ⁵ and that he was seyn to Cephas, and aftir these thingis to enleuene; ⁶ aftirward he was seyn to mo than fyue hundrid britheren togidere, of whiche manye lyuen yit, but summe ben deed; aftirward he was seyn to James, ⁷ and aftirward to alle the apostlis. ⁸ And last of alle he was seyn also to me, as to a deed borun child. ⁹ For Y am the leste of apostlis, that am not worthi to be clepid apostle, for Y pursuede the chirche of God. ¹⁰ But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me. ¹¹ But whether Y, or thei, so we han prechid, and so ye han bileuyd. ¹² And if Crist is prechid, that he roos ayen fro deeth, hou seien summen among you, that the ayenrisyng of deed men is not? ¹³ And if the ayenrisyng of deed men is not, nethir Crist roos ayen fro deeth. ¹⁴ And if Crist roos not, oure preching is veyn, oure feith is veyn. ¹⁵ And we ben foundun false witnessis of God, for we han seid witnessyng ayens God, that he reiside Crist, whom he reiside not, if deed men risen not ayen. ¹⁶ Forwhi if deed men risen not ayen, nether Crist roos ayen; ¹⁷ and if Crist roos not ayen, oure feith is veyn; and yit ye ben in youre synnes. ¹⁸ And thanne thei that han diede in Crist, han perischid. ¹⁹ If in this life oneli we ben hoping in Crist, we ben more wretchis than alle men. ²⁰ But now Crist roos ayen fro deth, the firste fruit of deed men; ²¹ for deeth was bi a man, and bi a man is ayenrisyng fro deth.

¹³ But Crist ayenbouyte us fro the curse of the lawe, and was maad acursid for vs; for it is writun, Ech man is cursid that hangith in the tre;

²⁰ But oure lyuyng is in heuenes; fro whennus also we abiden the sauyour oure Lord Jhesu Crist,

¹⁸ And he is heed of the bodi of the chirche; which is the bigynnyng and the firste bigetun of deede men, that he holde the firste dignyte in alle thingis.

⁷ so that ye ben maad ensaumple to alle men that bileuen, in Macedonye and in Acaie.

⁷ nether of othere, whanne we, as Cristis apostlis, miyten haue be in charge to you. But we weren maad litle in the myddil of you, as if a nursche fostre hir sones;

¹⁶ forbedinge vs to speke to hethene men, that thei be maad saaf, that thei fille her synnes euere more; for the wraththe of God cam on hem in to the ende.

¹⁶ Afterward we that lyuen, that ben left, schulen be rauyschid togidere with hem in cloudis, metinge Crist `in to the eir; and so euere more we schulen be with the Lord. ¹⁷ Therfor be ye coumfortid togidere in these wordis.

⁹ For God puttide not vs in to wraththe, but in to the purchasing of heelthe bi oure Lord Jhesu Crist, that was deed for vs;

¹ I witnesse bifore God and Crist Jhesu, that schal deme the quike and the deed, and bi the comyng of hym, and the kyngdom of hym,

¹³ abidinge the blessid hope and the comyng of the glorie of the greet God, and of oure sauyour Jhesu Crist;

²⁸ onys to die, but aftir this is the dom, so Crist was offrid onys, to auoyde the synnes of many men; the secounde tyme he schal appere with outen synne to men that abiden him in to heelthe.

²⁷ Forwhi sum abiding of the dom is dreedful, and the suyng of fier, which schal waste aduersaries.

³ Blessid be God, and the fadir of oure Lord Jhesu Crist, which bi his greet merci bigat vs ayen in to lyuynge hope, bi the ayen risyng of Jhesu Crist fro deth,

²¹ for you that bi hym ben feithful in God; that reiside hym fro deth, and yaf to hym euerlastynge glorie, that youre feith and hope were in God.

²¹ For to this thing ye ben clepid. For also Crist suffride for vs, and lefte ensaumple to you, that ye folewe the steppis of hym.

¹⁸ For also Crist onys diede for oure synnes, he iust for vniust, that he schulde offre to God vs, maad deed in fleisch, but maad quik in spirit.

¹² abidinge and hiyynge in to the comyng of the dai of oure Lord Jhesu Crist, bi whom heuenes brennynge schulen be dissoluyd, and elementis schulen faile bi brennyng of fier.

¹⁴ For which thing, ye moost dere, abidynge these thingis, be ye bisye to be foundun to hym in pees vnspottid and vndefoulid.

⁷ Amen. Lo! he cometh with clowdis, and ech iye schal se hym, and thei that prickiden hym; and alle the kynredis of the erthe schulen beweile hem silf on hym.

¹⁸ and lo! Y am lyuynge in to worldis of worldis, and Y haue the keyes of deth and of helle.