1 Corinthians 12:5 Cross References - Wycliffe

⁵ and dyuerse seruyces ther ben, but it is al oon Lord; and dyuerse worchingis ther ben,

¹⁰ Nether be ye clepid maistris, for oon is youre maister, Crist.

³⁶ God sente a word to the children of Israel, schewinge pees bi Jhesu Crist; this is Lord of alle thingis.

⁶ Therfor we that han yiftis dyuersynge, aftir the grace that is youun to vs, ⁷ ethir prophecie, aftir the resoun of feith; ethir seruise, in mynystryng; ether he that techith, in techyng; ⁸ he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.

⁸ For whether we lyuen, we lyuen to the Lord; and whethir we dien, we dien to the Lord. Therfor whethir we lyuen or dien, we ben of the Lord. ⁹ For whi for this thing Crist was deed, and roos ayen, that he be Lord bothe of quyke and of deed men.

⁶ netheles to vs is o God, the fadir, of whom ben alle thingis, and we in hym; and o Lord Jhesu Crist, bi whom ben alle thingis, and we bi hym.

²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis. ²⁹ Whether alle apostlis? whethir alle prophetis? whether alle techeris? whether alle vertues?

¹¹ And he yaf summe apostlis, summe prophetis, othere euangelistis, othere scheepherdis and techeris, ¹² to the ful endyng of seyntis, in to the werk of mynystrie, in to edificacioun of Cristis bodi,

¹¹ and ech tunge knouleche, that the Lord Jhesu Crist is in the glorie of God the fadir.