Matthew 13:1 Cross References - WestSaxon990

¹ On þam dæge þam hælende üt-gangendum of hüse he sæt. wiþ ða sæ.

²⁸ Soðlice þa he ham com þa blindan genealæhton to him & se hælend cwæð to him. gelÿfe gyt. þt ic inc mæg gehælan. hig cwædon to hym witodlice drihten;

¹ On þam dæge þam hælende üt-gangendum of hüse he sæt. wiþ ða sæ. ² & mycle mænigeo wæron gesamnode to hym. swa þt he eode on scyp & þær sæt. and eall seo mænigeo stod on þam waroþe. ³ & he spræc to hym fela on big-spellum cweþende; Soþlice ut-eode se sædere hys sæd to sawenne ⁴ & þa þa he seow. sume hig feollon wiþ weg. & fuglas comun & æton þä; ⁵ Soþlice sume feollon on stænihte þær hyt næfde mycle eorþan. & hrædlice up-sprungon for-þam þe hig næfdon þære eorþan dypan; ⁶ Soþlice upsprungenre sunnan hig adruwudon & forscruncon. for þam þe hig næfdon wyrtrum; ⁷ Soþlice sume feollon on þornas. & þa þornas weoxon & for-þrysmudon þa. ⁸ sume soþlice feollon on gode eorþan & sealdon weastm. sum hund-fealdne. sum sixtig-fealdne. sum þrittig-fealdne; ⁹ Se þe hæbbe earan to gehyrenne gehyre. ¹⁰ & þa genealæhton his leorning-cnihtas & cwædon to hym. for hwig spycst þu to hym mid big-spellum; ¹¹ Ða andswarode he hym forþam þe eow is geseald to witanne heofena rices gerynu. & him nys na geseald; ¹² Soþlice þam þe hæfþ. him byþ geseald & he haefð. Soþlice se þe næfð & þt þe he hæfð him bið ætbroden. ¹³ forðam ic spece to him mid big-spellum. forþam þe löciende hig ne ge-seoþ. & gehyrende hig ne gehyraþ. ne ne ongytaþ. ¹⁴ þt on him si gefylled esaïas witegung; Of gehyrnysse ge gehyraþ & ge ne ongytaþ & löciende ge ge-seoþ & [ge] ne ge-seoð; ¹⁵ Soþlice þises folces heorte is ahyrd. & hig hefelice mid earum gehyrdon. & hyra eagan beclysdon. þe læs hig æfre mid eagum geseon & mid earum gehyron. & mid heortan ongyton. & sïn gecyrrede & ic hig gehæle;

³⁶ He for-let þa ða mænegeo & com to his inne & þa genealæhton to him his leorning-cnihtas & cwædon arece us þt big-spell þæs hwætes and þæs cocceles.

¹³ eft he ut eode to ðære sæ. & eall seo menigeo him to com & he hi lærde.

¹ & eft he ongan hi æt þære sæ læran. & him wæs mycel menegu togegaderod; Swa þt he on scip eode. & on þære sæ wæs. & eall seo menegu ymbe þa [sæ] wæron on lande. ² & he hi fela on bigspellum lærde. & him to cwæð on his lare. ³ gehyrað; [Note: Ðis sceal on þære wucan æfter þam þe man be-lycð alleluia. ] + Ut eode se sædere his sæd to sawenne. ⁴ & þa he sew sum feoll wið þone weg. & fugelas comon & hit fræton; ⁵ Sum feoll ofer stan-scyligean þar hit næfde mycele eorðan. & sona üp eöde. & forþam hit næfde eorþan þiccnesse. ⁶ þa hit up-eode. Seo sunne hit forswælde. & hit forscranc. forþam hit wyrt-ruman næfde. ⁷ & sum feoll on þornas. þa stigon ða þörnas & forðrysmodon þt. & hit wæstm ne bær. ⁸ & sum feoll on god land & hit sealde upp-stigende & wexende wæstm; & än brohte þritig-fealdne; Sum syxtig-fealdne; Sum hund-fealdne; ⁹ And he cwæð. gehyre se ðe earan hæbbe to gehyranne. ¹⁰ & þa he ana wæs hine axodon þt bigspell þa twelfe þe mid him wæron. ¹¹ & he sæde him. eow is geseald to witanne godes rïces gerÿnu; Þam þe üte synt ealle þing on bigspellum gewurþað. ¹² þt hi geseonde geseon & na ne ge-seon & gehyrende gehyren & ne ongyten þe læs hi hwænne sÿn gescyrede. & him sïn hyra synna forgyfene;

⁴ Soþlice þa mycel menegeo com & of þam ceastrum to him efstun. he sæde him än big-spel; ⁵ Sum man his sæd seöw. þa he þt seow sum feoll wið þæne weg & wearð for-treden. & heofones fugulas hyt fræton; ⁶ And sum feoll ofer þæne stän & hit for-scranc forþam þe hit wætan næfde; ⁷ & sum feoll on þa þornas. & þa þornas hyt forþrysmodon; ⁸ And sum feoll on göde eorðan. & worhte hund-fealde wæs[t]m; Þa clypode he. & cwæð; Ge-hÿre se ðe earan hæbbe; ⁹ Ða ahsodon hine hys leorning-cnihtas hwæt þt bigspel wære; ¹⁰ Þa cwæð he eow is geseald þt ge witun godes rïces geryne. & oðrum on big-spellum. þt hi geseonde ne geseon. & gehyrende ne ongyton;