Jeremiah 38:21 Cross References - Vulgate

²¹ quod si nolueris egredi iste est sermo quem ostendit mihi Dominus

³ introierunt ergo Moses et Aaron ad Pharaonem et dixerunt ad eum haec dicit Dominus Deus Hebraeorum usquequo non vis subici mihi dimitte populum meum ut sacrificet mihi ⁴ sin autem resistis et non vis dimittere eum ecce ego inducam cras lucustam in fines tuos

²⁸ dixit autem Dominus ad Mosen usquequo non vultis custodire mandata mea et legem meam

¹⁹ non est Deus quasi homo ut mentiatur nec ut filius hominis ut mutetur dixit ergo et non faciet locutus est et non implebit ²⁰ ad benedicendum adductus sum benedictionem prohibere non valeo

¹³ si dederit mihi Balac plenam domum suam argenti et auri non potero praeterire sermonem Domini Dei mei ut vel boni quid vel mali proferam ex corde meo sed quicquid Dominus dixerit hoc loquar

¹³ ipse enim solus est et nemo avertere potest cogitationem eius et anima eius quodcumque voluerit hoc facit

³³ numquid a te Deus expetit eam quia displicuit tibi tu enim coepisti loqui et non ego quod si quid nosti melius loquere

²⁴ quia vocavi et rennuistis extendi manum meam et non fuit qui aspiceret ²⁵ despexistis omne consilium meum et increpationes meas neglexistis ²⁶ ego quoque in interitu vestro ridebo et subsannabo cum vobis quod timebatis advenerit ²⁷ cum inruerit repentina calamitas et interitus quasi tempestas ingruerit quando venerit super vos tribulatio et angustia ²⁸ tunc invocabunt me et non exaudiam mane consurgent et non invenient me ²⁹ eo quod exosam habuerint disciplinam et timorem Domini non susceperint ³⁰ nec adquieverint consilio meo et detraxerint universae correptioni meae ³¹ comedent igitur fructus viae suae suisque consiliis saturabuntur

¹⁹ si volueritis et audieritis bona terrae comedetis ²⁰ quod si nolueritis et me provocaveritis ad iracundiam gladius devorabit vos quia os Domini locutum est

³ Domine oculi tui respiciunt fidem percussisti eos et non doluerunt adtrivisti eos et rennuerunt accipere disciplinam induraverunt facies suas super petram noluerunt reverti

¹⁹ propter hoc haec dicit Dominus si converteris convertam te et ante faciem meam stabis et si separaveris pretiosum a vili quasi os meum eris convertentur ipsi ad te et tu non converteris ad eos ²⁰ et dabo te populo huic in murum aereum fortem et bellabunt adversum te et non praevalebunt quia ego tecum sum ut salvem te et eruam dicit Dominus ²¹ et liberabo te de manu pessimorum et redimam te de manu fortium

¹⁵ verumtamen scitote et cognoscite quod si occideritis me sanguinem innocentem traditis contra vosmet ipsos et contra civitatem istam et habitatores eius in veritate enim misit me Dominus ad vos ut loquerer in auribus vestris omnia verba haec

⁴ et filii dura facie et indomabili corde sunt ad quos ego mitto te et dices ad eos haec dicit Dominus Deus ⁵ si forte vel ipsi audiant et si forte quiescant quoniam domus exasperans est et scient quia propheta fuerit in medio eorum

⁷ loqueris ergo verba mea ad eos si forte audiant et quiescant quoniam inritatores sunt

¹⁷ fili hominis speculatorem dedi te domui Israhel et audies de ore meo verbum et adnuntiabis eis ex me ¹⁸ si dicente me ad impium morte morieris non adnuntiaveris ei neque locutus fueris ut avertatur a via sua impia et vivat ipse impius in iniquitate sua morietur sanguinem autem eius de manu tua requiram ¹⁹ si autem tu adnuntiaveris impio et ille non fuerit conversus ab impietate sua et via sua impia ipse quidem in iniquitate sua morietur tu autem animam tuam liberasti

⁶ contradicentibus autem eis et blasphemantibus excutiens vestimenta dixit ad eos sanguis vester super caput vestrum mundus ego ex hoc ad gentes vadam

²⁶ quapropter contestor vos hodierna die quia mundus sum a sanguine omnium ²⁷ non enim subterfugi quo minus adnuntiarem omne consilium Dei vobis

²⁵ videte ne recusetis loquentem si enim illi non effugerunt recusantes eum qui super terram loquebatur multo magis nos qui de caelis loquentem nobis avertimur