Proverbs 16:16 Cross References - Haitian

¹⁶ Pito ou gen bon konprann pase pou ou gen byen. Pito ou gen konesans pase ou gen lajan.

¹³ Lèzòm pa konnen sa pou yo fè pou yo mete men sou li. Yo pa jwenn li ankenn kote sou latè. ¹⁴ Fon lanmè a deklare li pa gen bagay konsa. Lanmè a deklare bon konprann pa lakay li. ¹⁵ Ou te mèt gen lò, ou pa ka achte l'. Ou pa ka bay lajan pou ou genyen l'. ¹⁶ Li gen plis valè pase lò peyi Ofi a. Bèl pyè oniks ak safi pa ka parèt la. ¹⁷ Yo pa ka konpare l' ni ak lò ni ak bèl kristal. Yo pa ka boukante l' pou yon bèl veso fèt an lò. ¹⁸ Pou grenn koray ak wòch kristal menm, yo pa ka parèt la. Pito ou al dèyè bon konprann pase ou ale dèyè bèl pyè lanbi. ¹⁹ Topaz peyi Letiopi pa vo anyen devan l'. Pi bon lò a pa ka konpare ak bon konprann. ²⁰ Men, kote nou ka jwenn konesans lan? Kote bon konprann lan ye menm? ²¹ Pa gen moun, pa gen bèt ki ka wè l', pa menm zwazo k'ap vole nan syèl la. ²² Ata lanmò ak simityè di se tande yo tande nonmen non l'. ²³ Se Bondye ase ki konn chemen an. Se li ase ki konnen kote li rete. ²⁴ Paske Bondye wè dènye bout latè. Li voye je l', li gade tou sa ki anba syèl la. ²⁵ Lè Bondye t'ap bay van yo pèz yo, lè li t'ap bay dlo lanmè a mezi kote pou l' rive a, ²⁶ lè li t'ap bay lòd kote pou lapli tonbe ak chemen pou loraj yo pran lè y'ap gwonde, ²⁷ se lè sa a li te wè bon konprann, li wè sa li vo. Li egzaminen l' byen egzaminen, li sonde l' byen sonde. ²⁸ Apre sa, Bondye di moun konsa: -Gen krentif pou Bondye, se sa ki rele bon konprann. Vire do bay sa ki mal, men sa ki rele gen lespri.

¹²⁷ Se poutèt sa, mwen renmen kòmandman ou yo pi plis pase lò, menm pase lò ki pi bon an.

¹⁵ Sajès pi bon pase boul lò. Nanpwen anyen moun ta renmen genyen ki ka parèt devan li. ¹⁶ Yon bò, bon konprann ap fè moun viv lontan. Yon lòt bò, l'ap bay richès, l'ap fè moun respekte ou. ¹⁷ L'ap fè moun viv ak kè kontan. L'ap fè ou reyisi nan tou sa w'ap fè. ¹⁸ Moun ki gen bon konprann jwenn lavi. Sa bon nèt pou moun ki gen bon konprann!

⁷ Chache gen konesans, se premye bagay yon nonm lespri dwe fè. Nenpòt kisa ou ka genyen, bay li pou ou vin gen konprann.

¹⁰ Pito ou chache gen bon konprann pase pou ou gen lajan. Pito ou chache gen konesans pase pou ou gen pi bon lò. ¹¹ Paske, mwen menm Bon Konprann, mwen pi bon pase boul lò. Pa gen anyen ou ta renmen genyen ki ka konpare avè m'.

¹⁹ Tou sa mwen bay pi bon lontan pase pi bon lò ki genyen. Yo pi bon pase ajan.

¹² Bon konprann pwoteje ou menm jan lajan ka fè l'. Men, avantaj yon moun genyen lè li gen konesans avèk bon konprann, sa l' konnen an ap fè l' viv.

²⁶ Kisa sa ta sèvi yon moun pou l' ta genyen lemonn antye si l' pèdi lavi li? Kisa yon moun kapab bay pou l' gen lavi?

²¹ Jezi di yo ankò: Se konsa sa ye tou pou moun k'ap ranmase byen pou tèt pa l' men ki pa rich devan Bondye.