6 כל ימי הזירו ליהוה על נפשׁ מת לא יבא׃
Numbers 6:6 Cross References - HOT
Leviticus 19:28
28 ושׂרט לנפשׁ לא תתנו בבשׂרכם וכתבת קעקע לא תתנו בכם אני יהוה׃
Leviticus 21:1-3
Leviticus 21:11
11 ועל כל נפשׁת מת לא יבא לאביו ולאמו לא יטמא׃
Numbers 19:11-22
11 הנגע במת לכל נפשׁ אדם וטמא שׁבעת ימים׃12 הוא יתחטא בו ביום השׁלישׁי וביום השׁביעי יטהר ואם לא יתחטא ביום השׁלישׁי וביום השׁביעי לא יטהר׃13 כל הנגע במת בנפשׁ האדם אשׁר ימות ולא יתחטא את משׁכן יהוה טמא ונכרתה הנפשׁ ההוא מישׂראל כי מי נדה לא זרק עליו טמא יהיה עוד טמאתו׃14 זאת התורה אדם כי ימות באהל כל הבא אל האהל וכל אשׁר באהל יטמא שׁבעת ימים׃15 וכל כלי פתוח אשׁר אין צמיד פתיל עליו טמא הוא׃16 וכל אשׁר יגע על פני השׂדה בחלל חרב או במת או בעצם אדם או בקבר יטמא שׁבעת ימים׃17 ולקחו לטמא מעפר שׂרפת החטאת ונתן עליו מים חיים אל כלי׃18 ולקח אזוב וטבל במים אישׁ טהור והזה על האהל ועל כל הכלים ועל הנפשׁות אשׁר היו שׁם ועל הנגע בעצם או בחלל או במת או בקבר׃19 והזה הטהר על הטמא ביום השׁלישׁי וביום השׁביעי וחטאו ביום השׁביעי וכבס בגדיו ורחץ במים וטהר בערב׃20 ואישׁ אשׁר יטמא ולא יתחטא ונכרתה הנפשׁ ההוא מתוך הקהל כי את מקדשׁ יהוה טמא מי נדה לא זרק עליו טמא הוא׃21 והיתה להם לחקת עולם ומזה מי הנדה יכבס בגדיו והנגע במי הנדה יטמא עד הערב׃22 וכל אשׁר יגע בו הטמא יטמא והנפשׁ הנגעת תטמא עד הערב׃