Joshua 21:3 Cross References HOT

³ ויתנו בני ישׂראל ללוים מנחלתם אל פי יהוה את הערים האלה ואת מגרשׁיהן׃

⁷ ארור אפם כי עז ועברתם כי קשׁתה אחלקם ביעקב ואפיצם בישׂראל׃

⁸ וללוי אמר תמיך ואוריך לאישׁ חסידך אשׁר נסיתו במסה תריבהו על מי מריבה׃⁹ האמר לאביו ולאמו לא ראיתיו ואת אחיו לא הכיר ואת בנו לא ידע כי שׁמרו אמרתך ובריתך ינצרו׃¹⁰ יורו משׁפטיך ליעקב ותורתך לישׂראל ישׂימו קטורה באפך וכליל על מזבחך׃

1 Chronicles 6:54-81

⁵⁴ (6:39) ואלה מושׁבותם לטירותם בגבולם לבני אהרן למשׁפחת הקהתי כי להם היה הגורל׃⁵⁵ (6:40) ויתנו להם את חברון בארץ יהודה ואת מגרשׁיה סביבתיה׃⁵⁶ (6:41) ואת שׂדה העיר ואת חצריה נתנו לכלב בן יפנה׃⁵⁷ (6:42) ולבני אהרן נתנו את ערי המקלט את חברון ואת לבנה ואת מגרשׁיה ואת יתר ואת אשׁתמע ואת מגרשׁיה׃⁵⁸ (6:43) ואת חילז ואת מגרשׁיה את דביר ואת מגרשׁיה׃⁵⁹ (6:44) ואת עשׁן ואת מגרשׁיה ואת בית שׁמשׁ ואת מגרשׁיה׃⁶⁰ (6:45) וממטה בנימן את גבע ואת מגרשׁיה ואת עלמת ואת מגרשׁיה ואת ענתות ואת מגרשׁיה כל עריהם שׁלשׁ עשׂרה עיר במשׁפחותיהם׃⁶¹ (6:46) ולבני קהת הנותרים ממשׁפחת המטה ממחצית מטה חצי מנשׁה בגורל ערים עשׂר׃⁶² (6:47) ולבני גרשׁום למשׁפחותם ממטה ישׂשכר וממטה אשׁר וממטה נפתלי וממטה מנשׁה בבשׁן ערים שׁלשׁ עשׂרה׃⁶³ (6:48) לבני מררי למשׁפחותם ממטה ראובן וממטה גד וממטה זבולן בגורל ערים שׁתים עשׂרה׃⁶⁴ (6:49) ויתנו בני ישׂראל ללוים את הערים ואת מגרשׁיהם׃⁶⁵ (6:50) ויתנו בגורל ממטה בני יהודה וממטה בני שׁמעון וממטה בני בנימן את הערים האלה אשׁר יקראו אתהם בשׁמות׃⁶⁶ (6:51) וממשׁפחות בני קהת ויהי ערי גבולם ממטה אפרים׃⁶⁷ (6:52) ויתנו להם את ערי המקלט את שׁכם ואת מגרשׁיה בהר אפרים ואת גזר ואת מגרשׁיה׃⁶⁸ (6:53) ואת יקמעם ואת מגרשׁיה ואת בית חורון ואת מגרשׁיה׃⁶⁹ (6:54) ואת אילון ואת מגרשׁיה ואת גת רמון ואת מגרשׁיה׃⁷⁰ (6:55) וממחצית מטה מנשׁה את ענר ואת מגרשׁיה ואת בלעם ואת מגרשׁיה למשׁפחת לבני קהת הנותרים׃⁷¹ (6:56) לבני גרשׁום ממשׁפחת חצי מטה מנשׁה את גולן בבשׁן ואת מגרשׁיה ואת עשׁתרות ואת מגרשׁיה׃⁷² (6:57) וממטה ישׂשכר את קדשׁ ואת מגרשׁיה את דברת ואת מגרשׁיה׃⁷³ (6:58) ואת ראמות ואת מגרשׁיה ואת ענם ואת מגרשׁיה׃⁷⁴ (6:59) וממטה אשׁר את משׁל ואת מגרשׁיה ואת עבדון ואת מגרשׁיה׃⁷⁵ (6:60) ואת חוקק ואת מגרשׁיה ואת רחב ואת מגרשׁיה׃⁷⁶ (6:61) וממטה נפתלי את קדשׁ בגליל ואת מגרשׁיה ואת חמון ואת מגרשׁיה ואת קריתים ואת מגרשׁיה׃⁷⁷ (6:62) לבני מררי הנותרים ממטה זבולן את רמונו ואת מגרשׁיה את תבור ואת מגרשׁיה׃⁷⁸ (6:63) ומעבר לירדן ירחו למזרח הירדן ממטה ראובן את בצר במדבר ואת מגרשׁיה ואת יהצה ואת מגרשׁיה׃⁷⁹ (6:64) ואת קדמות ואת מגרשׁיה ואת מיפעת ואת מגרשׁיה׃⁸⁰ (6:65) וממטה גד את ראמות בגלעד ואת מגרשׁיה ואת מחנים ואת מגרשׁיה׃⁸¹ (6:66) ואת חשׁבון ואת מגרשׁיה ואת יעזיר ואת מגרשׁיה׃

Joshua 21:3 Cross References - HOT

Genesis 49:7

Deuteronomy 33:8-10

1 Chronicles 6:54-81